មហាសមុទ្រដ៏ធំល្វឹងល្វើយគេអាចវាស់ស្ទង់បាន តែទឹកចិត្តស្រឡាញ់របស់ឪពុកម្តាយមកលើយើងជាកូន គ្មានអ្នកណាអាចប៉ាន់ប្រមាណបានឡើយ ។ នៅវេលានេះម៉ែទន្ទឹងរង់ចាំមើលផ្លូវកូនរាល់ថ្ងៃ ម៉ែចង់ឃើញកូនមកជួបជុំគ្នា ហូរបាយរួមគ្នា កុំគិតថាគ្មានលុយទើបមិនហ៊ានមកលេងនឹងម៉ែនោះ ម៉ែចាស់ណាស់ទៅហើយកូន ម៉ែមិនចង់បានអ្វីពីកូនទេ…
មហាសមុទ្រដ៏ធំល្វឹងល្វើយគេអាចវាស់ស្ទង់បាន តែទឹកចិត្តស្រឡាញ់របស់ឪពុកម្តាយមកលើយើងជាកូន គ្មានអ្នកណាអាចប៉ាន់ប្រមាណបានឡើយ ។
នៅវេលានេះម៉ែទន្ទឹងរង់ចាំមើលផ្លូវកូនរាល់ថ្ងៃ ម៉ែចង់ឃើញកូនមកជួបជុំគ្នា ហូរបាយរួមគ្នា កុំគិតថាគ្មានលុយទើបមិនហ៊ានមកលេងនឹងម៉ែនោះ ម៉ែចាស់ណាស់ទៅហើយកូន ម៉ែមិនចង់បានអ្វីពីកូនទេ ម៉ែសុំត្រឹមតែឃើញមុខកូនគឺម៉ែអស់ចិត្តហើយ ។
ថ្ងៃនេះជាវេនបិណ្ឌទី១០ហើយ នៅសល់តែ៥ថ្ងៃទៀតប៉ុណ្ណោះផុតរដូវភ្ជុំហើយ សូមកូនប្រញាប់រូតរះមកជួបម៉ែ ជួបសាច់ញាតិ បងប្អូនណាកូន ម៉ែកំពុងទន្ទឹងរង់ចាំកូនយ៉ាងអន្ទះសា ចាំកូនទាំងទឹកភ្នែក។ នេះជាទំនួញពុកម៉ែដែលនឹកកូន ស្រឡាញ់កូនពេញបេះដូង ។
នេះជាឱកាសដ៏វិសេសបំផុតសម្រាប់កូនប្រុសស្រីបំពេញកងការកុសលចំពោះលោកអ្នកដ៏មានគុណ ឧបត្ថម្ភលោកដោយទេយ្យទានទាំងឡាយមានបាយ ទឹក នំ ចំណី ត្រី សាច់ សម្លៀកបំពាក់ និងលុយកាក់ជាដើមសម្រាប់ចាយវាយក្នុងរដូវបុណ្យទាននេះឱ្យបានសមរម្យ។
ដូចនេះបើលោកអ្នកឈប់សម្រាកពីការងារគួរឆ្លៀតពេលទៅលេងនឹងគាត់ផង និងបានតបស្នងសងគុណដល់លោកវិញផង ព្រោះគាត់ទាំងទ្វេត្រូវការលោកអ្នកខ្លាំងណាស់ ។ (ដោយសាន សារិន)
ចែករំលែកព័តមាននេះ