រាជធានីភ្នំពេញ៖ បន្ទាប់ពីរៀបចំពិធីបង្សុកូលរំលឹកវិញ្ញាណក្ខន្ឋខួបឆ្នាំទី១៧ នៃការគប់គ្រាប់បែកដៃចូលក្រុមបាតុករកាលពីថ្ងៃទី៣០ មីនា ១៩៩៧ នៅចេតិយមុខអតីតមន្ទីររដ្ឋសភាចាស់នោះរួចមក នៅវេលាថ្ងៃត្រង់ថ្ងៃទី៣០ មីនា ២០១៤ គណបក្សសង្គ្រោះជាតិ នឹងធ្វើសមាជមហាជននៅសួនច្បារមុខវត្តបុទុមវត្តី ជំនួសឲ្យការរៀបចំធ្វើនៅទីលានប្រជាធិបតេយ្យវិញ ។
រាជធានីភ្នំពេញ៖ បន្ទាប់ពីរៀបចំពិធីបង្សុកូលរំលឹកវិញ្ញាណក្ខន្ឋខួបឆ្នាំទី១៧ នៃការគប់គ្រាប់បែកដៃចូលក្រុមបាតុករកាលពីថ្ងៃទី៣០ មីនា ១៩៩៧ នៅចេតិយមុខអតីតមន្ទីររដ្ឋសភាចាស់នោះរួចមក នៅវេលាថ្ងៃត្រង់ថ្ងៃទី៣០ មីនា ២០១៤ គណបក្សសង្គ្រោះជាតិ នឹងធ្វើសមាជមហាជននៅសួនច្បារមុខវត្តបុទុមវត្តី ជំនួសឲ្យការរៀបចំធ្វើនៅទីលានប្រជាធិបតេយ្យវិញ ។
នេះបើយោងតាមសេចក្តីជូនដំណឹងរបស់គណបក្សសង្គ្រោះជាតិចុះថ្ងៃទី២៨ មីនា ២០១៤ ។
បើតាមសេចក្តីជូនដំណឹងដដែល សមាជនេះដឹកនំាដោយលោក សម រង្ស៊ី និង លោក កឹម សុខា និងមានមហាជន និង សង្គមស៊ីវិលចូលរួមសម្តែងមតិប្រមាណ៥ពាន់នាក់ ។
មកដល់ម៉ោង៨និង៤៥នាទីព្រឹកថ្ងៃអាទិត្យនេះដែរ មិនទាន់មានប្រភពណាអះអាងថា តើសមត្ថកិច្ចនឹងត្រូវបំបែកការធ្វើសមាជនេះ ឬយ៉ាងណានោះទេ នៅគ្រាដែលមន្រ្តីសាលារាជធានីភ្នំពេញធ្លាប់បានបញ្ជាក់ជាច្រើនដងមកហើយថា ការប្រមូលផ្តុំនិងជួបជុំដើម្បីសម្តែងមតិតវ៉ាណាមួយ ត្រូវធ្វើនៅទីតំាងទីលានប្រជាធិបតេយ្យតែមួយគត់នោះ (សម្រាប់រាជធានីភ្នំពេញ) ។
រីឯការណ៏ដែលអាជ្ញាធររាជធានីភ្នំពេញ មិនអនុញ្ញាតឲ្យគណបក្សសង្រ្គោះជាតិរៀបចំធ្វើសមាជមហាជននៅទីលានប្រជាធិបតេយ្យនោះវិញ ត្រូវបានមន្រ្តីសាលារាជធានីភ្នំពេញអះអាងហើយថា ទីលានប្រជាធិបតេយ្យកំពុងស្ថិតក្នុងនីតិវិធីនៃការស៊ើនអង្កេតរបស់តុលាការលើករណីបង្ខំាងមន្រ្តីសាលារាជធានីភ្នំពេញ ដែលជនសង្ស័យត្រូវបានគេរាយការណ៏ថា ចេញមកពីទីលានប្រជាធិបតេយ្យអំឡុងពេលបាតុកម្មដឹកនំាដោយគណបក្សសង្គ្រោះជាតិ និង ការស៊ើបអង្កេតករណីហិង្សានៅផ្លូវវេងស្រេងកាលពីដើមខែមករាកន្លងមក៕
ចែករំលែកព័តមាននេះ