កិច្ចប្រជុំកំពូលស្តីពីសន្តិសុខនុយក្លេអ៊ែរ SSN ឆ្នាំ២០១៤ បានបញ្ចប់កាលពីថ្ងៃទី២៥ មីនា នៅទីក្រុងឡាអេ ជាមួយការចេញសេចក្តីប្រកាសមួយរបស់បណ្តាមេដឹកនាំពិភពលោកអំពីការរារាំងកុំឱ្យសារធាតុនុយក្លេអ៊ែរធ្លាក់ក្នុងដៃពួកភេរវករ ។
បណ្តាមេដឹកនាំដែលមានវត្តមានក្នុងកិច្ចប្រជុំកំពូលនោះអះអាងជាថ្មីពីការទទួលខុសត្រូវជាសារវ័ន្តរបស់ប្រទេសទាំងឡាយឱ្យថែរក្សាគ្រប់ពេលនូវសន្តិសុខដ៏មានប្រសិទ្ធភាពមួយនៃរាល់សារធាតុនុយក្លេអ៊ែរ និងវិទ្យុសកម្ម ក្នុងនោះរួមមាន សារធាតុនុយក្លេអ៊ែរដែលប្រើប្រាស់ក្នុងអាវុធនុយក្លេអ៊ែរ និងបណ្តាទីតាំងនុយក្លេអ៊ែរស្ថិតក្រោមការត្រួតត្រារបស់ខ្លួន ។
សេចក្តីប្រកាសស្នើដល់គ្រប់ប្រទេសឱ្យចាត់វិធានការសមស្របទាំងឡាយដើម្បីរារាំងបណ្តាតួអង្គពុំមែនរដ្ឋមានសារធាតុទាំងនោះ ដោយគូសបញ្ជាក់ពីសារសំខាន់នៃបទបញ្ជា និងបណ្តាច្បាប់ជាតិដែលខ្លាំងទាក់ទិនដល់សន្តិសុខនុយក្លេអ៊ែរ ។
សេចក្តីប្រកាសបន្តថា យើងគូសបញ្ជាក់ពីសេចក្តីត្រូវការពង្រឹង និងសម្របសម្រួលថែមទៀតនូវកិច្ចសហប្រតិបត្តិការអន្តរជាតិក្នុងវិស័យសន្តិសុខនុយក្លេអ៊ែរ ។ បណ្តាប្រទេស អង្គការស្រាវជ្រាវ និងជួយទ្រទ្រង់ខាងបច្ចេកទេស ឧស្សាហកម្មនុយក្លេអ៊ែរ និងភាគីទាក់ទិនដទៃៗទៀតត្រូវបានលើកទឹកចិត្តឱ្យបង្កើតវប្បធម៌សន្តិសុខខ្លាំងមួយ ហើយចែករំលែកបណ្តាបទពិសោធន៍ល្អៗ ។
យោងតាមសេចក្តីប្រកាសមាន៣៦ចំណុចនោះថា អ៊ុយរ៉ានីញ៉ូមមានកម្រិតចម្រាញ់ខ្ពស់ហៅ UHE និងសារធាតុផ្លុយតូនីញូ៉មចាំបាច់ត្រូវមានការប្រុងប្រយ័ត្នពិសេសនានា ហើយប្រការនោះសំខាន់ដែលត្រូវមានសន្តិសុខសមស្របបំផុត ។ យើងលើកទឹកចិត្តដល់បណ្តារដ្ឋឱ្យកាត់បន្ថយឱ្យបានច្រើនបំផុតនូវការស្តុក UHE ហើយរក្សាទុកការស្តុកផ្លុយតូនីញ៉ូមក្នុងកម្រិតតិចបំផុត ។ បណ្តាប្រទេសត្រូវបានលើកទឹកចិត្តឱ្យបន្តកាត់បន្ថយឱ្យបានច្រើនការប្រើប្រាស់ UHE។
កិច្ចប្រជុំ SSN ឆ្នាំ២០១៤ គឺជាលើកទី៣ បន្ទាប់ពីកិច្ចប្រជុំ SSN លើកទី១ នៅក្រុងវ៉ាស៊ីនតោនកាលពីឆ្នាំ២០១០ និងកិច្ចប្រជុំ SSN លើកទី២ នៅក្រុងសេអ៊ូលកាលពីឆ្នាំ២០១២ ៕
ចែករំលែកព័តមាននេះ