បន្ទាយមានជ័យ ៖ សេចក្តីរាយការណ៍បឋមបានឲ្យដឹងថា បញ្ហាសំរាមនៅក្រុងប៉ោយប៉ែត គឺក្រុមហ៊ុនកាស៊ីណូបានដឹកយកទៅចាក់ចោលក្បែរអូរព្រំដែនប្រមាណជាង៥០០តោនទោះជាអាជ្ញាធរប្រមានក៏មិនស្តាប់ដែរ អភិបាលរងក្រុងបានលើកឡើងកិច្ចប្រជុំរៀបចំញែកនិងបែងចែកសំរាម ដែលត្រូវបានធ្វើឡើងនៅថ្ងៃទី១៩ ខែកញ្ញានេះ នៅសាលប្រជុំសាលាខេត្តបន្ទាយមានជ័យ ។
ក្នុងកិច្ចប្រជុំក្រសួងសាធារណៈការ និងដឹកជញ្ជូនសំណើរស្នើសុំជួបអភិបាលខេត្តប្រជុំពិភាក្សាការងារស្តីពីការគ្រប់គ្រង និងបណ្តុះបណ្តាលសម្រាប់ទីលានញែកសំរាម(MRF) ក្រុងប៉ោយប៉ែត ។
ក្នុងកិច្ចប្រជុំតំណាងក្រសួងបានលើកឡើងថា កិច្ចប្រជុំពិភាក្សាការងារស្តីពីការគ្រប់គ្រងសម្រាប់ទីលានញែកសំរាមក្រុងប៉ោយប៉ែត ដើម្បីចូលរួមការពារបរិស្ថាន និងចូលរួមសំអាតក្រុងប្រឡងប្រណាំងទីក្រុងស្អាត ព្រោះក្រុងប៉ោយប៉ែតជាតំបន់ដែលភ្ញៀវជាតិអន្តរជាតិឆ្លងកាត់ បើទីក្រុងស្អាតសេវាកម្មល្អអាចទាក់ទាញភ្ញៀវអន្តរជាតិស្នាក់នៅ ហើយប្រជាពលរដ្ឋរកចំណូលបានសម្រាប់ជីវភាពគ្រួសារ ។
តំណាងរូបនេះបានបញ្ជាក់ថា បញ្ហាសំរាមបើយើងគ្រប់គ្រងមិនបានទេ អាចការលំបាក ហើយសំរាមមិនមែនដើរប្រមូលលុយទុកចោល២ទៅ៣ថ្ងៃទើបសំអាតនោះទេ បើសំរាមទុកចោលយូរបណ្តាលប៉ះពាល់សុខភាពអ្នកនៅក្បែរ និងប៉ះពាល់បរិស្ថាន ។ ការគ្រប់គ្រងសំរាមបាន គឺត្រូវបែងចែកអោយបានច្បាស់លាស់ដូចជា បង្កើតទីលានបែងចែក ឬញែកសំរាមអោយដាច់ពីគ្នាកាកសំណល់រឹង និងរ៉ាវអោយដាច់ដោយឡែកពីគ្នា ។
អភិបាលរងក្រុងប៉ោយប៉ែតបានបញ្ជាក់ថា នៅក្រុងប៉ោយប៉ែតបញ្ហាសំរាមពិតជាការលំបាក និងបញ្ហាច្រើនដែលធ្វើអោយអាជ្ញាធរកំពុងរកដំណោះស្រាយជាក់ស្តែងសំរាមក្រុងប៉ោយប៉ែតមានក្រុមហ៊ុនស៊ីនទ្រីប្រមូល និងមានទីលានចាក់សំរាម ក៏ប៉ុន្តែរយៈពេលកន្លងមកសំរាមមានកាកសំណល់ដូចម្ជុលចាក់ថ្នាំយកមកចោលរហូតប្រទៈឃើញទារកដែលត្រូវគេរលូតហើយយកមកបោះចោលក៏មាន ។
លោកបានបញ្ជាក់ថា បញ្ហាដែលលំបាក គឺក្រុមហ៊ុនកាស៊ីណូតែម្តង ដែលមិនអនុវត្តតាមអាជ្ញាធរ ហើយទាំងយកទៅចាក់ចោលក្បែរអូរព្រំដែនឃើញសំរាមប្រមាណ៥០០តោនហើយអាជ្ញាធរបានណែនាំ និងឃាត់រថយន្តក្រុមហ៊ុនកាស៊ីណូទុកនៅសាលាក្រុងប៉ោយប៉ែតយកធ្វើកិច្ចសន្យាម្តងជាពីរដងមិនស្តាប់រហូតដល់តំណាងក្រុងហ៊ុនកាស៊ីណូថា និងសុំច្បាប់រាជរដ្ឋាភិបាលធ្វើទីលានចាក់សំរាមដោយខ្លួនឯងទៀតផង ៕ កែសម្រួលដោយ ៖ សុឃាក់
ចែករំលែកព័តមាននេះ