លោក ហុងឡី អ្នកនាំពាក្យម្នាក់របស់ក្រសួងការបរទេសចិន ថ្លែងកាលពីថ្ងៃទី២៨ មីនា កន្លងមកនេះថា នាវាចិន៣គ្រឿងទៀតកំពុងតែធ្វើដំណើរទៅកាន់តំបន់រុករកថ្មី ស្ថិតនៅចម្ងាយប្រមាណជា១.៨៥០គីឡូម៉ែត្រ ខាងលិចទីក្រុង Perth របស់អូស្ត្រាលីដើម្បីចូលរួមក្នុងប្រតិបត្តិការតាមរុករកយន្តហោះបាត់ដាន ជើងហោះហើរ MH370 របស់ម៉ាឡេស៊ី ។
លោក ហុងឡី អ្នកនាំពាក្យម្នាក់របស់ក្រសួងការបរទេសចិន ថ្លែងកាលពីថ្ងៃទី២៨ មីនា កន្លងមកនេះថា នាវាចិន៣គ្រឿងទៀតកំពុងតែធ្វើដំណើរទៅកាន់តំបន់រុករកថ្មី ស្ថិតនៅចម្ងាយប្រមាណជា១.៨៥០គីឡូម៉ែត្រ ខាងលិចទីក្រុង Perth របស់អូស្ត្រាលីដើម្បីចូលរួមក្នុងប្រតិបត្តិការតាមរុករកយន្តហោះបាត់ដាន ជើងហោះហើរ MH370 របស់ម៉ាឡេស៊ី ។
តំបន់រុករកថ្មីលាតសន្ធឹងលើផ្ទៃទំហំជិត៣១៩.០០០គីឡូម៉ែត្រក្រឡា ជាតំបន់មានទំហំ៤ដងធំជាងតំបន់រុករកមុននៅភាគខាងត្បូងមហាសមុទ្រឥណ្ឌា ហើយស្ថិតនៅចម្ងាយ១.១០០គ.ម ភាគឦសាន តំបន់រុករកមុន ។
ការិយាល័យសន្តិសុខសមុទ្រអូស្ត្រាលីរាយការណ៍ថា នាវាចិនឈ្មោះ Nanhaijiu-115 និងនាវា Donghaijiu-101 របស់ក្រសួងដឹកជញ្ជូន ចិន នាវាចម្បាំង Jingangshan របស់កងម៉ារីនចិន និងយន្តហោះធុន IL-76 មួយគ្រឿងរបស់កងទ័ពអាកាសចិន កំពុងតម្រង់ឆ្ពោះទៅកាន់តំបន់រុករកថ្មី ។
អ្នកនាំពាក្យរូបនោះបន្តថា នាវាចិនឈ្មោះ Haixun-31 និង Nanhaijiu-101 របស់ក្រសួងដឹកជញ្ជូនចិន និងនាវាចម្បាំង Yongxingdao របស់កងម៉ារីន កំពុងបន្តការរុករកនៅភាគខាងកើត និងភាគខាងត្បូងមហាសមុទ្រឥណ្ឌា ។
នាវាចិនទី២ កាលពីព្រឹកថ្ងៃទី២៩ មីនា បានទៅដល់តំបន់រុករកថ្មីក្នុងមហាសមុទ្រឥណ្ឌា ហើយ សំដៅតាមរករបស់សង្ស័យផ្សេងៗទាក់ទិននឹងយន្តហោះបាត់ដាន ។ នាវា Jingganshan ដែលដឹកឧទ្ធម្ភាគចក្រ២គ្រឿង នឹងតាមរុករកបំណែកយន្តហោះ ស្រទាប់ប្រេងអណ្តែត ព្រមទាំងរបស់របរផ្សេងៗទៀតក្នុងតំបន់មួយមានទំហំប្រមាណជា៦.៩០០គីឡូម៉ែត្រក្រឡា ។
ចំណែកយន្តហោះយោធាចិនធុន IL-76 មួួយគ្រឿងកាលពីថ្ងៃទី២៩ មីនា ប្រទះឃើញរបស់សង្ស័យ៣នៅតំបន់តាមរុករកថ្មី ។ របស់ទាំង៣ដែលប្រទះឃើញនោះមានពណ៌ស លាយពណ៌ក្រហម និងទឹកក្រូច ។ នាថ្ងៃដដែលនោះ នាវាចិន២គ្រឿងទៀត ក៏បានទៅតំបន់រុករកថ្មីដែរ ។
អាជ្ញាធរសន្តិសុខសមុទ្រអូស្ត្រាលី AMSA គូសបញ្ជាក់ថា ប្រតិបត្តិការតាមរុករករបស់អន្តរជាតិ កាលពីថ្ងៃទី២៩ មីនា ចូលរួមដោយយន្តហោះ៨គ្រឿង និងនាវា៦គ្រឿង ៕
ចែករំលែកព័តមាននេះ