រាជធានី​ភ្នំពេញ ៖ ឯកឧត្តម ឧត្តមនាវីឯក ទៀ សុខា បាន​ទទួល​ស្វាគមន៍​លោក​ឧត្តមសេនីយ៍ត្រី Zaw Win នាយការិយាល័យ​អនុព័ន្ធយោធា​មី​យ៉ា​ន់​ម៉ា​ថ្មី ក្នុង​ជំនួប​សម្តែង​ការ​គួរសម និង​ពិភាក្សា​ការងារ​នៅ​បញ្ជាការដ្ឋាន​កងទ័ពជើងទឹក ។

ជាក់ស្តែង​កងទ័ពជើងទឹក បាន​ប្រកាស នា​ព្រឹក​ថ្ងៃ​ទី​២៧ ខែមីនា ឆ្នាំ​២០២៦​នេះ​ថា ៖ ឯកឧត្តម ឧត្តមនាវីឯក ទៀ សុខា មេបញ្ជាការ​កងទ័ពជើងទឹក អនុប្រធាន​ប្រចាំការ និង​ជា​អគ្គលេខាធិការ នៃ​គណៈកម្មាធិការ​ជាតិ​សន្តិសុខ​លម្ហ​សមុទ្រ បាន​អនុញ្ញាត​ឱ្យ​ឧត្តមសេនីយ៍ត្រី Zaw Win នាយការិយាល័យ​អនុព័ន្ធយោធា​មី​យ៉ា​ន់​ម៉ា​ថ្មី ប្រចាំ​ព្រះរាជាណាចក្រ​កម្ពុជា ចូល​ជួប​សម្តែង​ការ​គួរសម និង​ពិភាក្សា​ការងារ នៅ​បញ្ជាការដ្ឋាន​កងទ័ពជើងទឹក ជ្រោយចង្វារ ។