រូបភាពផ្កាយរណបជប៉ុន បានបង្ហាញពីវត្ថុអណ្តែតទឹក១០បំណែក នៅឆ្ងាយពីប្រទេសអូស្ត្រាលី ដែលអាចជាបំណែករបស់យន្តហោះម៉ាឡេសុី ជើងហោះហើរ MH370 ។ នេះបើយោងតាមរបាយការណ៍របស់ប្រព័ន្ធផ្សព្វផ្សាយដែលបានដកស្រង់សម្តីរបស់រដ្ឋាភិបាលកាលពីថ្ងៃសុក្រ ទី២៨ មីនា ។
រូបភាពផ្កាយរណបជប៉ុន បានបង្ហាញពីវត្ថុអណ្តែតទឹក១០បំណែក នៅឆ្ងាយពីប្រទេសអូស្ត្រាលី ដែលអាចជាបំណែករបស់យន្តហោះម៉ាឡេសុី ជើងហោះហើរ MH370 ។ នេះបើយោងតាមរបាយការណ៍របស់ប្រព័ន្ធផ្សព្វផ្សាយដែលបានដកស្រង់សម្តីរបស់រដ្ឋាភិបាលកាលពីថ្ងៃសុក្រ ទី២៨ មីនា ។
ទីភ្នាក់ងារព័ត៌មានជប៉ុនក្យូដូ និងសារព័ត៌មាន Jiji បានរាយការណ៍ថា វត្ថុទាំងនោះត្រូវបានប្រទះឃើញនៅក្នុងទឹកចម្ងាយប្រមាណ២.៥០០គីឡូម៉ែត្រ ភាគនិរតីទីក្រុងភើត របស់អូស្ត្រាលី ។ ទីភ្នាក់ងារព័ត៌មានក្យូដូ និយាយថា តាមការសិក្សារបស់មជ្ឈមណ្ឌលផ្កាយរណប Cabinet Satellite Intelligence Center របស់ជប៉ុន បានបង្ហាញថា វត្ថុទាំងអស់នោះមានប្រវែងដល់ទៅ៨ម៉ែត្រ និងទទឹង៤ម៉ែត្រ ហើយចាប់បានរូបភាពដោយផ្កាយរណបនៅចន្លោះម៉ោង៩ព្រឹក និងម៉ោង៣រសៀល ។
ប្រភពពីរដ្ឋាភិបាលនិយាយថា វត្ថុទាំងអស់នេះ អាចជាបំណែករបស់យន្តហោះម៉ាឡេសុី ដែលបាត់ ព្រោះថា គេបានរកឃើញនៅក្នុងតំបន់ដែលត្រួតសុីគ្នានឹងកន្លែងដែលគេធ្លាប់រកឃើញកាលពីលើកមុន ។ ចំណែកសារព័ត៌មាន Jiji បានដកស្រង់សម្តីមន្ត្រីរដ្ឋាភិបាល ដោយនិយាយថា វត្ថុដែលអណ្តែតទឹកនោះ អាចជាបំណែកយន្តហោះរបស់ម៉ាឡេសុី ដែលបាត់ ។ ជប៉ុនបានផ្តល់ព័ត៌មាននោះដល់ប្រទេសម៉ាឡេសុីហើយ ៕
ចែករំលែកព័តមាននេះ