AFP ផ្សាយថា ស៊ូដង់ ជាប្រទេសដែលសំបូរដោយកេរមរតកបុរាណ ប៉ុន្តែទីតាំងបុរាណទាំងនោះ មិនបានទទួលការថែទាំឱ្យបានល្អទេ នាពេលកន្លងមក ។ ទើបតែពេលនេះស៊ូដង់បានទទួលប្រាក់១៣៥លានដុល្លារជាចំនួនដ៏ច្រើនជាប្រវត្តិសាស្ត្រពីប្រទេសកាតា សម្រាប់អភិវឌ្ឍមរតកវប្បធម៌ទាំងនោះ ។
AFP ផ្សាយថា ស៊ូដង់ ជាប្រទេសដែលសំបូរដោយកេរមរតកបុរាណ ប៉ុន្តែទីតាំងបុរាណទាំងនោះ មិនបានទទួលការថែទាំឱ្យបានល្អទេ នាពេលកន្លងមក ។ ទើបតែពេលនេះស៊ូដង់បានទទួលប្រាក់១៣៥លានដុល្លារជាចំនួនដ៏ច្រើនជាប្រវត្តិសាស្ត្រពីប្រទេសកាតា សម្រាប់អភិវឌ្ឍមរតកវប្បធម៌ទាំងនោះ ។
លោកសូឡាហាដឌីន ម៉ូហាម៉េដ អាម៉េដ អ្នកប្រតិបត្តិគម្រោងបញ្ជាក់ថា ប្រាក់យ៉ាងច្រើនពីប្រទេសកាតានោះ នឹងប្រើប្រាស់ទៅលើគម្រោងការចំនួន២៩ រួមមានការការពារទីតាំងបុរាណ សាងសង់សារមន្ទីរ និងសិក្សាពីភាសាកំណើត «មេរ៉ូអីុទិក» ជាដើម ។ ប្រាក់របស់កាតា នឹងជួយទ្រទ្រង់លើការងារមរតកបុរាណវិទ្យារបស់សូ៊ដង់ក្នុងរយៈពេល៥ឆ្នាំ ។
លោកអាប់ឌូរ៉ូមា៉ន អាលី នាយកសារមន្ទីរជាតិរបស់ស៊ូដង់ បញ្ជាក់ប្រាប់សារព័ត៌មានថា «ប្រាក់១៣៥លានដុល្លារនេះ គឺមានចំនួនច្រើនជាប្រវត្តិសាស្ត្រ សំដៅទ្រទ្រង់ដល់ស៊ូដង់ លើផ្នែកមរតកបុរាណ និងជួយបង្កើតមូលដ្ឋានគ្រឹះដល់ផ្នែកទេសចរណ៍វប្បធម៌» ។ ការជីករុករកទីតាំងបុរាណនៅស៊ូដង់ បានចាប់ផ្តើមកាលពី១០០ឆ្នាំមុន ដោយអ្នកជំនាញអេហ្សុីប និងក្រិក ។ក្រុមអ្នកបុរាណវិទ្យាពីបារាំង ប៉ូឡូញ អាល្លឺម៉ង់ និងប្រទេសផ្សេងទៀត កំពុងបំពេញតួនាទីនៅតាមតំបន់ ផ្សេងៗនៅភាគខាងជើងស៊ូដង់ ហើយពួកគេបានទទួលប្រយោជន៍ពីប្រាក់ឧបត្ថម្ភរបស់កាតា ។
លោកគ្លូដ រីយី ប្រធានក្រុមអ្នកបុរាណវិទ្យាបារាំងដែលកំពុងរុករកពីរា៉មីត Sedeinga បញ្ជាក់ប្រាប់ AFP ថា ប្រាក់របស់កាតានឹងប្រើប្រាស់ទៅលើការការពារទីតាំងបុរាណសំខាន់ផ្សេងៗ បង្កើតសារមន្ទីរ តូចៗក្នុងតំបន់ និងជួសជុលសារមន្ទីរជាតិក្នុងទីក្រុងកាទូម ។ ក្រៅពីនេះ ប្រាក់មួយផ្នែកទៀតប្រើប្រាស់ទៅលើការជីករុករក និងជួសជុលបុរាណស្ថាន ផ្សេងៗ ដែលនៅឆ្ងាយពីព្រំដែនអេហ្សុីប ប្រហែល២០០ម៉ែត្រ ៕
ចែករំលែកព័តមាននេះ