ប្រទេសកូរ៉េខាងជើងនិងកូរ៉េខាងត្បូងបានបា.ញ់តគ្នា កាលពីថ្ងៃទី៣១ មីនា នៅជិតព្រំដែនសមុទ្រដែលមានជម្លោះ ហើយក្រុងសេអ៊ូលបានស្នើដល់ប្រជាជននៃកោះ២នៅជិតតំបន់នោះឱ្យរត់រកជម្រកការពារ ខណៈភាពតានតឹងមានការកើនឡើងខ្ពស់នៅឧបទ្វីបកូរ៉េ ។
ប្រទេសកូរ៉េខាងជើងនិងកូរ៉េខាងត្បូងបានបាញ់តគ្នា កាលពីថ្ងៃទី៣១ មីនា នៅជិតព្រំដែនសមុទ្រដែលមានជម្លោះ ហើយក្រុងសេអ៊ូលបានស្នើដល់ប្រជាជននៃកោះ២នៅជិតតំបន់នោះឱ្យរត់រកជម្រកការពារ ខណៈភាពតានតឹងមានការកើនឡើងខ្ពស់នៅឧបទ្វីបកូរ៉េ ។
អ្នកនាំពាក្យម្នាក់របស់សេនាធិការដ្ឋានកងទ័ពកូរ៉េខាងត្បូងថ្លែងថា គ្រាប់ផ្លោងទាំងឡាយបាញ់ចេញដោយកូរ៉េខាងជើងធ្លាក់ចូលដែនទឹករបស់យើង ហើយយើងបានបាញ់តបតវិញ ។ អ្នកនាំពាក្យរូបនេះបន្ដថា ការបាញ់ទាំងសងខាងហាក់ដូចជាពុំសំដៅលើទីតាំងច្បាស់លាស់ទាំងឡាយឡើយ ។ សម្រាប់ពេលនេះភាគីទាំង២បានបាញ់ទៅសមុទ្រ ។ ចំណែកអ្នកទទួលខុសត្រូវមូលដ្ឋានម្នាក់និយាយថា ប្រជាជនរស់នៅកោះ BAENGN-YEONG និងកោះ YEONPYEONG របស់កូរ៉េខាងត្បូងបានទទួលការណែនាំឱ្យស្ថិតក្នុងជម្រកការពារ ។
កូរ៉េខាងជើងបានព្រមានប្រាប់មុនពេលព្រឹកព្រលឹមថា ខ្លួននឹងធ្វើសមយុទ្ធបាញ់គ្រាប់ពិតក្នុងសមុទ្រលឿងជិតព្រំដែនសមុទ្រនៃប្រទេសកូរ៉េទាំង២ ។ ក្រុងព្យុងយ៉ាងស្នើដល់ក្រុងសេអ៊ូលថា ឱ្យគ្រប់គ្រងបណ្ដានាវារបស់ខ្លួនមុនសមយុទ្ធ ។ ចំណែកក្រុងសេអ៊ូលបានឆ្លើយតបភ្លាមៗវិញថា រាល់ការធ្វើសមយុទ្ធ បើហួសចូលខាងខ្លួននឹងមានការសងសឹកវិញភ្លាមៗ ។ នៅព្រំដែនសមុទ្ររវាងកូរ៉េទាំង២ កាលពីមុនធ្លាប់កើតមានការប៉ះទង្គិចបង្ហូរឈាមគ្នាជាច្រើនលើក ហើយលើកចុងក្រោយគេកើតមានកាលពីខែវិច្ឆិកា ឆ្នាំ២០១០។ ពេលនោះកូរ៉េខាងជើងបានបាញ់កាំភ្លើងធំមកលើកោះមួយរបស់កូរ៉េខាងត្បូងបណ្ដាលឱ្យមនុស្សស្លាប់៤នាក់ ដែលស្ទើរនាំឧបទ្វីបកូរ៉េឈានទៅរកមាត់ជ្រោះនៃជម្លោះមួយទៅហើយ ។
យោងតាមប្រភពព័ត៌មានយោធាកូរ៉េខាងត្បូងថា កូរ៉េខាងជើង កាលពីថ្ងៃទី៣១ មីនា បានកំណត់តំបន់ហាមឃាត់ការហោះហើររបស់យន្ដហោះ និងការធ្វើនាវាចរណ៍នៅជិតព្រំដែនសមុទ្រក្នុងសមុទ្រលឿង ។ នេះប្រហែលជាការរៀបចំសម្រាប់ការបាញ់មីស៊ីល និងគ្រាប់រ៉ុក្កែតនានា ។ កូរ៉េខាងជើងបានចល័តកងទ័ព និងកាំភ្លើងធំនៅឯព្រលានយន្ដហោះមីរីម ជិតក្រុងព្យុងយ៉ាងប្រហែលជាការរៀបចំសមយុទ្ធបាញ់គ្រាប់ពិតដោយទ្រង់ទ្រាយធំមួយដើម្បីសាកល្បងកម្លាំងរបស់ខ្លួន ។
ការចល័តទ័ពនោះធ្វើឡើងក្នុងកាលៈទេសៈនៃសមយុទ្ធយោធារដូវរងារបស់កូរ៉េខាងជើង ដែលចាប់ផ្ដើមពីខែធ្នូមក ជាមួយនឹងការបាញ់គ្រាប់រ៉ុក្កែត និងគ្រាប់មីស៊ីលទាំងឡាយ ហើយសមយុទ្ធយោធាមួយទៀតនៅជិតព្រំដែន កងទ័ពកូរ៉េខាងជើងហាក់ដូចជារៀបចំខ្លួនសម្រាប់សមយុទ្ធបាញ់គ្រាប់ពិតដោយទ្រង់ទ្រាយធំមួយដោយមានការបាញ់គ្រាប់រ៉ុក្កែតនិងគ្រាប់កាំភ្លើងធំ ។ ប្រភពយោធាកូរ៉េខាងត្បូងមួយនិយាយថា កូរ៉េខាងជើងអាចធ្វើសមយុទ្ធរបស់កងរថក្រោះអាចបើកក្នុងទឹកជាការឆ្លើយតបចំពោះសមយុទ្ធរួមកូរ៉េខាងត្បូង សហរដ្ឋអាមេរិកឈ្មោះ FOAL EAGLE ។
របបកូរ៉េខាងជើងក៏ថ្លែងកាលពីថ្ងៃទី៣០ មីនា ដែរថា ខ្លួនពុំបដិសេធឡើយនូវលទ្ធភាពនៃការសាកល្បងនុយក្លេអ៊ែរថ្មី ដើម្បីពង្រឹងអាវុធនុយក្លេអ៊ែររបស់ខ្លួននិងដើម្បីឆ្លើយតបចំពោះ សេចក្ដីថ្លែងការណ៍របស់ អ.ស.ប ដែលថ្កោលទោសចំពោះការបាញ់មីស៊ីលទាំងឡាយនាពេលថ្មីៗនេះរបស់កូរ៉េខាងជើង ។ កូរ៉េខាងជើងបាញ់មីស៊ីលទៅទិសខាងលិចនិងតំបន់ព្រំដែនសមុទ្រមួយទីភ្នាក់ងារព័ត៌មានកូរ៉េខាងត្បូង YONHAP រាយការណ៍ថា កូរ៉េខាងជើង កាលពីថ្ងៃទី៣១ មីនា បានបាញ់មីស៊ីលទាំងឡាយទៅទិសខាងលិចនិងតំបន់ព្រំដែនសមុទ្រមានជម្លោះមួយមុនពេលកងទ័ពកូរ៉េខាងត្បូងតបតវិញ ។
យោងតាមទូរទស្សន៍កូរ៉េខាងត្បូង YTN ថា បណ្ដាគ្រាប់មីស៊ីលធ្លាក់ក្នុងទឹកសមុទ្រស្ថិតនៅភាគខាងជើងកោះមួយរបស់កូរ៉េខាងត្បូងដែលមានប្រជាជនរស់នៅច្រើនកុះករ ។ YONHAP រៀបរាប់ថា គ្រាប់មីស៊ីលមួយរបស់កូរ៉េខាងជើងធ្លាក់ក្នុងដែនទឹកកូរ៉េខាងត្បូង ។ កងទ័ពកូរ៉េខាងត្បូងបានតបតវិញ ក្រោយការបាញ់នោះ ។ នេះជាការបាញ់មីស៊ីលលើកទី២របស់កូរ៉េខាងជើងរយៈពេលមិនដល់១សប្ដាហ៍ផង ។ កាលពីថ្ងៃទី២៦ មីនា កូរ៉េខាងជើងបានបាញ់មីស៊ីលរយៈមធ្យម២គ្រាប់សំដៅទៅសមុទ្រជប៉ុន៕
ចែករំលែកព័តមាននេះ