ខេត្តបាត់ដំបង ៖ រថយន្តកាម៉ារីហាយប្រ៊ីត ពណ៌ស្ករ ពាក់ស្លាកលេខភ្នំពេញ2Y-6272 បានបើកបុកម៉ូតូសង់សេ១២៥ ស៊េរីឆ្នាំ២០០០ ពាក់ស្លាកលេខ បាត់ដំបង 1I-3837 ជិះពីអ្នកម្តាយនិង កូនប្រុសតូច បណ្តាលឱ្យស្រី្តជាម្តាយទំនងជាបាក់ជើង ឆ្វេង រីឯ កូនប្រុសរបួសស្រាល ហេតុការណ៏នេះកើតឡើងនៅវេលាម៉ោង ៧និង៥នាទី យប់ ថ្ងៃទី ៣១ មីនា ២០១៤ នៅលើផ្លូវជាតិលេខ៥ ខាងមុខរូបសំណាក លោកតា ដំបងក្រញូង ស្ថិតនៅក្នុងក្រុងបាត់ដំបង ។
ប្រភពព័ត៌មានបានឱ្យដឹងថា នៅមុនពេលកើតហេតុ គេឃើញរថយន្ត ម៉ាកកាម៉ារីហាយប្រ់ីត បើកក្នុងទិសដៅ ពីលិចទៅកើតឆ្វែលរូបសំណាកលោកតាដំបងក្រញូង ចំណែកឯម៉ូតូជនរងគ្រោះបើក ក្នុងទិសដៅពីត្បូងទៅជើង មកដល់ចំណុចកើតហេតុរថយន្តបានបុក ម៉ូតូជនរងគ្រោះចំហៀងខាងក្រោយ បណ្តាលឱ្យ ស្រ្តីជិះម៉ូតូទំនងជាបាក់ជើងឆ្វេង រីឯកូនប្រុសរបូសស្រាល។
ក្រោយពេលកើតហេតុ សមត្ថកិច្ចបានធ្វើការវាស់វែង និងយករថយន្តនិងម៉ូតូជនរងគ្រោះទៅរក្សាទុកនៅការិយាល័យចរាចរណ៏ខេត្តដើម្បីដោះស្រាយតាមផ្លូវច្បាប់ ។
សូមបញ្ជាក់ថា នៅក្នុងហេតុការណ៏គ្រោះថ្នាក់ចរាចរណ៏នេះ អ្នកសារព័ត៌មានបានចុះទៅផ្តិតយករូបភាព ប៉ុន្តែបុរសអ្នកបើករថយន្តកាម៉ារីហាយប្រ៊ីត បានបញ្ចេញសកម្មភាពមិនចង់ឱ្យអ្នកសារព័ត៌មានថតរូបនោះទេ។
ចែករំលែកព័តមាននេះ