នាយករដ្ឋមន្ត្រីអូស្ត្រាលីលោក Tony Abbot កាលពីថ្ងៃទី៣០ មីនា បានចាត់តាំងអតីតប្រមុខកងទ័ពអាកាសសេនាប្រមុខ Angus Houston ឱ្យដឹកនាំមជ្ឈមណ្ឌលសម្របសម្រួលរួម JACC ថ្មីមួយដើម្បីជួយសម្របសម្រួលការទ្រទ្រង់របស់រដ្ឋាភិបាលដល់ការតាមរកយន្តហោះម៉ាឡេស៊ីដែលបាត់ ។
លោក Abbot មានប្រសាសន៍ថា សេនាប្រមុខ Houston ជាមនុស្សម្នាក់ដែលមានបទពិសោធន៍ខ្ពស់ និងមានសមត្ថភាពខ្ពស់ដែលធ្លាប់បម្រើប្រទេសយ៉ាងប្តូរផ្តាច់ ។ JACC ថ្មីនឹងធ្វើការជាមួយបណ្តាភាគីដែលទាក់ទិនរបស់ Commonwealth និងរបស់សហគមន៍អន្តរជាតិ ក្នុងនោះរួមទាំងជាមួយបណ្តាសាច់ញាតិ និងមិត្តភក្តិរបស់បណ្តាអ្នកដំណើរព្រមទាំងបណ្តាប្រព័ន្ធផ្សព្វផ្សាយអន្តរជាតិ ។ ការតាមរុករកជាអន្តរជាតិ គឺជាគំរូដ៏ធំមួយនៃកិច្ចសហប្រតិបត្តិការអន្តរជាតិពេលមានអាសន្ន ។
បច្ចុប្បន្នបណ្តាយន្តហោះយោធាមកពីប្រទេសអូស្ត្រាលី ចិន ជប៉ុន ម៉ាឡេស៊ី នូវែលហ្សេឡង់ កូរ៉េខាងត្បូង និងសហរដ្ឋអាមេរិក កំពុងចូលរួមតាមរកបំណែកយន្តហោះម៉ាឡេស៊ី ដែលបាត់ដានចាប់តាំងពីថ្ងៃទី៨ មីនា មក ៕
ចែករំលែកព័តមាននេះ