តាមប្រភពព័ត៌មាន The Sun បានឱ្យដឹងថា ខ្សែបម្រើកណ្តាលសញ្ជាតិអង់គ្លេសរបស់ក្លិបតោខៀវ Chelsea កីឡាករ Danny Drinkwater ត្រូវបានក្រុមដៃដល់៦នាក់វាយបែកមុខក្រោយពីញ៉ែសង្សារកីឡាករ…
តាមប្រភពព័ត៌មាន The Sun បានឱ្យដឹងថា ខ្សែបម្រើកណ្តាលសញ្ជាតិអង់គ្លេសរបស់ក្លិបតោខៀវ Chelsea កីឡាករ Danny Drinkwater ត្រូវបានក្រុមដៃដល់៦នាក់វាយបែកមុខក្រោយពីញ៉ែសង្សារកីឡាករ Kgosi Ntlhe ដើម្បីនាំទៅអីៗ ។
កីឡាករដែល Chelsea ឱ្យ Burnley ខ្ចីជើងរូបនេះមានជម្លោះយ៉ាងខ្លាំងជាមួយនឹងកីឡាករ Ntlhe នៅក្នុងក្លិបកម្សាន្ត Chinawhite ។ គេបានទៅអូសក្រឡាសង្សាររបស់ Ntlhe ដោយនិយាយឌឺដងថា ៖ «យើងមិនខ្វល់ទេ អាពួកម៉ាក ។ នាងនឹងមកផ្ទះជាមួយគ្នាហើយ»។
ពេលនោះ Ntlhe ដែលជាកីឡាករក្លិប Scunthorpe United បានសុំឱ្យ Drinkwater ចាកចេញឱ្យឆ្ងាយពីមិត្តស្រីរបស់ខ្លួន តែខ្សែបម្រើតម្លៃខ្លួន៣៥លានផោនមិនព្រមចេញឡើយ ។ ភ្លាមៗនោះជម្លោះក៏បានកើតឡើងដែលតម្រូវឱ្យសន្តិសុខនៅក្នុងក្លិបដេញពួកគេចេញ ។
គ្រាន់តែចេញក្រៅភ្លាម Drinkwater ត្រូវបានបុរស៦នាក់វាយឡើងទក់សាច់ ។ អ្នកនៅទីនោះបានប្រាប់ថា មុខរបស់កីឡាកររូបនេះមានសុទ្ធតែឈាម ឃើញហើយពិតជាញាក់សាច់ ។ គ្មាននរណាម្នាក់ហៅប៉ូលីសមកកាន់កន្លែងកើតហេតុនោះទេ ។ ភាគីទាំងសងខាងសុទ្ធតែមិនបានប្តឹងប៉ូលីសទេ ។
គួរបញ្ជាក់ផងដែរថា ទោះបីជារឿងនេះមានប្រភពពី Drinkwater និង Ntlhe ក៏ដោយ គេមិនអាចកំណត់បានថា Ntlhe បានលូកដៃចូលវាយ Drinkwater ឬក៏អត់បានទេ ៕
ប្រភព ៖ thesun , កែសម្រួលដោយ ៖ សំណាង
ចែករំលែកព័តមាននេះ