រាជធានីភ្នំពេញ៖ ជំនួយការមេធាវីម្នាក់ បានត្រូវមន្រ្តីវយោធាម្នាក់បាញ់គម្រាមមួយគ្រាប់ឡើងលើ រួចវាយនឹងស្នាប់កំាភ្លើង បណ្តាលឲ្យវរងរបួសបែកក្បាល ។
ហេតុការណ៏នេះ បានកើតឡើងនៅម៉ោង៨ព្រឹកថ្ងៃទី៣០ មីនា ២០១៤ នៅចំណុចផ្សារទួលលៀប សង្កាត់ស្នោរ ខណ្ឌពោធិ៍សែនជ័យ ។
បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឲ្យដឹងថា មុនពេលកើតហេតុគេឃើញជនរងគ្រោះ បានជិះរថយន្តកូរ៉េដឹកទឹកកកមួយគ្រឿង មកឈប់នៅផ្សារទួលលៀប ដោយចតនៅជិតច្រកផ្លូវចេញចូលផ្ទះមន្រ្តីយោធា (ជនដៃដល់)នោះ ប៉ុន្តែមិនបានបាំងផ្លូវចេញចូលនោះទេ គឺមានម៉ូតូមួយគ្រឿងទៀតបានបំាងផ្លូវចេញចូល ។
សេចក្តីរាយការណ៏បានបន្តថា លុះមួយសន្ទុះក្រោយមកគេឃើញមន្រ្តីយោធានោះជិះរថយន្តម៉ាកកាមរីគូទប៉ោង ព៌ណស្លែ ពាក់ស្លាកលេខភ្នំពេញ 2A 6012 ចេញមកជេរជនរងគ្រោះ ពេលនោះគេឃើញជនរងគ្រោះមិនត ស្រាប់តែមន្រ្តីយោធានោះបាញ់គម្រាមឡើងលើមួយគ្រាប់ រួចវាយក្បាលជនរងគ្រោះមួយស្នាប់កំាភ្លើងបណ្តាលឲ្យបែកក្បាល ហើយបានបើករថយន្តគេចខ្លួនបាត់តែម្តង ។
មន្រ្តីយោធានោះមិនដឹងថា បម្រើការងារនៅអង្គភាពណានោះទេ ត្រូវបានគេស្គាល់ឈ្មោះម៉ៅ រស់នៅទីតំាងខាងលើ ។ ចំណែកជនរងគ្រោះឈ្មោះ ជា ប៊ុនថេង អាយុ២៥ឆ្នាំ បានបា្រប់សមត្ថកិច្ចថា គេជាជំនួយការមេធាវីម្នាក់ តែមិនបានបង្ហាញឈ្មោះមេធាវីនោះទេ ។
នៅពេលនេះ សមត្ថកិច្ចកំពុងតាមប្រមាញ់មន្រ្តីយោធានោះយកមកផ្តន្ទាទោសតាមច្បាប់ ៕
ចែករំលែកព័តមាននេះ