បុរស​ម្នាក់​សល់​តែ​គ្រោងឆ្អឹង ក្រោយ​សាច់ញាតិ​តាម​រក​​អស់ជាង​២​ខែ


ខេត្តកណ្ដាល ៖ មាន​ករណី​ប្រទះ​ឃើញ​សាកសព​មនុស្ស​រលួយ​សល់​តែ​គ្រោងឆ្អឹង​ក្នុង​ព្រៃ​ប្រឡាយ​មេទឹក បង្ក​ការ​ភ្ញាក់ផ្អើល​កាលពី​វេលា​ម៉ោង​១០​ព្រឹក​ថ្ងៃ​ទី​១៥ ខែកញ្ញា ឆ្នាំ ២០១៩ ចំណុច​ក្នុង​ព្រៃ​ប្រឡាយ​មេទឹក តាម​បណ្តោយ​ផ្លូវជាតិ​លេខ​៥ ភូមិ​ពោធិ៍​តូច ឃុំ​កំពង់​លួង ស្រុក​ពញាឮ ខេត្ត​កណ្តាល​។

ជន​រង​គ្រោះ​ដែល​ស្លាប់​ឈ្មោះ អ៊ូច ឆាង ភេទ​ប្រុស អាយុ​៤២​ឆ្នាំ មាន​ទីលំនៅ​ភូមិ​ត្រពាំង​ព្រៃ ឃុំ​ស្រែ​សំរោង ស្រុក​ជុំ​គី​រី ខេត្ត កំពត​។

តាម​ការ​បំភ្លឺ​របស់​ឈ្មោះ​ឆឹ​ម សា​រុន ភេទ​ប្រុស អាយុ​៧៦​ឆ្នាំ មាន​ទីលំនៅ​ក្នុងភូមិ​ពោធិ​តូច ឃុំ​កំពង់​លួង ស្រុក​ពញាឮ ខេត្តកណ្តាល ត្រូវជា​ពូ​របស់​ជន​រង​គ្រោះ​បានឱ្យ​ដឹង​ថា នៅ​មុន​កើតហេតុ កាលពី​ថ្ងៃ​ទី​៣០ ខែមិថុនា ឆ្នាំ​២០១៩ ជន​រង​គ្រោះ​បាន​ជិះ​ម៉ូតូ​មួយ​គ្រឿង​ម៉ាក​ស្មាស់​វី (Smash V) ពណ៌​ខ្មៅ ធ្វើ​ដំណើរ​ពី​ខេត្តកំពត​មក​លេង​ផ្ទះ​របស់​គាត់ ដោយ​ជន​រង​គ្រោះ​មាន​ស្លៀកខោ​ពីរ​ជាន់ គឺ​ស្លៀកខោ​ក្នុងពណ៌​ក្រហម និង​ស្លៀកខោ​ប៉ា​រ៉ា​ក្រៅ​ខ្លី​ត្រឹម​ជង្គង់ មាន​ពាក់​នាឡិកាដៃ និង​មាន​ចងខ្សែ​អំបោះ​ក្រហម​នៅ​កដៃ​ខាងឆ្វេង ហើយ​ជន​រង​គ្រោះ​ក៏​មាន​សតិ​មិន​គ្រប់​ផង​ដែរ​។

តាម​ប្រភព​ដដែល​បាន​បន្ត​ថា លុះដល់​វេលា​ម៉ោង​២​រសៀល​ថ្ងៃ​ទី​៣១ ខែមិថុនា ឆ្នាំ​២០១៩ ស្រាប់តែ​បាត់​ជន​រង​គ្រោះ​ពី​ផ្ទះ​របស់​គាត់ ដោយ​ពុំ​ដឹង​ទៅ​ទីណា ហើយ​សាច់ញាតិ​ក៏​បាន​នាំ​គ្នា​ដើរ​រក ប៉ុន្តែ​រក​មិនឃើញ​ឡើយ តែ​ឮ​គេ​និយាយ​ថា ឃើញ​ជន​រង​គ្រោះ​ដើរ​ចូល​ក្នុង​ព្រៃ​ប្រឡាយ​មេទឹក តាម​បណ្តោយ​ផ្លូវជាតិ​លេខ​៥ ស្ថិត​ក្នុងភូមិ ឃុំ​កើតហេតុ​ខាងលើ​។

តាម​ប្រភព​ដដែល​បាន​បន្ត​ទៀត​ថា លុះ​នៅ​វេលា​ម៉ោង​១០​ព្រឹក​ថ្ងៃ​ទី​១៥ ខែកញ្ញា ឆ្នាំ​២០១៩ មាន​បុរស​ម្នាក់​ឈ្មោះ សូត្រ ស្រស់ អាយុ​២៦​ឆ្នាំ ជា​បុគ្គលិក​ស្ថាបនា​ផ្លូវជាតិ​លេខ​៥ បាន​រាយការណ៍​ប្រាប់​លោកនាយ​ប៉ុស្តិ៍​កំពង់​លួង​ថា នៅ​វេលា​ម៉ោង​ខាងលើ ពេល​ខ្លួន​បាន​កាន់​បង្គោល​វាស់​នីវ៉ូ​ធ្វើ​ផ្លូវ​ចុះ​ទៅ​វាស់​ក្នុង​ព្រៃ​ប្រឡាយ​មេទឹក​ក្បែរ​ផ្លូវជាតិ​៥ ស្រាប់តែ​ប្រទះ​ឃើញ​សាកសព​មនុស្ស​នៅ​ក្នុង​ទឹក​ប្រឡាយ​ដោយ​មាន​សភាព​រលួយ​សល់​តែ​គ្រោងឆ្អឹង​។

បន្ទាប់​ពី​ទទួល​បាន​ព័ត៌មាន​ខាងលើ​ភ្លាម កម្លាំង​ប៉ុស្តិ៍​នគរបាល​កំពង់​លួង​ចុះ​ទៅ​កន្លែង​កើតហេតុ និង​យក​ខ្សែការពារ​ហ៊ុម​ព័ទ្ធ​កន្លែង​កើតហេតុ​។ បន្ទាប់​មក​កម្លាំង​ជំនាញ​ការិយាល័យ​បច្ចេកទេស​ខេត្ត ដោយ​មានការ​សហការ​ជាមួយ​កម្លាំង​ប៉ុស្តិ៍​រដ្ឋបាល អាជ្ញាធរ​មូលដ្ឋាន លោកគ្រូ​ពេទ្យ​ផ្នែក​ជំនាញ​ស្រុក និង​ក្រុម​គ្រួសារ​សព ដើម្បី​ធ្វើការ​ពិនិត្យ​គ្រោងឆ្អឹង ដោយ​បាន​យក​ឆ្អឹង​មក​តំរៀប និង​ពិនិត្យ​មើល​រក​មិនឃើញ​មាន​ស្លាកស្នាម​អ្វី​លើ​ឆ្អឹង​គួរ​ឲ្យ​កត់សំគាល់​ឡើយ ទើប​ធ្វើការ​ការ​សន្និដ្ឋាន​ថា ជន​រង​គ្រោះ​ស្លាប់​ដោយ​លង់ទឹក​។

តាម​ការ​បញ្ជាក់​របស់​ឈ្មោះ​ឈិ​ន សុភ​ក្រ័ ត្រូវជា​កូនប្រុស​បង្កើត​របស់​ជន​រង​គ្រោះ បាន​អះអាង​ថា សាកសព​ខាងលើ​គឺ​ពិតជា​ឪពុក​បង្កើត​របស់​ខ្លួន​ប្រាកដ​មែន​។

ក្រោយ​ពី​ពិនិត្យ​ចប់​សព្វគ្រប់ សមត្ថកិច្ច​បាន​ប្រគល់​គ្រោងឆ្អឹង​សព​ជូន​ក្រុម​គ្រួសារ​ដើម្បី​យក​ទៅ​ធ្វើបុណ្យ​តាម​ប្រពៃណី ៕ (​កែសម្រួល​ដោយ ៖ ធីតា​)

Facebook Google Twitter Email

ព្រឹត្តិការណ៍សង្គម

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

០៨:៥០ | ក្នុងស្រុក

តើ​នឹង​មាន​អ្វី​កើតឡើង នៅ​ពេល​តារា​សម្តែង​ភាពយន្ត​ដ៏​ល្បី ទេព រិ​ន​ដា​រ៉ូ និង​តារា​ល្បី​ក្នុង​បណ្តាញ​សង្គម ហេង វិសាល ប្រឈម​មុខ​នឹង​សត្វព្រៃ​នៅ​ខេត្តបាត់ដំបង?

ការស្ទង់មតិគេហទំព័រថ្មី




សូម​អរគុណ