ភ្លើងត្រូវបានបិទកាលពីថ្ងៃទី២៩ មីនា ក្នុងទីក្រុងជាច្រើនពាន់លើពិភពលោក ក្នុងក្របខណ្ឌនៃប្រតិបត្តិការមួយមានឈ្មោះថា «១ម៉ោងដើម្បីភពផែនដី» សំដៅទាក់ទាញការចាប់អារម្មណ៍លើគ្រោះថ្នាក់នៃការផ្លាស់ប្តូរបរិយាកាស ។
យុទ្ធនាការទាក់ទាញការចាប់អារម្មណ៍លើបរិស្ថាននេះ តម្រូវឱ្យមានការបិទភ្លើងនាវេលាម៉ោង២០ និង៣០នាទី ម៉ោងក្នុងស្រុក ។ ទីក្រុងសុីដនី ជាទីក្រុង
ភ្លើងត្រូវបានបិទកាលពីថ្ងៃទី២៩ មីនា ក្នុងទីក្រុងជាច្រើនពាន់លើពិភពលោក ក្នុងក្របខណ្ឌនៃប្រតិបត្តិការមួយមានឈ្មោះថា «១ម៉ោងដើម្បីភពផែនដី» សំដៅទាក់ទាញការចាប់អារម្មណ៍លើគ្រោះថ្នាក់នៃការផ្លាស់ប្តូរបរិយាកាស ។
យុទ្ធនាការទាក់ទាញការចាប់អារម្មណ៍លើបរិស្ថាននេះ តម្រូវឱ្យមានការបិទភ្លើងនាវេលាម៉ោង២០ និង៣០នាទី ម៉ោងក្នុងស្រុក ។ ទីក្រុងសុីដនី ជាទីក្រុងដែលបិទភ្លើងមុនគេនាវេលាម៉ោង២០ និង៣០នាទី ម៉ោងក្នុងស្រុក ចំណែកនៅក្រុងហុងកុង អគារកម្ពស់១១៨ជាន់ គឺអគារមជ្ឈមណ្ឌលពាណិជ្ជកម្មអន្តរជាតិ ក៏បិទភ្លើង ហើយបណ្តាប៉ាណូផ្សាយពាណិជ្ជកម្មទាំងឡាយ ក៏បិទភ្លើងដែរ ។ នៅក្រុងញូវដែល្លី ក៏គ្មានវិមានណាមួយបើកភ្លើងដែរ ។ នៅក្រុងឌូបៃ អគារ BURJ KHALIFA ជាអគារខ្ពស់បំផុតលើពិភពលោក មាន២០០ជាន់ កម្ពស់ដល់ទៅ៨២៨ម៉ែត្រ ត្រូវបិទភ្លើងនាវេលាម៉ោង២០ និង៣០នាទី រួចសណ្ឋាគារ និងមជ្ឈមណ្ឌលពាណិជ្ជកម្មទាំងឡាយ ស្ថិតនៅក្បែរៗនោះក៏បិទភ្លើងងងឹតអស់ដែរនាវេលាម៉ោងនោះ ។
នៅក្រុងមូស្គូ ភ្លើងបំភ្លឺតាមអគារជាច្រើន ដែលនៅជិតទីលានក្រហម ព្រមទាំងមួយផ្នែកនៃវិមានក្រឹមឡាំង បានបិទ ។ មនុស្សទាំងឡាយនាំគ្នាដើរដោយដុតទៀន ។
នៅក្រុងប៉ារីស ទីតាំងសំខាន់ៗដូចជា TOUR EIFFEL វិមាន NOTRE-DAME ARC DE TRIOMPHE និងទីលាន CONCORDE បានបិទភ្លើងរយៈពេល១ម៉ោង ។ សរុបទីក្រុងបារាំងប្រមាណជា២០០ ចូលរួមក្នុងប្រតិបត្តិការនេះ ។ យោងតាមអង្គការមូលនិធិពិភពលោកដើម្បីធម្មជាតិ WWF ថា លើពិភពលោកទីក្រុងចំនួនប្រមាណជា៧.០០០ នៃប្រទេស១៥៧ ស្នើចូលរួមក្នុងយុទ្ធនាការនោះ ៕
ចែករំលែកព័តមាននេះ