តាមបណ្តាញព័ត៌មានរបស់ចិនផ្សាយថា លោក លី កឺឈាង នាយករដ្ឋមន្ត្រីចិន បានថ្លែងថា រដ្ឋាភិបាលកណ្តាលនឹងនាំមកនូវភាពច្បាស់ការមួយនៃការបង្កើនសម្ពាធលើកំណើនសេដ្ឋកិច្ច និងការណែនាំពីកម្មវិធីនយោបាយដ៏មានប្រសិទ្ធភាព ដើម្បីកំណត់ទិសដៅបញ្ហាដែលមន្ត្រីក្នុងតំបន់កំពុងជួបប្រទះ ។
តាមបណ្តាញព័ត៌មានរបស់ចិនផ្សាយថា លោក លី កឺឈាង នាយករដ្ឋមន្ត្រីចិន បានថ្លែងថា រដ្ឋាភិបាលកណ្តាលនឹងនាំមកនូវភាពច្បាស់ការមួយនៃការបង្កើនសម្ពាធលើកំណើនសេដ្ឋកិច្ច និងការណែនាំពីកម្មវិធីនយោបាយដ៏មានប្រសិទ្ធភាព ដើម្បីកំណត់ទិសដៅបញ្ហាដែលមន្ត្រីក្នុងតំបន់កំពុងជួបប្រទះ ។
តាមការអធិប្បាយនាអំឡុងពេលនៃកិច្ចប្រជុំជាមួយនឹងមន្ត្រីជាន់ខ្ពស់កម្រិតថ្នាក់ខេត្តចំនួន៥ នៅក្នុងពេលដំណើរទស្សនកិច្ចស្វែងរកការពិតនៅខេត្តលីវនីញ លោក លី បានលើកឡើងថា ចិនមានសមត្ថភាព មានការជឿជាក់នូវលក្ខខណ្ឌដើម្បីរក្សានូវការផ្លាស់ប្តូរសេដ្ឋកិច្ចឱ្យស្របទៅនឹងលក្ខណៈសមហេតុផល ។ លោក លី បានបន្ថែមទៀតថា «ខ្ញុំសុំមិនបកស្រាយថា តើរដ្ឋាភិបាលកណ្តាលរបស់ចិន នឹងបង្ហាញនូវអ្វីដែលជម្រុញដល់វិស័យហិរញ្ញវត្ថុថ្មីដើម្បីជាការលើកទឹកចិត្តនៃកំណើនសេដ្ឋកិច្ចឡើយ» ។ អ្នកសេដ្ឋកិច្ចបានព្យាករថា កំណើន GDP នៅក្នុងត្រីមាសទី១នេះ ប្រហែលជាអាចធ្លាក់ចុះក្នុងកម្រិតល្បឿនយឺតបំផុតរហូតរយៈពេលជិត៥ឆ្នាំ ។
នៅក្នុងគោលការណ៍របស់ចិន អ្វីដែលចាត់ចូលជាហេតុផលអាចទទួលយកបានគឺការកើនឡើងនៃ GDP ប្រមាណជា៧%ជាមួយនឹងអតិផរណាមិនខ្ពស់ជាង៣,៥%។ ទោះជាយ៉ាងណាក៏ដោយ ស្ថានភាពសេដ្ឋកិច្ចរបស់ចិននៅតែមានស្ថិរភាពជាធម្មតាជាមួយនឹងការប្រែប្រួលលើភាពវិជ្ជមាននៅក្នុងតំបន់មួយចំនួន ។ជាងនេះទៅទៀត ចិនក៏បានបង្កើនបទពិសោធន៍នៃការទទួលយកមេរៀនពីការបង្អន់ល្បឿនកំណើនសេដ្ឋកិច្ចកាលពីឆ្នាំមុនផងដែរ ហើយវាក៏ត្រូវបានកែប្រែនយោបាយដើម្បីដោះស្រាយនូវភាពប្រែប្រួលដែលអាចកើតមានឡើងនៅក្នុងឆ្នាំ២០១៤នេះ ។
គួរបញ្ជាក់ថា ការកត់សម្គាល់របស់លោក លី ត្រូវបានបម្រុងទុកដើម្បីជាសារមួយបញ្ជូនទៅដល់ក្រុមវិនិយោគិនលើពិភពលោក ដែលមានកង្វល់អំពីសេដ្ឋកិច្ចរបស់ប្រទេសចិន ដូចដែលបានបង្ហាញនៅក្នុងទិន្នន័យសេដ្ឋកិច្ចនាអំឡុងពេល២ខែដំបូង នៃឆ្នាំ២០១៤ នេះ ៕
ចែករំលែកព័តមាននេះ