សភាអ៊ុយក្រែន បានអនុម័តកាលពីថ្ងៃទី២៥ មីនា ការតែងតាំងលោក មី ខៃអុីឡូ កូវ៉ាល់ ជារដ្ឋមន្ត្រីការពារប្រទេសថ្មីរបស់ប្រទេស ជំនួសលោក អុីហ្គ័រ តឺនីអ៊ុក ដែលបានសម្រេចដកកងទ័ពអ៊ុយក្រែនចេញពីគ្រីមេ ។
លោកតឺនីអ៊ុក ដែលរងការរិះគន់យ៉ាងខ្លាំង ដោយសារការរារែករបស់លោកក្នុងការបញ្ជាកងទ័ពអ៊ុយក្រែន និងបរាជ័យរបស់លោកក្នុងការដោះស្រាយវិបត្តិ
សភាអ៊ុយក្រែន បានអនុម័តកាលពីថ្ងៃទី២៥ មីនា ការតែងតាំងលោក មី ខៃអុីឡូ កូវ៉ាល់ ជារដ្ឋមន្ត្រីការពារប្រទេសថ្មីរបស់ប្រទេស ជំនួសលោក អុីហ្គ័រ តឺនីអ៊ុក ដែលបានសម្រេចដកកងទ័ពអ៊ុយក្រែនចេញពីគ្រីមេ ។
លោកតឺនីអ៊ុក ដែលរងការរិះគន់យ៉ាងខ្លាំង ដោយសារការរារែករបស់លោកក្នុងការបញ្ជាកងទ័ពអ៊ុយក្រែន និងបរាជ័យរបស់លោកក្នុងការដោះស្រាយវិបត្តិគ្រីមេនោះ បានដាក់ពាក្យសុំលាលែងជូនសភា ។
មុននេះ គឺកាលពីថ្ងៃទី២៥ មីនា លោកតឺនីអ៊ុក បានទទួលស្គាល់ថា ក្រសួងរបស់លោកបានព្រមព្រៀងគ្នាជាមួយបណ្តាអ្នកទទួលខុសត្រូវកងទ័ពរុស្សុី ដកទាហានអ៊ុយក្រែនប្រមាណជា៦.៥០០នាក់ និងគ្រួសារពួកគេចេញពីគ្រីមេ ជាមួយឧបករណ៍យោធា មានតម្លៃប្រមាណជា ១១ពាន់លានដុល្លារ ។
ការសម្រេចចិត្តរបស់លោកតឺនីអ៊ុក បោះបង់ចោលបណ្តាមូលដ្ឋាន និងទីតាំងយោធាអ៊ុយក្រែន នៅឧបទ្វីបគ្រីមេ ត្រូវបានពួកអ្នកវិភាគក្នុងស្រុកចាត់ទុកថា ជាការបាត់បង់អតីតសាធារណរដ្ឋស្វយ័តនោះរបស់អ៊ុយក្រែន ។
ប្រទេសអ៊ុយក្រែន កាលពីថ្ងៃទី២៥ មីនា បានថ្កោលទោសយ៉ាងម៉ឺងម៉ាត់ចំពោះការវាយប្រហាររបស់កងទ័ពរុស្សុី ប្រឆាំងបណ្តាមូលដ្ឋានយោធាអ៊ុយក្រែននៅគ្រីមេ ។
លោកអេវហ្គេនី ប៉េរឺប៊ីអុីនីស អ្នកនាំពាក្យក្រសួងការបរទេសអ៊ុយក្រែន ថ្លែងទៅកាន់ក្រុមអ្នកកាសែតថា ក្រសួងការបរទេសអ៊ុយក្រែន បានបញ្ជូនការតវ៉ាយ៉ាងម៉ឺងម៉ាត់មួយដល់ក្រសួងការបរទេសរុស្សុី អំពីការវាយប្រហារនានារបស់កងទ័ពរុស្សុី លើបណ្តាមូលដ្ឋានយោធា និងនាវាចម្បាំងរបស់អ៊ុយក្រែន ព្រមទាំងកងឆ្មាំព្រំដែន។
អ្នកនាំពាក្យរូបនេះបញ្ជាក់ថា រយៈពេលប៉ុន្មានថ្ងៃចុងក្រោយនេះ កងទ័ពរុស្សុី បានធ្វើការវាយលុកលើមូលដ្ឋានកងទ័ព និងកងម៉ារីនអ៊ុយក្រែនជាច្រើន ព្រមទាំងលើនាវាចម្បាំងអ៊ុយក្រែនជាច្រើនគ្រឿងនៅគ្រីមេ ។ កងទ័ពរុស្សុី ក៏បានចាប់នាយទាហានអ៊ុយក្រែន៣នាក់ នៅគ្រីមេផងដែរ ៕
ចែករំលែកព័តមាននេះ