ទោះបីផ្កាយរណបចាប់ឃើញរបស់ជាច្រើនរាប់រយអណ្តែតលើផ្ទៃសមុទ្រក៏ដោយ ក៏រហូតមកទល់ពេលនេះបណ្តាក្រុមអ្នករុករកនៅពុំទាន់រកឃើញដាននៃយន្តហោះបាត់នោះនៅឡើយ រួចក៏ពុំទាន់ស្រង់បានបំណែកណាមួយដែរ ។
អ្នកនាំពាក្យម្នាក់របស់អាជ្ញាធរត្រួតពិនិត្យសមុទ្រអូស្រ្តាលី គូសបញ្ជាក់ថាបណ្តារបស់អណ្តែតដែលនាវាទាំងឡាយស្រង់ពីសមុទ្រ ពុំមែនជារបស់ចេញពី
ទោះបីផ្កាយរណបចាប់ឃើញរបស់ជាច្រើនរាប់រយអណ្តែតលើផ្ទៃសមុទ្រក៏ដោយ ក៏រហូតមកទល់ពេលនេះបណ្តាក្រុមអ្នករុករកនៅពុំទាន់រកឃើញដាននៃយន្តហោះបាត់នោះនៅឡើយ រួចក៏ពុំទាន់ស្រង់បានបំណែកណាមួយដែរ ។
អ្នកនាំពាក្យម្នាក់របស់អាជ្ញាធរត្រួតពិនិត្យសមុទ្រអូស្រ្តាលី គូសបញ្ជាក់ថាបណ្តារបស់អណ្តែតដែលនាវាទាំងឡាយស្រង់ពីសមុទ្រ ពុំមែនជារបស់ចេញពីយន្តហោះធុនប៊ូអុីង៧៧៧ដែលបាត់ឡើយ ។ វាហាក់ដូចជារបស់របរនេសាទ ឬកាកសំណល់ទាំងឡាយដែលរសាត់លើផ្ទៃសមុទ្រ ។
យោងតាមការគណនាថ្មីៗនៃទិសដៅហោះហើររបស់យន្តហោះនោះ ដែលអាចធ្លាក់ក្នុងមហាសមុទ្រឥណ្ឌាពេលអស់ប្រេង ការរុករកកាលពីចុងសប្តាហ៍កន្លងមកនេះ ឈានចូលដល់តំបន់ថ្មីទៀត ដែលធំទូលាយមានទំហំដល់ទៅ៣១៩.០០០គីឡូម៉ែត្រក្រឡា ស្ថិតនៅចម្ងាយ១.៨៥០គីឡូម៉ែត្រ ខាងលិចទីក្រុង Perth ។
រយៈពេលប៉ុន្មានថ្ងៃចុងក្រោយនេះ រូបភាពផ្កាយរណបរបស់ប្រទេសជាច្រើន ចាប់ឃើញរបស់របរជាច្រើនដែលរសាត់អណ្តែតនៅភាគខាងត្បូងនៃមហាសមុទ្រឥណ្ឌា ក៏ប៉ុន្តែលក្ខខណ្ឌឧតុនិយមអាក្រក់បំផុតនៅតំបន់សមុទ្រយ៉ាងដាច់ស្រយាលនោះ ធ្វើឱ្យការរុករកជួបការលំបាកខ្លាំង ហើយប្រតិបត្តិការតាមរុករកត្រូវបានផ្អាក២លើករួចមកហើយ ចាប់តាំងពីថ្ងៃទី២៥ មីនា មក ។
នៅតំបន់រុករកថ្មី យន្តហោះចិនឃើញរបស់អណ្តែតចំនួន៣
របស់សង្ស័យថ្មីចំនួន៣ ត្រូវបានយន្តហោះចិន១គ្រឿងប្រទះឃើញក្នុងតំបន់តាមរុករកថ្មី ស្ថិតនៅចម្ងាយជិត២.០០០គីឡូម៉ែត្រ ខាងលិចប្រទេសអូស្ត្រាលី ។ ទីភ្នាក់ងារព័ត៌មានចិនស៊ីនហួ បញ្ជាក់ថា របស់ទាំងនោះមានពណ៌ស ក្រហម និងទឹកក្រូច ៕
ចែករំលែកព័តមាននេះ