ស្ពានបេឡេឫស្សីកែវនឹងដាក់ឱ្យដំណើរការឡើងវិញនៅព្រឹកស្អែកនេះ
- ភ្នំពេញ
រាជធានីភ្នំពេញ ៖ លោក សាំ ពិសិដ្ឋ នាយកមន្ទីរសាធារណការ និងដឹកជញ្ជូនរាជធានីភ្នំពេញ បានអោយដឹងថា ស្ពានបេឡេឫស្សីកែវ នឹងដាក់អោយដំណើរការឡើងវិញនៅថ្ងៃស្អែក…
រាជធានីភ្នំពេញ ៖ លោក សាំ ពិសិដ្ឋ នាយកមន្ទីរសាធារណការ និងដឹកជញ្ជូនរាជធានីភ្នំពេញ បានអោយដឹងថា ស្ពានបេឡេឫស្សីកែវ នឹងដាក់អោយដំណើរការឡើងវិញនៅថ្ងៃស្អែក ទី១៦ ខែកញ្ញា ឆ្នាំ២០១៩ ចាប់ពីវេលាម៉ោង៧ព្រឹកតទៅ ។ គួររំលឹកថា មុននេះបន្តិច ស្ពានបាឡេត្រូវបានផ្អាកដំណើរការហើយ (មានវីដេអូ)
លោកបន្តថា ដោយការខិតខំប្រឹងប្រែងរបស់វិស្វករ និងបងប្អូនកម្មករការដ្ឋានទាំងថ្ងៃ ទាំងយប់ មកដល់ពេលនេះ ការជួសជុលស្ពានបេឡេបានបញ្ចប់រួចរាល់ហើយ និងត្រៀមដាក់អោយដំណើរការនៅថ្ងៃស្អែកចាប់ពីវេលាម៉ោង៧ព្រឹកតទៅ ។
លោក សាំ ពិសិដ្ឋ បានបញ្ជាក់ថា បងប្អូនប្រជាពលរដ្ឋនឹងធ្វើដំណើរឆ្លងកាត់ស្ពានបេឡេប្រកបដោយសេចក្តីរីករាយក្នុងឱកាសបុណ្យភ្ជុំបិណ្ឌ ហើយសង្ឃឹមថា ស្ពានជ្រោយចង្វារដែលកកស្ទះកាលពីប៉ុន្មានថ្ងៃកន្លងមកនេះ នឹងកាត់បន្ថយការកកស្ទះចរាចរ ហើយវិលមករកភាពប្រក្រតីឡើងវិញ ៕ (កែសម្រួលដោយ ៖ ធីតា)
ចែករំលែកព័តមាននេះ