ខេត្តបន្ទាយមានជ័យ ៖ ម៉ូតូ១គ្រឿងម៉ាកហុងដាC១២៥ ខណៈបើកវ៉ាជែងរថយន្តមិនប្រយ័ត្នបានជ្រុលទៅបុកម៉ូតូ១គ្រឿងទៀតដែលបើកបញ្ច្រាសទិសគ្នាបណ្តាលឱ្យដួលរងរបួសធ្ងន់ ស្រាល៤នាក់។ ហេតុការណ៍នេះបានកើតឡើងកាលពីវេលាម៉ោង៧យប់ ថ្ងៃទី២៦ មីនា ២០១៤ លើកំណាត់ផ្លូវជាតិលេខ៥ខាងត្បូងផ្សារបន្ទាយនាងចម្ងាយ៣០០ម៉ែត្រ ស្ថិតក្នុងភូមិបន្ទាយនាង ឃុំបន្ទាយនាង ស្រុកមង្គលបុរី។
ខេត្តបន្ទាយមានជ័យ ៖ ម៉ូតូ១គ្រឿងម៉ាកហុងដាC១២៥ ខណៈបើកវ៉ាជែងរថយន្តមិនប្រយ័ត្នបានជ្រុលទៅបុកម៉ូតូ១គ្រឿងទៀតដែលបើកបញ្ច្រាសទិសគ្នាបណ្តាលឱ្យដួលរងរបួសធ្ងន់ ស្រាល៤នាក់។ ហេតុការណ៍នេះបានកើតឡើងកាលពីវេលាម៉ោង៧យប់ ថ្ងៃទី២៦ មីនា ២០១៤ លើកំណាត់ផ្លូវជាតិលេខ៥ខាងត្បូងផ្សារបន្ទាយនាងចម្ងាយ៣០០ម៉ែត្រ ស្ថិតក្នុងភូមិបន្ទាយនាង ឃុំបន្ទាយនាង ស្រុកមង្គលបុរី។
លោកវរសេនីយ៍ត្រីយ៉ត សុផល អធិការនគរបាលស្រុកមង្គលបុរីបានឱ្យដឹងថា មុនពេលកើតហេតុឈ្មោះរាំង គីវ៉ា ភេទប្រុស អាយុ១៩ឆ្នាំ រស់នៅភូមិគោកធ្នង់ ឃុំអូរប្រាសាទ ស្រុកមង្គលបុរី បើកម៉ូតូម៉ាកហុងដាធុនសេ១២៥ ស៊េរី២០១១ ពណ៌ខ្មៅ ពាក់ស្លាកលេខប មានជ័យ១E៩៣៤៨ ឌុបឈ្មោះសុទ្ធី វិចិត្រ នៅភូមិជាមួយគ្នាធ្វើដំណើរក្នុងទិសដៅពីជើងទៅត្បូង ខណៈដល់ចំណុចកើតហេតុម៉ូតូនេះបានឡើងវ៉ាជែងរថយន្តមួយគ្រឿងបើកស្របទិសគ្នាមិនប្រយ័ត្នបានជ្រុលទៅបុកម៉ូតូមួយគ្រឿងទៀតម៉ាកវ៉េវពណ៌ខ្មៅ-ខៀវ គ្មានស្លាកលេខ បើកដោយឈ្មោះភួង រំដួល ភេទប្រុស អាយុ២១ឆ្នាំ នៅភូមិព្រៃទទឹង ឃុំភ្នំតូច ស្រុកមង្គលបុរី ឌុបឈ្មោះចក់ ចេះ ភេទប្រុស អាយុ២១ឆ្នាំ និងឈ្មោះតាំង ផែល ភេទប្រុស អាយុ១៨ឆ្នាំ បណ្តាលឱ្យដួលរងរបួសធ្ងន់ ស្រាលទាំងអស់គ្នា។
ក្រោយកើតហេតុអ្នករបួសធ្ងន់ត្រូវគេបញ្ជូនទៅព្យាបាលនៅមន្ទីរពេទ្យបង្អែកខេត្ត ចំណែកម៉ូតូទាំង២គ្រឿងត្រូវបានយកទៅរក្សាទុកនៅអធិការដ្ឋាននគរបាលស្រុករង់ចាំធ្វើការដោះស្រាយ៕
ចែករំលែកព័តមាននេះ