ទម្លាប់​ទាំង​៣ របស់​សហគ្រិន​ដែល​ប៉ះពាល់​ដល់​ការ​ដឹកនាំ


ជំនឿ​ចិត្ត និង​ភាព​វិជ្ជមាន គឺជា​គុណសម្បត្តិ​សំខាន់​ៗ​ដែល​សហគ្រិន​ដែល​ជោគជ័យ​តែងតែ​ព្យាយាម​ចង់​ឲ្យ​ក្រុមការងារ​មាន ។ ប្រាកដ​ណាស់ ជំនឿ​ចិត្ត និង​ភាព​វិជ្ជមាន​អាស្រ័យ​លើ​សមត្ថភាព និង​ការ​សម្រេចចិត្ត​របស់​អ្នកដឹកនាំ​ដែរ ។

ប្រ​សិន បើ​ក្រុមការងារ​គិត​ថា អ្នកដឹកនាំ​ធ្វើការ​សម្រេចចិត្ត និង​គ្រប់គ្រង​បាន​ល្អ​នោះ​ពួក​គេ​ក៏​កាន់តែ​ជឿ​ទុកចិត្ត​អ្នកដឹកនាំ​ដែរ ។ ប៉ុន្តែ​សហគ្រិន​មួយ​ចំនួន​មាន​ទម្លាប់​មិនល្អ​ខ្លះ​ៗ​ដែល​បង្ហាញ​ពី​ការ​អសមត្ថភាព​របស់​ខ្លួន​ដែល​បង្ក​ឲ្យ​ក្រុមការងារ​បាត់បង់​ភាព​ទុកចិត្ត និង​ភាព​វិជ្ជមាន​ទាំងនេះ ។ ដើម្បី​ទប់ស្កាត់​មិន​ឲ្យ​ជួប​ករណី​ខាងលើ​សហគ្រិន​ទាំងអស់​គួរតែ​ជៀសវាង​ទម្លាប់​មិនល្អ​ខាងក្រោម​នេះ ៖

១. មិន​មាន​ភាព​ច្បាស់លាស់​ពេល​ដែល​ធ្វើការ​ទំនាក់ទំនង
ការ​ទំនាក់ទំនង គឺជា​ជំនាញ​មួយ ប៉ុន្តែ​មាន​សហគ្រិន​ជា​ច្រើន​រូប​មាន​ភាព​ខ្វះខាត​ក្នុង​ផ្នែក​នេះ ។ ពួក​គេ​មានគំនិត​ល្អ​ៗ ប៉ុន្តែ​មិន​មាន​ភាព​ច្បាស់លាស់​ពេល​ដែល​បកស្រាយ​ពី​វា​ប្រាប់​ដល់​បុគ្គលិក ។ ដូច្នេះ​ពេល​ចប់​ប្រជុំ​ម្តង​ៗ បុគ្គលិក​មិន​យល់​ពី​អ្វី​ដែល​បាន​លើក​ឡើង​ឡើយ ។ លើស​ពី​នេះ​ទៅ​ទៀត​អ្នកដឹកនាំ​គួរតែ​មាន​ភាព​ច្បាស់លាស់​ក្នុង​ការ​ឆ្លើយ​តប​នឹង​សំណួ​របស់​បុគ្គលិក ។ មិន​មាន​នរណា​ម្នាក់​ដែល​ចូល​ចិត្ត​ចម្លើយ​ដែល​ប្រៀប​ដូច​ជា គេច​នឹង​សំណួរ​ឡើយ ។

២. មិន​ទទួល​យោបល់ ឬ​ការ​រិះគន់​ពី​បុគ្គលិក
អ្នកដឹកនាំ​មិន​តែងតែ​ត្រូវជា​និច្ច​ទេ ហើយ​សហគ្រិន​ដែល​ជោគជ័យ​យល់​ដឹង​ច្បាស់​ពី​ចំណុច​នេះ​។ ក្នុង​អាជីវកម្ម​ថ្មី​ៗ​សព្វ​ថ្ងៃនេះ អ្នកដឹកនាំ​ភាគច្រើន​ត្រូវ​តែ​ធ្វើការ​ផ្លាស់​ប្តូរ​ដើម្បី​ឲ្យ​ក្រុមហ៊ុន ឬ​អាជីវកម្ម លូតលាស់​ទៅ​មុខ​បាន​។ ដោយហេតុ​ដូចនេះ បុគ្គលិក​គួរតែ​ត្រូវ​បាន​ជំរុញ​ឲ្យ​ផ្តល់​យោបល់ ឬ​ចង្អុលបង្ហាញ​ពី​បញ្ហា​ដែល​ពួក​គេ​មើលឃើញ ទើប​ក្រុមការងារ​ទាំងអស់​អាច​សហការ​ដើម្បី​ស្វែងរក​ដំណោះស្រាយ​បាន​។

៣. គិត​ថា ពួក​គេ​អាច​ធ្វើ​អ្វី​ទាំងអស់​តែ​ម្នាក់ឯង
ពី​មុន​បុគ្គលិក​អាច​នឹង​គោរព​អ្នកដឹកនាំ​ដែល​ធ្វើការ​បាន​១៦​ម៉ោង​ក្នុង​មួយ​ថ្ងៃ និង​អាច​ដោះស្រាយ​បញ្ហា​ធំ​ៗ​ដោយ​ខ្លួនឯង ។ ប៉ុន្តែ​ក្នុង​ពេល​ប​ច្ចុ​ប្ប​ន្នេះ អ្នកដឹកនាំ​ប្រភេទ​នេះ​ប្រៀប​បានជា​មនុស្ស​អាត្មា​និយម​ម្នាក់ ។ បុគ្គលិក​របស់​អ្នក​មើល​មក​អ្នកជា​មនុស្ស​ដែល​មាន​តួនាទី​កំណត់​ទិស​ដៅ និង​គ្រប់គ្រង​កិច្ចការ​ក្នុង​ក្រុមហ៊ុន មិនមែន​ជា​មនុស្ស​ដែល​ចាំ​ធ្វើការ​ងារ​កំ​ប៉ិ​កំប៉ុក​ដែល​អ្នក​ដទៃ​អាច​ធ្វើ​បាន​ទេ​៕ កែសម្រួល​ដោយ ៖ សុ​ឃា​ក់

Facebook Google Twitter Email

គួរ​យល់​ដឹង

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

០៨:៥០ | ក្នុងស្រុក

តើ​នឹង​មាន​អ្វី​កើតឡើង នៅ​ពេល​តារា​សម្តែង​ភាពយន្ត​ដ៏​ល្បី ទេព រិ​ន​ដា​រ៉ូ និង​តារា​ល្បី​ក្នុង​បណ្តាញ​សង្គម ហេង វិសាល ប្រឈម​មុខ​នឹង​សត្វព្រៃ​នៅ​ខេត្តបាត់ដំបង?

ការស្ទង់មតិគេហទំព័រថ្មី




សូម​អរគុណ