យោងតាមអង្គការសិទ្ធិមនុស្សស៊ីរី ស្និទ្ធពួកឧទ្ទាម OSDH ថា កាលពីថ្ងៃទី២៩ មីនា កន្លងមកនេះ ពួកឧទ្ទាមស៊ីរី និងពួកជីហាដនិយមនៃក្រុមរដ្ឋអ៊ិស្លាមនៅអុីរ៉ាក់ និង LEVANT (EIIL) ជាង៥០នាក់បានត្រូវស្លា.ប់ក្នុងការប្រយុទ្ធគ្នារវាងអតីតសម្ព័ន្ធមិត្តទាំងពីរនៅភាគឦសានស៊ីរី ។
យោងតាមអង្គការសិទ្ធិមនុស្សស៊ីរី ស្និទ្ធពួកឧទ្ទាម OSDH ថា កាលពីថ្ងៃទី២៩ មីនា កន្លងមកនេះ ពួកឧទ្ទាមស៊ីរី និងពួកជីហាដនិយមនៃក្រុមរដ្ឋអ៊ិស្លាមនៅអុីរ៉ាក់ និង LEVANT (EIIL) ជាង៥០នាក់បានត្រូវស្លាប់ក្នុងការប្រយុទ្ធគ្នារវាងអតីតសម្ព័ន្ធមិត្តទាំងពីរនៅភាគឦសានស៊ីរី ។
OSDH បញ្ជាក់កាលពីថ្ងៃទី៣០ មីនាថា ក្នុងការប្រយុទ្ធគ្នាទាំងនេះពួកឧទ្ទាម និងក្រុមរណសិរ្សអាល់ណូស្ត្រាបាត់បង់មនុស្ស៣៩នាក់ ចំណែកយុទ្ធជនរបស់ក្រុម EIIL ១៣នាក់ក៏ត្រូវស្លាប់ដែរ ។ OSDH បន្តថា ក្រុម EIIL ជាអ្នកមានប្រៀប ហើយដណ្តើមកាន់កាប់មូលដ្ឋានម៉ាកាដា ជាមូលដ្ឋានយុទ្ធសាស្ត្រមួយស្ថិតនៅតាមផ្លូវថ្នល់រវាងខេត្ត HASSAKE និងខេត្ត DEIR EZZOR ។ ខេត្តទាំងពីរនេះមានព្រំដែនជាប់ប្រទេសអុីរ៉ាក់ ដែលក្រុម EIIL ចាក់ឫសនៅទីនោះ ហើយក៏ជាខេត្តសម្បូរប្រេងកាតផងដែរ ។ ពីមុនជាសម្ព័ន្ធមិត្ត ពួកឧទ្ទាមស៊ីរី និងក្រុម EIIL បានប៉ះទង្គិចគ្នាចាប់តាំងពីដើមខែមករាមក ។
ដោយសារអំពើសាហាវជ្រុលពេកដែលហាក់ដូចជាជួយបម្រើនយោបាយរបស់របបលោកបាចា អាល់អាសាដ ពួកឧទ្ទាមជាច្រើនក្រុមបានរួមគ្នាធ្វើការវាយលុកប្រឆាំងអតីតមិត្តរួមអាវុធនោះ ។ ពួក EIIL ដែលជាពួករ៉ាឌីកាល់បំផុតក្នុងចំណោមបណ្តាក្រុមជីហាដនិយមនៅស៊ីរី ចាប់តាំងពីពេលនោះមកបានសម្រេចដកថយទៅកាន់បណ្តាទីតាំងពួកគេនាភាគខាងកើតជិតព្រំដែនអុីរ៉ាក់ ៕
ចែករំលែកព័តមាននេះ