ខេត្តបាត់ដំបង ៖ នារីម្នាក់របួសធ្ងន់និងបុរសម្នាក់ របួសស្រាលក្នុងហេតុការណ៏គ្រោះថ្នាក់ចរាចរណ៏ម៉ូតូបុកម៉ូតូ នៅវេលាម៉ោង៧និង១០នាទី ថ្ងៃទី៣០មីនា ២០១៤ នៅចំណុចក្បែរ សណ្ឋាគារខេមរាមួយ ស្ថិតនៅភូមិជ្រៃកោង សង្កាត់ស្លាកែត ក្រុងបាត់ដំបង។
ខេត្តបាត់ដំបង ៖ នារីម្នាក់របួសធ្ងន់និងបុរសម្នាក់ របួសស្រាលក្នុងហេតុការណ៏គ្រោះថ្នាក់ចរាចរណ៏ម៉ូតូបុកម៉ូតូ នៅវេលាម៉ោង៧និង១០នាទីយប់ ថ្ងៃទី៣០មីនា ២០១៤ នៅចំណុចក្បែរ សណ្ឋាគារខេមរាមួយ ស្ថិតនៅភូមិជ្រៃកោង សង្កាត់ស្លាកែត ក្រុងបាត់ដំបង។
ប្រភពព័ត៌មានពីអ្នកឃើញហេតុការណ៏ បានឱ្យដឹងថា មុនពេលកើតហេតុ គេឃើញនារីម្នាក់ ជិះម៉ូតូម៉ាកវីវ៉ា ពណ៌ក្រហម ពាក់ស្លាកលេខបាត់ដំបង 1M-2820 ធ្វើដំណើរក្នុងទិសដៅ ពីលិចមកកើត មកដល់ចំណុចក្បែរសណ្ឋាគារខេមរាមួយ ស្របពេលនោះដែរក៏មានបុរស ០២នាក់ជិះម៉ូសង់កូរ៉េ ពាក់ស្លាកលេខ បាត់ដំបង1N-3093 បើកក្នុងស្ថានភាពស្រវឹងជោគចំ រេពេញផ្លូវ ក្នុងទិសពីកើតមកលិច បញ្ច្រាស់គ្នា ជាមួយម៉ូតូនារីរងគ្រោះ មកដល់ចំណុចកើតហេតុក៏បានទៅបុកម៉ូតូនារីរងគ្រោះ ពេញទំហឹង បណ្តាលឱ្យនារីជិះម៉ូតូវីវ៉ារងរបួសធ្ងន់ ចំណែកអ្នកជិះសង់កូរ៉េម្នាក់ របួសបាក់ដងកាំបិត ដេកស្រែកនៅកន្លែងកើតហេតុ ឯម្នាក់ទៀតអត់មានរបួស រត់គេចខ្លួនបាត់ ។
ក្រោយពេលកើតហេតុ អ្នករងគ្រោះត្រូវបានគេដឹកទៅព្យាបាលនៅមន្ទីរពេទ្យ ចំណែកម៉ូតូទាំង០២គ្រឿង ត្រូវបានសមត្ថកិច្ចយកទៅរក្សាទុក នៅការិយាល័យចរាចរណ៏ផ្លួវគោកខេត្ត ដើម្បីដោះស្រាយតាមផ្លូវច្បាប់ ។
ចែករំលែកព័តមាននេះ