ពួកអាវក្រហមថៃ ជាអ្នកគាំទ្រនាយករដ្ឋមន្ដ្រីចាំផ្ទះ លោកស្រីយីងឡាក់ ស៊ីណាវ៉ាត្រា ប្រកាសកាលពីយប់ថ្ងៃទី២២ មីនា ថា ពួកគេនឹងបង្កើនចលនាការពារលោកស្រីយីងឡាក់ ។ រដ្ឋាភិបាលចាំផ្ទះថៃ ដែលជួបប្រទះនឹងបាតុកម្មតវ៉ាប្រឆាំងចាប់តាំងពីដើមខែវិច្ឆិកា ឆ្នាំ២០១៣មក កាលពីថ្ងៃទី២១ មីនា កន្លងមកនេះរងការវាយបកមួយទៀតជាមួយការប្រកាសទុកជាមោឃៈដោយតុលាការធម្មនុញ្ញ
ពួកអាវក្រហមថៃ ជាអ្នកគាំទ្រនាយករដ្ឋមន្ដ្រីចាំផ្ទះ លោកស្រីយីងឡាក់ ស៊ីណាវ៉ាត្រា ប្រកាសកាលពីយប់ថ្ងៃទី២២ មីនា ថា ពួកគេនឹងបង្កើនចលនាការពារលោកស្រីយីងឡាក់ ។ រដ្ឋាភិបាលចាំផ្ទះថៃ ដែលជួបប្រទះនឹងបាតុកម្មតវ៉ាប្រឆាំងចាប់តាំងពីដើមខែវិច្ឆិកា ឆ្នាំ២០១៣មក កាលពីថ្ងៃទី២១ មីនា កន្លងមកនេះរងការវាយបកមួយទៀតជាមួយការប្រកាសទុកជាមោឃៈដោយតុលាការធម្មនុញ្ញនូវការបោះឆ្នោតសភាមុនពេលកំណត់ថ្ងៃទី២ កុម្ភៈ ។
ប្រធានគណៈកម្មាធិការបោះឆ្នោតថៃប្រកាសបន្ទាប់ពីនោះថា គេត្រូវការពេលវេលាជាច្រើនខែទៀត មុនអាចរៀបចំការបោះឆ្នោតថ្មី ហើយក្នុងចន្លោះពេលនោះលោកស្រីយីងឡាក់ នឹងស្ថិតនៅជានាយករដ្ឋមន្ដ្រីចាំផ្ទះ ជាមួយអំណាចមានព្រំដែនកំណត់ដដែល ។ ក៏ប៉ុន្ដែពួកអ្នកគាំទ្រលោកស្រីដែលប៉ុនប៉ងមិនចង់រង់ចាំយូរបែបនេះ ប្រកាសថា ពួកគេនឹងធ្វើឱ្យអ្វីដើរលឿនទៅមុខ ។
លោកចាទុពង្ស ប្រុមប៉ាន ប្រធានរណសិរ្សរួបរួមដើម្បីលទ្ធិប្រជាធិបតេយ្យប្រឆាំងលទ្ធិផ្ដាច់ការដែលជាចលនារបស់ពួកអាវក្រហមអំពាវថា ថ្ងៃទី៥ មេសា ខាងមុខនេះសូមបងប្អូនទាំងស្រី ប្រុស រៀបចំខ្លួន ហើយត្រៀមសម្រាប់ការប្រមូលផ្ដុំគ្នាយ៉ាងធំមួយ ។ ការប្រមូលផ្ដុំគ្នានោះអាចធ្វើនៅទីក្រុងបាងកក ឬនៅកន្លែងផ្សេង ដែលយើងនឹងប្រកាសនៅពេលក្រោយ ។ ថ្លែងនៅមុខមនុស្សប្រមាណជា១០.០០០នាក់ដែលប្រមូលផ្ដុំគ្នានៅទីក្រុងប៉ាតាយ៉ា ភាគអាគ្នេយ៍ក្រុងបាងកក មេដឹកនាំពួកអាវក្រហមម្នាក់ទៀតលោក នីស៊ីត ស៊ីនទូប បានប្រកាសព្រមានដល់លោក ស៊ូថេប ធឿកស៊ូបាន មេដឹកនាំប្រឆាំងដែលដឹកនាំការតវ៉ានៅក្រុងបាងកកប្រឆាំងលោកស្រីយីងឡាក់ ចាប់តាំងពីខែវិច្ឆិកាមក ៕
ចែករំលែកព័តមាននេះ