ប្រភពពីបរទេសនាពេលថ្មីៗនេះ បានបង្ហាញនូវភាពភ្ញាក់ផ្អើលមួយ ខណៈដែលមានយុវជនវ័យក្មេងម្នាក់ឈ្មោះ Scott អាយុ២៥ឆ្នាំ ជាអ្នករស់នៅក្នុងទីក្រុង Basingstoke នៃប្រទេសអង់គ្លេស បានឈរដាំដូងនៅគែមអគារដែលមានកម្ពស់រហូតដល់១៤៧ម៉ែត្រ ។
ប្រភពពីបរទេសនាពេលថ្មីៗនេះ បានបង្ហាញនូវភាពភ្ញាក់ផ្អើលមួយ ខណៈដែលមានយុវជនវ័យក្មេងម្នាក់ឈ្មោះ Scott អាយុ២៥ឆ្នាំ ជាអ្នករស់នៅក្នុងទីក្រុង Basingstoke នៃប្រទេសអង់គ្លេស បានឈរដាំដូងនៅគែមអគារដែលមានកម្ពស់រហូតដល់១៤៧ម៉ែត្រ ។
សកម្មភាពឈរដាំដូងដែលស្ថិតនៅលើអគារកម្ពស់ខ្ពស់របស់ Scott ពិតជាបង្កឱ្យមានភាពភ្ញាក់ផ្អើល និងទទួលបានការចាប់អារម្មណ៍យ៉ាងខ្លាំងពីសំណាក់មហាជនដែលរង់ចាំទស្សនា ប៉ុន្តែក៏មានអ្នកខ្លះព្រួយបារម្ភពីសុវត្ថិភាពរបស់លោក Scott ផងដែរ ព្រោះគេមិនបានពាក់ខ្សែក្រវាត់ការពារឡើយ ។ ប្រសិនបើលោក Scott មានការធ្វេសប្រហែសនោះ នឹងអាចធ្លាក់ចុះមកក្រោម ហើយប្រឈមនឹងការទទួលរងគ្រោះថ្នាក់រហូតដល់បាត់បង់ជីវិតជាក់ជាមិនខាន ។
លោក Scott បាននិយាយរៀបរាប់ដែរថា «តាំងពីតូចមក គាត់ចូលចិត្តឈរដាំដូងណាស់ ពោលគឺគាត់តែងតែធ្វើការសម្តែងឱ្យមិត្តភក្តិគាត់មើល ពេលទំនេរពីការសិក្សា ។ លុះចម្រើនវ័យធំបន្តិចម្តងៗគាត់ក៏បានហ្វឹកហាត់លើទេពកោសល្យដែលមានពីកំណើតបន្ថែមទៀត ។ យ៉ាងណាមិញ ដូចនៅពេលនេះ គាត់ឡើងទៅលើអគារមួយដែលមានកម្ពស់៤០ជាន់ (កម្ពស់១៤៧ម៉ែត្រ) ហើយបានយកដៃទាំងពីរច្រត់ចុះ និងដាំដូងក្បាលចុះមក្រោម លើកជើងទាំងពីរឡើងលើ ។ ជាពិសេសគាត់បានឈរនៅគែមអគារនោះដែលមើលទៅគួរឱ្យភ័យខ្លាចយ៉ាងខ្លាំងនៅពេលដែលអ្នកដទៃបានឃើញសកម្មភាពសម្តែងយ៉ាងអស្ចារ្យនេះ ។ លោក Scott បាននិយាយបន្តទៀតថា ដោយសារតែការសម្តែងរបស់គាត់មានភាពល្អប្រសើរ ទើបបានជាមានក្រុមសម្តែងសៀកទាក់ទងគាត់ឱ្យចូលជាសមាជិក ។ ហេតុនេះហើយ ទើបនាពេលបច្ចុប្បន្ននេះ គាត់ក៏បានទទួលបានប្រាក់កម្រៃបន្ថែមទៀត ដោយសារតែមានការនិយមគាំទ្រពីសំណាក់ទស្សនិកជន ។ ជាងនេះទៅទៀត គាត់ពិតជាសប្បាយចិត្តណាស់ដោយសារតែជំនាញមួយនេះ បានធ្វើឱ្យគាត់មានកេរ្តិ៍ឈ្មោះល្បីល្បាញ»។
សូមបញ្ជាក់ថា លោក Scott មិនមែនឡើងតែអគារស្ថិតនៅប្រទេសអង់គ្លេសប៉ុណ្ណោះទេ ប៉ុន្តែគាត់ក៏ធ្លាប់បានឡើងអគារខ្ពស់ៗជាច្រើន ស្ថិតនៅក្នុងប្រទេសចិន និងឥណ្ឌាផងដែរ ៕
ចែករំលែកព័តមាននេះ