នេះជារូបភាពដ៏អស្ចារ្យនៃប្រភេទស្រាំងអង្កាម ដែលត្រូវបានឃើញថ្មីៗនេះ កំពុងតែបង្កើតសម្បុករបស់ពួកវា នៅលើគំនូរលើជញ្ជាំងខាងក្រៅនៃអគារអប់រំ នៅមជ្ឈមណ្ឌលអង្គរសម្រាប់ការអភិរក្សជីវៈចម្រុះ ។
មជ្ឈមណ្ឌលនេះបានអះអាងថា ស្រាំងអង្កាមនេះ គឺជាពពួកសត្វល្អិត ដែលមានជំនាញខ្ពស់ក្នុងការគ្រប់គ្រងសត្វល្អិតចង្រៃ នៅក្នុងប្រព័ន្ធអេកូឡូស៊ី ដែលមកបំផ្លាញផលដំណាំ ។
ប្រភពដដែលបានអះអាងថា វាគឺជាពពួកសត្វល្អិតចូលចិត្តចាប់ និងស៊ីដង្កូវសត្វល្អិតដើម្បីចិញ្ចឹមកូនរបស់វា ។ ស្រាំងទាំងនេះ សង់សំម្បុករបស់វាពីសម្ភារៈដូចជា ក្រដាស ដែលបង្កើតឡើងដោយការលាយទឹកមាត់ជាមួយសរសៃឈើល្អិតៗដែលវាទំពាររំលាយរួចហើយ ។
មកដល់ពេលនេះ ស្រាំងអង្កាមមិនមែនជាសត្វដែលមិនដែលឃើញនោះទេ គ្រាន់តែមនុស្សទូទៅមិនស្គាល់ឈ្មោះវាតែប៉ុណ្ណោះ ។
ចែករំលែកព័តមាននេះ