ប្រភពពីបរទេសនាពេលថ្មីៗនេះ បង្ហាញនូវភាពភ្ញាក់ផ្អើល និងកម្រជួបប្រទះមួយ ខណៈលោកតាម្នាក់ឈ្មោះ Zelli Rossi រស់នៅក្នុងទីក្រុង Sao Paolo នៃប្រទេសប្រេស៊ីល មានទម្លាប់ខុសពីអ្នកដទៃ ពោលគឺគាត់ចូលចិត្តគេងក្នុងក្តារមឈូស។ ទម្លាប់របស់លោកតា Zelli Rossi គឺពិតជាគួរឱ្យអស់សំណើចណាស់ ព្រោះមនុស្សទូទៅតែងតែចង់បានគ្រឿងសង្ហារិមប្រណីតៗ និងពូកទន់ល្មើយ
ប្រភពពីបរទេសនាពេលថ្មីៗនេះ បង្ហាញនូវភាពភ្ញាក់ផ្អើល និងកម្រជួបប្រទះមួយ ខណៈលោកតាម្នាក់ឈ្មោះ Zelli Rossi រស់នៅក្នុងទីក្រុង Sao Paolo នៃប្រទេសប្រេស៊ីល មានទម្លាប់ខុសពីអ្នកដទៃ ពោលគឺគាត់ចូលចិត្តគេងក្នុងក្តារមឈូស។ ទម្លាប់របស់លោកតា Zelli Rossi គឺពិតជាគួរឱ្យអស់សំណើចណាស់ ព្រោះមនុស្សទូទៅតែងតែចង់បានគ្រឿងសង្ហារិមប្រណីតៗ និងពូកទន់ល្មើយសម្រាប់គេង តែសម្រាប់គាត់វិញ បែរជាចង់គេងក្នុងក្តារមឈូសដែលជាទីកន្លែងសម្រាប់ដាក់សពទៅវិញ ។ ព័ត៌មាននេះ ពិតជាទទួលបានការចាប់អារម្មណ៍យ៉ាងខ្លាំងពីសំណាក់មហាជន ដោយសារតែលោកតានៅរស់រានមានជីវិតសោះ តែបែរជាចំណាយពេលរាល់យប់ ដើម្បីគេងក្នុងក្តារមឈូសទៅវិញ។
លោកតា Zelli Rossi បាននិយាយប្រាប់អ្នកយកព័ត៌មានថា «គាត់បានចំណាយពេល២៣ឆ្នាំហើយក្នុងការគេងក្នុងក្តារមឈូសនេះ ។ ពេលគាត់បានគេងក្នុងក្តារមឈូសគាត់មានអារម្មណ៍ល្អណាស់ ព្រោះក្តារមឈូសរបស់គាត់មានប្រលោះសម្រាប់ឱ្យខ្យល់ចេញចូល ព្រមទាំងមានក្រាលកម្រាលថែមទៀត ។ ក្តារមឈូសរបស់គាត់មានលក្ខណៈល្អប្រសើរជាងក្តារមឈូសដាក់សព ។ ដូច្នេះវាមិនមែនជាបញ្ហាលំបាកទេ សម្រាប់រូបគាត់ ព្រោះវាជាក្តារមឈូសមែន ប៉ុន្តែគាត់បានឱ្យគេច្នៃខ្លះៗបង្កឱ្យមានលក្ខណៈងាយស្រួលដល់គាត់» ។
លោកតា Zelli Rossi បាននិយាយបន្ថែមទៀតថា «ថ្វីដ្បិតតែគាត់មានទម្លាប់ដេកតែក្នុងក្តារមឈូស ប៉ុន្តែមិនមែនគាត់ចេះតែធ្វើដោយគ្មានហេតុផលឡើយ ។ គាត់បញ្ជាក់ថា ដើមចមដែលគាត់បានស្ម័គ្រចិត្តគេងក្នុងក្តារមឈូសបែបនេះ ដោយសារតែគាត់ចង់រំលឹកដល់វិញ្ញាណក្ខន្ធមិត្តដ៏ល្អរបស់គាត់ម្នាក់ដែលបានស្លាប់កាលពី២៣ឆ្នាំមុនមកេម៉្លះ ។ អាស្រ័យហេតុនេះហើយ ទើបពេលដែលគាត់ចូលគេងក្នុងក្តារមឈូសម្តងៗប្រៀបបានឃើញទិដ្ឋភាព នាពេលដែលមិត្តគាត់ត្រូវគេដាក់តម្កល់ក្នុងក្តារមឈូសអីុចឹង ។ លោកតា Zelli Rossi មានបំណងថា នឹងបន្តគេងនៅក្នុងក្តារមឈូសរហូតដល់ថ្ងៃគាត់ស្លាប់» ៕
ចែករំលែកព័តមាននេះ