ដោយនាំគ្នាស្រែកពាក្យថា «ប្រគល់សាច់ញាតិយើងឱ្យយើងវិញមក» ពលរដ្ឋចិនប្រមាណជា២០០នាក់ដែលមានកំហឹង ហើយអស់សង្ឃឹមបាននាំគ្នាធ្វើបាតុកម្មកាលពីថ្ងៃទី២៥ មីនា នៅមុខស្ថានទូតម៉ាឡេស៊ីប្រចាំក្រុងប៉េកាំង ។មុននេះពួកគេបានឃើញតាមសារ SMS ថា យន្តហោះប៊ូអុីង ៧៧៧ ដែលសាច់ញាតិពួកគេជិះបានធ្លាក់ក្នុងមហាសមុទ្រឥណ្ឌា ។
ដោយនាំគ្នាស្រែកពាក្យថា «ប្រគល់សាច់ញាតិយើងឱ្យយើងវិញមក» ពលរដ្ឋចិនប្រមាណជា២០០នាក់ដែលមានកំហឹង ហើយអស់សង្ឃឹមបាននាំគ្នាធ្វើបាតុកម្មកាលពីថ្ងៃទី២៥ មីនា នៅមុខស្ថានទូតម៉ាឡេស៊ីប្រចាំក្រុងប៉េកាំង ។មុននេះពួកគេបានឃើញតាមសារ SMS ថា យន្តហោះប៊ូអុីង ៧៧៧ ដែលសាច់ញាតិពួកគេជិះបានធ្លាក់ក្នុងមហាសមុទ្រឥណ្ឌា ។
សាច់ញាតិគ្រួសារជនរងគ្រោះទាំងនេះបានស្នាក់នៅចាប់តាំងពីជាង២សប្តាហ៍មកហើយក្នុងសណ្ឋាគារមួយនៃរដ្ឋធានីចិន ជាកន្លែងរៀបចំការជួបជាទៀងទាត់ជាមួយបណ្តាអ្នកទទួលខុសត្រូវនៃក្រុមហ៊ុនអាកាសចរណ៍ម៉ាឡេស៊ី MALAYSIA AIRLINES ។ ពួកគេបាននាំគ្នាដើរហែក្បួនពីសណ្ឋាគារទៅកាន់ស្ថានទូតម៉ាឡេស៊ី ដែលមានដាក់ពង្រាយប៉ូលិសច្រើនរយនាក់ព័ទ្ធជុំវិញនោះ ចំណែកការធ្វើចរាចរណ៍របស់រថយន្តតាមផ្លូវហែក្បួនត្រូវបញ្ឈប់ ។
ព័ទ្ធជុំវិញដោយមនុស្សឯទៀតៗ បុរសម្នាក់ដែលលើកកណ្តាប់ដៃឡើងលើស្រែកថា «ប្រគល់កូនប្រុសខ្ញុំឱ្យខ្ញុំវិញមក» ។ គាត់ទាមទារជួបបណ្តាមន្ត្រីម៉ាឡេស៊ី ។ បាតុករឯទៀតៗស្រែកថា «រដ្ឋាភិបាលម៉ាឡេស៊ី ជាអ្នកភូតកុហក» ។គ្រួសារចិនទាំងនេះនៅតែជឿជាក់ថា ម៉ាឡេស៊ីលាក់បាំងការពិតចាប់តាំងពីថ្ងៃទី៨ មីនា ជាថ្ងៃយន្តហោះបាត់ដានមក ។ បាតុករមួយចំនួនប៉ុនប៉ងសម្រុកចូលស្ថានទូត ប៉ុន្តែត្រូវប៉ូលិសរុញច្រាន ៕
ចែករំលែកព័តមាននេះ