ខេត្តបាត់ដំបង ៖ សេចក្តីរាយការណ៍បន្តឱ្យដឹងទៀតថា នារសៀលថ្ងៃទី១៩ កញ្ញា ទន្ទឹមនឹងការរកឃើញជនរងគ្រោះម្នាក់ដែលនៅរស់រានមានជីវិតស្ថិតនៅចំណុចស្ថិតលើទឹកដីថៃចម្ងាយជិត១គីឡូម៉ែត្រពីព្រំដែនកម្ពុជា គាត់បាននិយាយរៀបរាប់ប្រាប់ពីរឿងរ៉ាវខ្លះៗទៅដល់កម្លាំងយោធា និងក្រុមគ្រួសាររបស់គាត់ ។ អ្វីដែលយើងបានដឹង គឺនៅពេលកម្លាំងបានសួរដល់ការប្រទះឃើញពោះវៀនមួយថង់ច្រកថង់ ដែលសង្ស័យជាពោះវៀនមនុស្ស ត្រូវបានគាត់ឆ្លើយថា មិនមែនជាពោះវៀនមនុស្សនោះទេ ។ សូមរំលឹកថា៖ រកមនុស្សអត់ទាន់ឃើញ…បែរប្រទះស្បែកជើង មួក និងកំណាត់ពោះវៀន
ជនរងគ្រោះបន្តថា ក្រុមខ្លួនទាក់ជ្រូកព្រៃមួយក្បាលបាន ហើយបានសម្លាប់វះនិងកាត់ពោះវៀនជ្រូកព្រៃនោះមកច្រកដាក់ថង់ ។ ប៉ុន្តែពួកយើងមិននឹកស្មានដល់ទាល់តែសោះថា នឹងមានហេតុការណ៍បាក់ដីភ្នំធ្លាក់សង្កត់លើពួកយើងនោះឡើយ ។
យ៉ាងណានោះ គិតមកទល់ល្ងាចថ្ងៃដដែល ជនរងគ្រោះកំពុងត្រូវបានរៀបចំដឹកចេញពីទឹកដីថៃ មកកាន់ព្រំដែនកម្ពុជាវិញ ដើម្បីបញ្ជូនជនរងគ្រោះបន្តមកកាន់ស្រុកកំណើតដើម្បីសង្គ្រោះ ។ ដោយឡែក ម្នាក់ទៀតដែលកំពុងបាត់ខ្លួននិងនៅមិនទាន់តម្រុយនោះ កម្លាំងក៏មិនបោះបង់ការតាមស្វែងរកគាត់ទេ គឺនៅតែបន្តរកដដែល ។ (សម្រួលដោយ៖ ស្រីណា)
ព័ត៌មានបន្ថែម កោះសន្តិភាពមានផ្សាយជូនបន្ត ។ សូមរំលឹកថា៖ យោធាខ្មែរ-ថៃ សហកាជាមួយក្រុមគ្រួសារ…រកឃើញម្នាក់នៅមានជីវិត
ចែករំលែកព័តមាននេះ