ខេត្តកំពង់ចាម ៖ គ្រាន់តែក្នុងរយៈពេល១ថ្ងៃប៉ុណ្ណោះ មានករណីហឹង្សាបានកើតឡើង ជាបន្តបន្ទាប់ចំនួន២លើកនៅក្នុងឃុំគោកស្រុក និងឃុំទឹកជ្រៅ ស្រុកតំបែរ នាថ្ងៃទី ២៨ មីនា ២០១៤ បណ្តាលឲ្យស្លា.ប់ម្នាក់និងរងរបួសធ្ងន់ម្នាក់ ។ អ្នករងគ្រោះត្រូវបានបញ្ជូនទៅសង្រ្គោះនៅមន្ទីរពេទ្យ ចំនែកជនដៃដល់វិញបានរត់គេចខ្លួនបាត់ដូចគ្នា តែត្រូវបានសមត្ថកិច្ច កំពុងតាម
ខេត្តកំពង់ចាម ៖ គ្រាន់តែក្នុងរយៈពេល១ថ្ងៃប៉ុណ្ណោះ មានករណីហិង្សាបានកើតឡើង ជាបន្តបន្ទាប់ចំនួន២លើកនៅក្នុងឃុំគោកស្រុក និងឃុំទឹកជ្រៅ ស្រុកតំបែរ នាថ្ងៃទី ២៨ មីនា ២០១៤ បណ្តាលឲ្យស្លាប់ម្នាក់និងរងរបួសធ្ងន់ម្នាក់ ។ អ្នករងគ្រោះត្រូវបានបញ្ជូនទៅសង្រ្គោះនៅមន្ទីរពេទ្យ ចំនែកជនដៃដល់វិញបានរត់គេចខ្លួនបាត់ដូចគ្នា តែត្រូវបានសមត្ថកិច្ច កំពុងតាមប្រមាញ់ចាប់ខ្លួនផងដែរ ។
លោកវរៈសេនីយ៏ត្រី ហុង គឹមហឿន អធិការនគរបាលស្រុកតំបែរ បានប្រាប់ឲ្យដឹងថា ចំពោះករណីទី១បានកើតឡើងនៅវេលាម៉ោង ១ រសៀលថ្ងៃទី ២៨ មីនា ស្ថិតនៅត្រង់ចំនុច ភូមិត្រពាំងឫស្សី ឃុំគោកស្រុក ស្រុកតំបែរ ដោយយុវជនដៃដល់ឈ្មោះ ខាន់ ដួង អាយុ ២២ ឆ្នាំ បានយកកាំបិតផ្គាក់កាប់ទៅលើអ្នករងគ្រោះឈ្មោះ ឈាង វិត ភេទប្រុស អាយុ ១៩ ឆ្នាំ រស់នៅ ភូមិ ឃុំកើតហេតុដូចគ្នា ត្រូវចំនួន៣កាំបិត បណ្តាលឲ្យរងរបួសធ្ងន់ ត្រូវបញ្ជូនទៅសង្រ្គោះនៅមន្ទីរពេទ្យ ។
លោកវរៈសេនីយ៏ត្រី គឹមហឿន អធិការនគរបាលស្រុកតំបែរ បានប្រាប់បន្តថា ចំពោះមូលហេតុដែល បណ្តាលឲ្យជនដៃដល់ កាប់លើជនរងគ្រោះដោយសារ តែមានទំនាស់ពាក្យសម្តីនៅក្នុងវង់ផឹកស៊ី។ ជាហេតុធ្វើឲ្យឈ្មោះ ដួង ទាញកាំបិតកាប់ទៅលើជនរងគ្រោះទាំងកំរោល ហើយបានរត់គេចខ្លួនបាត់ស្រមោលតែម្តង ដែលសមត្ថកិច្ចកំពុងតែ តាមស្វែងរកចាប់ខ្លួនផងដែរ ។
ហើយករណីទី២វិញ បានកើតឡើងនៅវេលាម៉ោង៦ ល្ងាច ថ្ងៃទី២៨ មីនា ស្ថិតនៅភូមិផ្អាវ ឃុំទឹកជ្រៅ ស្រុកតំបែរ ដោយបុរសជាកម្មករឈ្មោះ ចាន់ ថូ អាយុ ៣៤ ឆ្នាំ នៅភូមិមេស ឃុំនាងទើត ស្រុកតំបែរ យកកាំបិតផ្គាក់កាប់ទៅលើជនរងគ្រោះ ឈ្មោះ នាត ជាង ភេទប្រុស អាយុ ១៨ ឆ្នាំ ជាកម្មករដូចគ្នានៅភូមិខ្នុរ ឃុំនាងទើត ត្រូវចំសៀតផ្កាឆ្វេងរងរបួសធ្ងន់ធ្ងរ ។ ហើយត្រូវបានគេបញ្ជូនទៅសង្រ្គោះនៅមន្ទីរពេទ្យបង្អែកស្រុកពញាក្រែក ក៏បានស្លាប់ ដោយគ្រូពេទ្យមិនអាចជួយសង្រ្គោះបានឡើយ ។
លោកវរៈសេនីយ៏ត្រី ហុង គឹមហឿន បានបញ្ជាក់ថា នៅពេលមុនកើតហេតុ ក្រុមកម្មករជាច្រើននាក់ដែលបំរើរការងារនៅក្រុមហ៊ុនមួយ មុនពេលចូលឆ្នាំមកដល់ត្រូវបានថៅកែ លើកកម្លាំងចិត្តជប់លៀងផឹកស៊ីរាំលេងសប្បាយ ។ ក្នុងពេលនោះអ្នករងគ្រោះបានបោះពាក្យសំដី របៀបមនុស្សឈ្លើយជាហេតធ្វើឲ្យឈ្មោះ ចាន់ ថូ ខឹងសម្បារទប់ចិត្តមិនបានក៏រត់ទៅទាញយកកាំបិត មកកាប់ប្រហារលើជនរងគ្រោះទាំងកំរោល១កាំបិត ។ បន្ទាប់មកបានរត់គេចខ្លួនបាត់ រហូតមកដល់យប់ថ្ងៃទី ២៩ មីនានេះក៏កម្លាំងសមត្ថកិច្ច នូវតែមិនទាន់ចាប់ខ្លួនបានូវឡើយទេ ។
ចែករំលែកព័តមាននេះ