រាជធានីភ្នំពេញ៖ ដូចតាមការគ្រោងទុកគណបក្សសង្គ្រោះជាតិ (CNRP) នៅព្រឹកថ្ងៃទី៣០ មីនា ២០១៤ បានរៀចចំធ្វើពិធីបង្សុកូលរំលឹកវិញ្ញាណក្ខន្ឋអ្នកស្លាប់ក្នុងព្រឹត្តិការណ៏នៃការគប់គ្រាប់បែកដៃចូលក្រុមបាតុករកាលពីថ្ងៃទី៣០ មីនា ១៩៩៧ ។
រាជធានីភ្នំពេញ៖ ដូចតាមការគ្រោងទុកគណបក្សសង្គ្រោះជាតិ (CNRP) នៅព្រឹកថ្ងៃទី៣០ មីនា ២០១៤ បានរៀចចំធ្វើពិធីបង្សុកូលរំលឹកវិញ្ញាណក្ខន្ឋអ្នកស្លាប់ក្នុងព្រឹត្តិការណ៏នៃការគប់គ្រាប់បែកដៃចូលក្រុមបាតុករកាលពីថ្ងៃទី៣០ មីនា ១៩៩៧ ។
បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឲ្យដឹងថា មកដល់ម៉ោង៧និង៤៥នាទីព្រឹកថ្ងៃអាទិត្យនេះលោក សម រង្ស៊ី និង លោក កឹម សុខា ព្រមទំាងថ្នាក់ដឹកនំា សមាជិកសមាជិកានិងក្រុមអ្នកគំាទ្រគណបក្សសង្គ្រោះជាតិ បានជួបជុំគ្នានៅមុខចេតិយ មុខអតីតមន្ទីររដ្ឋសភាជាតិនៅគ្រានេះដែរ ដើម្បីរៀបចំពិធីនេះ ។
ដោយឡែកសេចក្តីរាយការណ៏បានបញ្ជាក់ទៀតថា ផ្លូវមួយចំនួននៅជុំវិញវិមានឯករាជ្យត្រូវបានអាជ្ញាធរបិទជាបណ្តោះអាសន្ន និង ផ្លូវមួយចំនួនទៀតសម្រាប់ចូលទៅកាន់ព្រះបរមរាជវំាង ក៏ត្រូវបានបិទដូចគ្នា និង បង្កឲ្យមានការកកស្ទះនៅតាមផ្លូវមួយចំនួនដូចជាផ្លូវ ២៩៤ និង កំណាត់ផ្លូវប៉ាស្ទ័រ ស្ថិតក្នុងសង្កាត់បឹងកេងកង ១ ជាដើម ។
រីឯនៅទីលានប្រជាធិបតេយ្យ ដែលស្ថិតនៅខាងក្រោយស្ថានទូតអាមេរិកប្រចំាកម្ពុជានោះវិញ កងកម្លំាងប្រដាប់អាវុធចម្រុះប្រមាណ៣០០នាក់ ប្រដាប់ដោយខែល ដំបងឆក់ កំាភ្លើង និងរថយន្តពាសដែក ( រថយន្តសម្រាប់បំបែកបាតុករ ) និង រថយន្តពន្លត់អគ្គិភ័យសរុប៦គ្រឿង បានត្រូវគេដាក់ និងពង្រាយព័ទ្ឋជុំវិញទីនោះ ។
ការដាក់ពង្រាយកងកម្លំាងប្រដាប់អាវុធចម្រុះ និង ឧបករណ៏សម្រាប់បំបែកក្រុមបាតុករនេះ គឺត្រូវបានសមត្ថកិច្ចអះអាងថា ដើម្បីត្រៀមរៀបចំសណ្តាប់ និង សន្តិសុខសង្គម ខណៈដែលគណបក្សសង្គ្រោះជាតិប្រកាសជំហរធ្វើសមាជមហាជនបំពានទៅនឹងសេចក្តីជូនដំណឹងរបស់សាលារាជធានីភ្នំពេញ និង ក្រសួងមហាផ្ទៃ ៕
ចែករំលែកព័តមាននេះ