ខេត្តកំពង់ចាម ៖ ចំណុចស្ពានអូរដា ត្រូវបានអ្នកដំណើរឱ្យឈ្មោះថាជាកន្លែងជើងកបនោះ ស្ថិតនៅតាមបណ្តោយផ្លូវជាតិលេខ៧ មុខភូមិអូរដា ឃុំត្រពាំងព្រះ ស្រុកព្រៃឈរ បង្កឱ្យមានមនុស្សស្លា.ប់ និងរបួសមិនតិចជាង១០០នាក់នោះទេ រហូតមកដល់ពេលនេះ គួរអាជ្ញាធរធ្វើពិធីវូបសមវិធី និមន្តព្រះសង្ឃសូត្រធម៌ រម្ងាប់ឧបទ្រពចង្រៃ ដើម្បីសេចក្តីសុខដល់អ្នកដំណើរ ។
ខេត្តកំពង់ចាម ៖ ចំណុចស្ពានអូរដា ត្រូវបានអ្នកដំណើរឱ្យឈ្មោះថាជាកន្លែងជើងកបនោះ ស្ថិតនៅតាមបណ្តោយផ្លូវជាតិលេខ៧ មុខភូមិអូរដា ឃុំត្រពាំងព្រះ ស្រុកព្រៃឈរ បង្កឱ្យមានមនុស្សស្លាប់ និងរបួសមិនតិចជាង១០០នាក់នោះទេ រហូតមកដល់ពេលនេះ គួរអាជ្ញាធរធ្វើពិធីវូបសមវិធី និមន្តព្រះសង្ឃសូត្រធម៌ រម្ងាប់ឧបទ្រពចង្រៃ ដើម្បីសេចក្តីសុខដល់អ្នកដំណើរ ។
ជាក់ស្តែងនៅវេលាម៉ោង១ និង៣០នាទីរំលងអធ្រាត្រ ឈានចូលថ្ងៃទី៣០ មីនា រថយន្តដឹកអុសធុនយក្ស១គ្រឿង បានបើកធ្លាក់ផ្លូវចូលទៅក្រោមស្ពានដែលមានជម្រៅ៧ម៉ែត្រ បង្កឱ្យរងរបួសធ្ងន់៦នាក់ លុះដល់ម៉ោង១០ និង៥នាទីព្រឹកថ្ងៃដដែល រថយន្តចំណុះ៥តោន សណ្តោងរ៉ឺម៉ក ដឹកសម្ភាររោងការរបស់ថៅកែឈ្មោះ អុិត ស្រេង ក្រឡាប់ធ្លាក់នៅក្បែរគ្នានោះទៀត បណ្តាលឱ្យកម្មករ និងចុងភៅធ្វើម្ហូបការរបួសរហូតដល់ទៅ១២នាក់ ត្រូវគេបញ្ជូនទៅសង្គ្រោះនៅមន្ទីរពេទ្យ ។ ទាក់ទងនឹងករណីនេះ លោកវរសេនីយ៍ត្រី កែវ ស៊ាងហ៊ន់ អធិការនគរបាលស្រុកព្រៃឈរ ឱ្យដឹងថា ចំពោះករណីទី១ រថយន្តដឹកអុស ពាក់ស្លាកលេខ តាកែវ 3A-1602 បានត្រឡប់មកពីទម្លាក់អុសឱ្យគេនៅខេត្តកណ្តាល រួចបើកមកកាន់ខេត្តកំពង់ចាមវិញ ក្នុងទិសដៅពីលិចទៅកើត បើកបរដោយឈ្មោះ សុខ គា ភេទប្រុស អាយុ២៣ឆ្នាំ នៅភូមិត្រពាំងថ្ម ឃុំក្រឡា ស្រុកកំពង់សៀម ដោយមានមនុស្សជិះចំនួន៦នាក់ រួមទាំងអ្នកបើកបរផង ។
ពេលបើកមកដល់ចំណុចស្ពានអូរដាមានរាងកោង អ្នកបើកបរងងុយដេក ជាហេតុបណ្តាលឱ្យទៅបុករបាំងដែកដែលដាក់នៅចិញ្ចើមផ្លូវលាន់ដូចរន្ទះ របើកទាំងផ្ទាំង ។ ពេលនោះរថយន្តបានហោះធ្លាក់ចូលទៅក្រោមស្ពានអូរដា ដែលមានកម្ពស់៧ម៉ែត្រ ធ្វើឱ្យរថយន្តរងការខូចខាតផ្នែកកាប៊ីនយ៉ាងដំណំ ចំណែកកម្មករដែលជិះលើរថយន្ត ផ្លោងចេញពីរថយន្ត ខ្លះបាក់ដៃ បាក់ជើងដួលដេករដូករណែលគួរឱ្យរន្ធត់ ។ អ្នករងគ្រោះ ១-អ្នកបើកបររថយន្ត ២-ឈ្មោះ ថាវ ភេទប្រុស អាយុ១៩ឆ្នាំ ៣-ឈ្មោះ អុីម ពៅ ភេទប្រុស អាយុ៤៨ឆ្នាំ ៤-ឈ្មោះ អ៊ាង សេងហាន ភេទប្រុស អាយុ២៣ឆ្នាំ ៥-ឈ្មោះ យ៉ាន យីន ភេទប្រុស អាយុ៤១ឆ្នាំ និង៦-ឈ្មោះ អ៊ន បូរិទ្ធ ភេទប្រុស អាយុ២៣ឆ្នាំ ត្រូវបានបញ្ជូនទៅសង្គ្រោះនៅមន្ទីរពេទ្យ៧D ។ ដោយឡែកចំពោះករណីទី២ រថយន្តហុីយ៉ាន់ដាយ ចំណុះ៥តោន ពាក់ស្លាកលេខ ភ្នំពេញ 3B-6691 ដឹកសម្ភាររោងការ ព្រមទាំងសណ្តោងរ៉ឺម៉កផង បានបើកពីកើតទៅលិច ពេលមកដល់ស្ពានអូរដា ស្រាប់តែមានរថយន្តហាយឡែនឌ័រ មួយគ្រឿង បើកពីលិចមកកើតបញ្ច្រាសទិសគ្នា ហើយបានជែងរថយន្តទីតានចំណុះ១តោនកន្លះ ពាក់ស្លាកលេខ កំពង់ធំ 2A-0014 បើកបរដោយឈ្មោះ អ៊ុក សែ ភេទប្រុស អាយុ៤២ឆ្នាំ នៅភូមិស្វាយស្រណោះ ឃុំរកាអារ ស្រុកកងមាស ។
ដោយឃើញស្ថានភាពមិនស្រួលបែបនេះ អ្នកបើកបររថយន្តហុីយ៉ាន់ដាយ ដឹកតុការ ឈ្មោះ នីម ហាន ភេទប្រុស អាយុ២៧ឆ្នាំ រស់នៅភូមិរោងគោ ឃុំបារាយណ៍ ស្រុកព្រៃឈរ បានបួងចង្កូតគេចដោយជាន់ហ្វ្រាំងពីចម្ងាយអូសកង់ ធ្វើឱ្យកន្ទុយរ៉ឺម៉កដែលដឹកតុការពេញ បានគ្រវីក្រវាត់ចុះឡើងៗ ប្រទាញទៅខាងឆ្វេងដៃបុករថយន្តទីតានរបស់ឈ្មោះ សែ ត្រូវផ្នែកខាងមុខ រួចរថយន្តដឹកតុការក្រឡាប់ភីងធ្លាក់ទៅក្បែររថយន្តដឹកអុស ដែលធ្លាក់ប៉ុន្មានម៉ោងមុននោះ ជះសម្ភារការ និងកម្មករធ្វើម្ហូបចំនួន១២នាក់ ខ្ទាតរប៉ាត់រប៉ាយពេញកន្លែងកើតហេតុរបួសធ្ងន់ស្រាលទាំងអស់គ្នា ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកស្រុកព្រៃឈរ ។ វត្ថុតាងទាំងពីរករណីខាងលើ កម្លាំងជំនាញចរាចរណ៍ស្ទូចមករក្សាទុកនៅអធិការដ្ឋាននគរបាលស្រុកព្រៃឈរ ៕
ចែករំលែកព័តមាននេះ