រាជធានីភ្នំពេញ ៖ រថយន្តម៉ាកតូយ៉ូតា តាកូម៉ាមួយគ្រឿងរបស់ក្រុមហ៊ុនលក់គ្រឿងចក្រPTS Group Cambodia co,ltd កំពុងបើកបរសុខៗ ស្រាប់តែឆ្លងចរន្តអគ្គិសី បណ្ដាលឲ្យក្លាយជាអណ្ដាតភ្លើងឆាបឆេះ យ៉ាងសន្ធោសន្ធៅ ហើយត្រូវបានប្រជាពលរដ្ឋនៅជិតនោះយកបំពង់ពន្លត់អគ្គិភ័យ បាញ់ពន្លត់និងដងទឹកជះ រហូតដល់រលត់ ប៉ុន្តែម៉ាស៊ីនរថយន្តនោះត្រូវភ្លើងឆេះខូចខាតអស់ទាំងស្រុង ។
ហេតុការណ៍នោះបានកើតឡើងកាលពីវេលាម៉ោង១២និង១៥នាទីថ្ងៃត្រង់ ថ្ងៃទី២៨ មីនា ២០១៤ នៅលើកំណាត់ផ្លូវជាតិលេខ៤ ត្រង់ចំណុចមុខតំបន់សេដ្ឋកិច្ចពិសេសភ្នំពេញ ស្ថិតក្នុងភូមិត្រពាំងគល់ សង្កាត់កន្ទោក ខណ្ឌពោធិ៍សែនជ័យ ។ រថយន្ត១គ្រឿងនោះ ម៉ាកតូយ៉ូតាតកូម៉ា ពណ៌ខ្មៅ ពាក់ស្លាកលេខភ្នំពេញ 2V-6646 ជារថយន្តរបស់ក្រុមហ៊ុន PTS Group Cambodia co,ltd លក់គ្រឿងចក្រ ដែលមានទីតាំងស្ថិតនៅ១៣៩មហាវិថីសហព័ន្ធរុស្ស៊ី ភូមិព្រៃទា សង្កាត់ចោមចៅ ខណ្ឌពោធិ៍សែនជ័យ ចំណែកអ្នកបើកបរមិនបានប្រាប់ឲ្យដឹងឈ្មោះនោះឡើយ។
តាមប្រភពព័ត៌មានបានឲ្យដឹងថា នៅមុនពេលកើតហេតុ គេបានឃើញរថយន្តមួយគ្រឿងនោះ ធ្វើដំណើរក្នុងទិសដៅពីលិចទៅកើត ចេញពីខេត្តកំពង់ស្ពឺ ឆ្ពោះទៅក្រុមហ៊ុនខាងលើ។ លុះពេលទៅដល់ត្រង់ចំណុចកើតហេតុ ស្រាប់តេមានផ្សែងហុយចេញពីផ្នែកម៉ាស៊ីន ខណៈនោះអ្នកបើកបរបានឈប់ ក៏មានអណ្ដាតភ្លើងឆាបឆេះ ឡើងយ៉ាងសន្ធោសន្ធៅតែម្ដង។
ចែករំលែកព័តមាននេះ