ក្រុមសិទ្ធិមនុស្ស បានអំពាវនាវដល់ប្រទេសមីយ៉ាន់ម៉ា ឱ្យលុបចោលបម្រាមរៀបការឆ្លងសាសនា ដោយបញ្ជាក់ថា ជាការបំបិទសិទ្ធិសេរីភាពលើការកាន់សាសនារបស់ពលរដ្ឋ ។
ក្រុមសិទ្ធិមនុស្ស បានអំពាវនាវដល់ប្រទេសមីយ៉ាន់ម៉ា ឱ្យលុបចោលបម្រាមរៀបការឆ្លងសាសនា ដោយបញ្ជាក់ថា ជាការបំបិទសិទ្ធិសេរីភាពលើការកាន់សាសនារបស់ពលរដ្ឋ ។
សារព័ត៌មានបរទេសផ្សាយថា ក្រុមសិទ្ធិមនុស្សនៅក្រុងញ៉ូវយ៉ក បានថ្លែងកាលពីថ្ងៃទី២៥ មីនា ឆ្នាំ២០១៤ ថា មីយ៉ាន់ម៉ា គួរតែលុបចោលបម្រាមរៀបការឆ្លងសាសនា រួមទាំងក្រើនរំលឹកថា ការរើសអើសដែលបានលាតត្រដាងចាត់ទុកថាជាការបំបិទសិទ្ធិសេរីភាពក្នុងការកាន់សាសនា និងសិទ្ធិសេរីភាពរបស់ស្ត្រីភេទ ។ ទាំងជនមូស្លុីម គ្រឹស្តសាសនិកជន និងបុរសក្នុងសាសនាផ្សេង ដែលជាជនអម្បូរភាគតិច អាចទទួលទោសជាប់ពន្ធនាគាររយៈពេល១០ឆ្នាំ ពីបទរៀបការជាមួយស្ត្រីកាន់សាសនាព្រះពុទ្ធ នៅក្នុងច្បាប់របស់មីយ៉ាន់ម៉ា ដែលកំពុងពិចារណានៅក្នុងសភានាពេលបច្ចុប្បន្ន ។
មីយ៉ាន់ម៉ា មានភាពរង្គោះរង្គើពីទំនាស់រវាងសាសនា ក្រោយពីបញ្ចប់របបគ្រប់គ្រងយោធាផ្តាច់ការជាច្រើនឆ្នាំកន្លងមក ដោយមានអ្នកស្លាប់យ៉ាងតិច២៥០នាក់ នៅក្នុងការប៉ះទង្គិចរវាងអ្នកកាន់សាសនាព្រះពុទ្ធ និងមូស្លុីម តាំងពីឆ្នាំ២០១២មក ។
លោកប្រធានាធិបតី ថេន សេន របស់មីយ៉ាន់ម៉ា ដែលជំរុញឱ្យមានការកែទម្រង់នយោបាយនៅក្នុងប្រទេស បានអំពាវនាវដល់រដ្ឋសភា កាលពីខែមុន ដើម្បីឱ្យពិចារណាលើសេចក្តីព្រាងច្បាប់ហាមរៀបការឆ្លងសាសនា ដែលបានស្នើឡើងក្រោយពីសម្តេចសង្ឃរបស់មីយ៉ាន់ម៉ា ទាមទារពីបញ្ហានេះ ៕
ចែករំលែកព័តមាននេះ