កាសែតជុងអាងរបស់កូរ៉េខាងត្បូងផ្សាយថា ពលរដ្ឋជាច្រើននាក់នាំគ្នារុករកអាចម៍ផ្កាយនៅលើភ្នំ និងតាមវាលស្រែក្នុងទីក្រុងជីនដូ ភាគអាគ្នេយ៍របស់ប្រទេស ក្រោយពីមានភ្លៀងអាចម៍ផ្កាយ កាលពីថ្ងៃទី៩ មីនា ២០១៤ ។ មានពលរដ្ឋមួយចំនួនប្រើប្រព័ន្ធ GPS និងឧបករណ៍ពិនិត្យលោហៈដើម្បីស្វែងរកអាចម៍ផ្កាយនោះ ។
កាសែតជុងអាងរបស់កូរ៉េខាងត្បូងផ្សាយថា ពលរដ្ឋជាច្រើននាក់នាំគ្នារុករកអាចម៍ផ្កាយនៅលើភ្នំ និងតាមវាលស្រែក្នុងទីក្រុងជីនដូ ភាគអាគ្នេយ៍របស់ប្រទេស ក្រោយពីមានភ្លៀងអាចម៍ផ្កាយ កាលពីថ្ងៃទី៩ មីនា ២០១៤ ។ មានពលរដ្ឋមួយចំនួនប្រើប្រព័ន្ធ GPS និងឧបករណ៍ពិនិត្យលោហៈដើម្បីស្វែងរកអាចម៍ផ្កាយនោះ ។
មន្ដ្រីជំនាញនាយកដ្ឋានបេតិកភណ្ឌវប្បធម៌របស់កូរ៉េថ្លែងថា អ្នកស្រុកព្យាយាមរុករកដោយសារតែសារព័ត៌មានក្នុងស្រុកផ្សព្វផ្សាយថា អាចម៍ផ្កាយអាចលក់បានក្នុងតម្លៃខ្ពស់ ។ ដោយសារការរុករកអាចម៍ផ្កាយនោះ ម្ចាស់កសិដ្ឋានដាំបន្លែជាច្រើនបានដាក់ស្លាកហាមរុករកនៅទីតាំងរបស់ខ្លួន បន្ទាប់ពីមានអ្នកប្រទះឃើញដុំថ្មពីអាកាសដ៏ធំទម្ងន់៩គីឡូក្រាម ស្ថិតក្នុងកសិដ្ឋានមួយក្បែរក្រុងជីនដូ។ ចំណែកអាចម៍ផ្កាយដុំទី២ មានទម្ងន់៤គីឡូក្រាម រកឃើញដោយអ្នកស្រុកម្នាក់ទៀត ។
ក្រោយពីមានភ្លៀងអាចម៍ផ្កាយពីក្រៅភពកន្លងមកនោះ មានអ្នកតាមរកអាចម៍ផ្កាយជនជាតិអាមេរិកចែកនាមប័ណ្ណដល់អ្នកស្រុកក្នុងបំណងសុំទិញអាចម៍ផ្កាយពីអ្នករើសបាន ។
លោកនាយករដ្ឋមន្ដ្រីឈុង ហុងវ៉ុន បានជួយដល់ពលរដ្ឋក្នុងការស្រាវជ្រាវរុករក ឬរើសកម្ទេចអាចម៍ផ្កាយទុកជាគំរូផ្នែកធម្មជាតិ ប៉ុន្ដែខាងបេតិកភណ្ឌវប្បធម៌របស់កូរ៉េបញ្ជាក់ថា អាចម៍ផ្កាយដែលរកឃើញគឺជាសម្បត្ដិវប្បធម៌ ដូច្នេះត្រូវការពារមិនឱ្យនាំចេញទេ ។ អាចម៍ផ្កាយជាប្រភេទថ្មធ្លាក់ពីលើមេឃដែលឆេះមិនអស់នៅសេសសល់ជាបំណែកតូចធ្លាក់មកលើផែនដី ។ អាចម៍ផ្កាយដែលធ្លាក់នោះ គេប្រទះឃើញចុងក្រោយនៅកូរ៉េខាងត្បូង កាលពីឆ្នាំ១៩៤៣ ៕
ចែករំលែកព័តមាននេះ