កំណើនសេដ្ឋកិច្ចវៀតណាមបានធ្លាក់ចុះនៅក្នុងត្រីមាសទី១ឆ្នាំនេះ នៅគ្រាដែលរដ្ឋាភិបាលបរាជ័យក្នុងការជំរុញកម្ចីដល់ក្រុមហ៊ុនពាណិជ្ជកម្មដោយសារធនាគារជាច្រើនប្រឹងប្រែងទាំងត្រដាបត្រដួសជាមួយបំណុលខូច ។
ការិយាល័យស្ថិតិទូទៅបាននិយាយនៅទីក្រុងហាណូយថា ផលិតផលក្នុងស្រុកសរុបបានកើនឡើង៤,៩៦% នៅក្នុងត្រីមាសទី១ឆ្នាំនេះបើធៀបនឹងរយៈ
កំណើនសេដ្ឋកិច្ចវៀតណាមបានធ្លាក់ចុះនៅក្នុងត្រីមាសទី១ឆ្នាំនេះ នៅគ្រាដែលរដ្ឋាភិបាលបរាជ័យក្នុងការជំរុញកម្ចីដល់ក្រុមហ៊ុនពាណិជ្ជកម្មដោយសារធនាគារជាច្រើនប្រឹងប្រែងទាំងត្រដាបត្រដួសជាមួយបំណុលខូច ។
ការិយាល័យស្ថិតិទូទៅបាននិយាយនៅទីក្រុងហាណូយថា ផលិតផលក្នុងស្រុកសរុបបានកើនឡើង៤,៩៦% នៅក្នុងត្រីមាសទី១ឆ្នាំនេះបើធៀបនឹងរយៈពេលដូចគ្នាកាលពីឆ្នាំមុន ។
អ្នករៀបចំគោលនយោបាយរបស់វៀតណាមកំពុងប្រឹងប្រែងជំរុញសេដ្ឋកិច្ចដែលធនាគារពិភពលោកព្យាករថានឹងកើនឡើង៥,៤%នៅក្នុងឆ្នាំនេះ ទាបជាងទិសដៅរបស់រដ្ឋាភិបាលដែលព្យាករថាកើនឡើង៥,៨% ហើយជាកំណើនក្រោម៧%ដល់ទៅ៧ឆ្នាំពេញ ។
កាលពីសប្តាហ៍មុន ធនាគារកណ្តាលបានកាត់បន្ថយអត្រាការប្រាក់របស់ខ្លួន ហើយបាននិយាយថា ខ្លួនកំពុងបង្កើនកិច្ចប្រឹងប្រែងដើម្បីបង្កើតលក្ខខណ្ឌអំណោយផលបន្ថែមទៀតសម្រាប់វិនិយោគិនបរទេស រួមទាំងផែនការដេញថ្លៃទ្រព្យសកម្មបំណុលខូចរបស់ធនាគារផងដែរ ។
លោកNguyen Tri Hieu សេដ្ឋវិទូធនាគារOcean Commercial Joint-Stock Bankនៅទីក្រុងហាណូយនិយាយថា សេដ្ឋកិច្ចវៀតណាមនៅតែធ្លាក់ចុះខ្លាំង ហើយប្រឈមមុខនឹងបញ្ហាច្រើនរួមមាន តម្រូវក្នុងស្រុកធ្លាក់ចុះនិងកម្ចីធនាគារថមថយ ។ លោកថាវាលំបាកសម្រាប់ធនាគារទាំងឡាយក្នុងការបង្កើនកំណើនឥណទាននាពេលបច្ចុប្បន្នដោយសារបន្ទុកបំណុលខូចច្រើនពេក ហើយមានតែការនាំចេញទេដែលជាក្តីសង្ឃឹមដែលនឹងជំរុញការរើបឡើងវិញនៃសេដ្ឋកិច្ច ។
ប្រាក់ដុងវៀតណាមបានប្រែប្រួលបន្តិចធៀបនឹងប្រាក់ដុល្លារដោយក្នុងមួយដុល្លារអាមេរិកដូរបាន២១.១០២ដុង ។ ចំណែកសន្ទស្សន៍ផ្សារហ៊ុនវៀតណាមកើនឡើង០,៧% ។ ផ្សារហ៊ុននេះកើនឡើង១៧%នៅក្នុងឆ្នាំនេះពោលគឺកើនឡើងច្រើនជាងគេនៅអាស៊ី ៕
ចែករំលែកព័តមាននេះ