ខេត្តក្រចេះ ៖ ក្រោយមានការចាប់ឃាត់ និងដឹកជញ្ជូនឈើនាំមករក្សាទុកបានរយៈពេល១ថ្ងៃរួចមក មេព្រៃផ្នែករដ្ឋបាលព្រៃឈើក្រចេះ កាលពីរសៀលថ្ងៃទី២៥ មីនា ២០១៤ បានធ្វើការវាស់វែងឈើប្រណីតទាំងជាង១រយកំណាត់តូច-ធំ ដែលបង្ក្រាបបានជាបន្តបន្ទាប់កាលពីថ្ងៃទី២៤ និង២៥ មីនា នៅកន្លែងផ្សេងគ្នាទាំងនៅក្នុងព្រៃ និងដឹកតាមរថយន្តឃើញថា សុទ្ធសឹងជាឈើប្រណីតប្រភេទធ្នង់ នាងនួន និងបេង ដែលមានបរិមាណជាង១៧ម៉ែត្រគូប។
គួររំលឹកថា ឈើចំនួន១រយកំណាត់ត្រូវមេព្រៃផ្នែករដ្ឋបាលព្រៃឈើក្រចេះចុះបង្ក្រាបកាលពីថ្ងៃទី២៤ មីនា ក្រោយពីឈើទាំងនេះត្រូវឈ្មួញយកទៅលាក់ទុកក្នុងព្រៃមួយកន្លែងជាប់នឹងក្រុមហ៊ុនវិនិយោគព្រៃសម្បទានមួយនៅក្នុងឃុំក្បាលដំរី ស្រុកសំបូរ។
លុះនៅវេលារំលងអធ្រាត្រថ្ងៃទី២៥ មីនា កម្លាំងសមត្ថកិច្ចជំនាញព្រៃឈើក៏ស្ទាក់ចាប់បានរថយន្តសាំងយ៉ុង១គ្រឿងទៀតនៅសង្កាត់អូប្ញស្សី ក្រុងក្រចេះ ខណៈដែលរថយន្តមួយនេះកំពុងតែរត់ពន្ធឈើប្រណីតខុសច្បាប់ ដោយរឹបអូសបានឈើប្រណីតប្រភេទធ្នង់ នាងនួន ចំនួនជាង១០កំណាត់តូច-ធំ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ