រាជធានីភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នឹងអញ្ជើញទៅបំពេញទស្សនកិច្ចផ្លូវការនៅសធារណរដ្ឋបេឡារុស នាចុងខែមេសា ២០១៤ខាងមុខ ។
នេះបើយោងតាមរដ្ឋមន្រ្តីការបរទេស បេឡារុស លោក វ្ល៉ាឌីមៀរ ម៉ាកេ ដែលថ្លែងក្នុងសន្និសីទកាសែត នៅក្រសួងការបរទេសកម្ពុជា ក្រោយបញ្ចប់ជំនួបជាមួយលោកឧបនាយករដ្ឋមន្រ្តី ហោ ណាំហុង កាលពីថ្ងៃទី២៦ មីនាម្សិលមិញ ។
រាជធានីភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នឹងអញ្ជើញទៅបំពេញទស្សនកិច្ចផ្លូវការនៅសធារណរដ្ឋបេឡារុស នាចុងខែមេសា ២០១៤ខាងមុខ ។
នេះបើយោងតាមរដ្ឋមន្រ្តីការបរទេស បេឡារុស លោក វ្ល៉ាឌីមៀរ ម៉ាកេ ដែលថ្លែងក្នុងសន្និសីទកាសែត នៅក្រសួងការបរទេសកម្ពុជា ក្រោយបញ្ចប់ជំនួបជាមួយលោកឧបនាយករដ្ឋមន្រ្តី ហោ ណាំហុង កាលពីថ្ងៃទី២៦ មីនាម្សិលមិញ ។
បើតាមលោក ហោ ណំាហុង នាយករដ្ឋមន្រ្តីនៃសាធារណរដ្ឋបេឡារុស ធ្លាប់បានអញ្ជើញសម្តេចតេជោទៅទស្សនកិច្ចផ្លូវគារនៅបេឡារុសចំនួនពីរដងរួចមកហើយ គឺនៅខែមិថុនា ២០១២ម្តង និង ខែ វិច្ឆិកា ២០១៣ម្តង ។ លោកប្រមុខការទូតកម្ពុជាបានបញ្ជាក់ទៀតថា មានឯកសារប្រមាណ១០ ក្នុងនោះឯកសារចំនួន៨ ដែលសម្តេចនាយករដ្ឋមន្រ្តី ហ៊ុន សែន និង នាយករដ្ឋមន្រ្តីបេឡារុស នឹងត្រូវចុះហត្ថលេខារួមគ្នា អំឡុងពេលទស្សនកិច្ចរបស់សម្តេចតេជោនៅប្រទេសបេឡារុសនោះ ។
សូមបញ្ជាក់ដែរថា នៅក្រោយជំនួបពិភាក្សាការងារជាមួយរដ្ឋមន្ត្រីការបរទេសនៃសាធារណរដ្ឋបេឡារូស លោក វ្ល៉ាឌីមៀរ ម៉ាកេ កាលពីថ្ងៃទី២៦ មីនា ២០១៤ នៅទីស្តីការក្រសួង លោកឧបនាយករដ្ឋមន្ត្រី ហោ ណាំហុង បានសម្តែងនូវក្តីរំពឹងថា នាពេលខាងមុខអ្នកវិនិយោគនៃសាធារណរដ្ឋបេឡារូសនឹងមកបណ្តាក់ទុនកាន់តែច្រើននៅកម្ពុជា សំខាន់លើវិស័យកសិកម្ម។
លោករដ្ឋមន្រ្តីការបរទេសកម្ពុជាបានមានប្រសាសន៍ទៀតថា ដោយសារប្រទេសកម្ពុជាមានសក្តានុពលលើវិស័យកសិកម្ម ហើយប្រទេសបេឡារូស មានសមត្ថភាពជំនាញលើការផលិតសម្ភារកសិកម្មនោះ ដូច្នេះរវាងប្រទេសទាំង២ គឺសក្តិសមណាស់ក្នុងការធ្វើកិច្ចសហប្រតិបត្តិការជាមួយគ្នា ដើម្បីអភិវឌ្ឍន៏លើវិស័យកសិកម្មនៅកម្ពុជា។
គួរបញ្ជាក់ថា ប្រទេសបេឡារុស ស្ថិតនៅតំបន់អឺរ៉ុបខាងកើត និងទើបទទួលបានឯករាជ្យពីសហភាពសូវៀតនៅថ្ងៃទី២៧ កក្កដា ១៩៩០ ។ បេឡារុសមានព្រំប្រទល់ជាប់ប្រទេសរុស្ស៊ី អ៊ុយក្រែន ប៉ូឡូញ លីទុយអានី និង ប្រទេសឡាត់វៀ ។ ផ្ទៃដីរបស់ប្រទេសបេឡារុសមានទំហំ ២០៧ ៥៩៥គីឡូម៉ែត្រក្រឡា និងតួលេខប្រជាជនគិតត្រឹមឆ្នាំ២០១២ មានជាង៩លាន៤សែននាក់ ហើយផលទុនសរុបប្រចំាឆ្នាំក្នុងម្នាក់ជាង១ម៉ឺន៥ពាន់ដុល្លារ ៕
ចែករំលែកព័តមាននេះ