ខេត្តបាត់ដំបង ៖ បុរសម្នាក់ត្រូវរថយន្តបុកពីក្រោយស្លាប់ កាលពីវេលាម៉ោង៩និង៣០នាទីយប់ថ្ងៃទី២២ មីនា នៅក្បែរង្វង់មូលហនុមាណ ផ្លូវជាតិលេខ៥ ក្នុងភូមិអណ្ដូងចេញ សង្កាត់អូរចា ក្រុងបាត់ដំបង គ្រាដែលកំពុងជិះម៉ូតូដើម្បីទៅអញ្ជើញសំបុត្រភ្ញៀវមកចូលរួមពិធីខួបកំណើតខ្លួន។
ខេត្តបាត់ដំបង ៖ បុរសម្នាក់ត្រូវរថយន្តបុកពីក្រោយស្លាប់ កាលពីវេលាម៉ោង៩និង៣០នាទីយប់ថ្ងៃទី២២ មីនា នៅក្បែរង្វង់មូលហនុមាណ ផ្លូវជាតិលេខ៥ ក្នុងភូមិអណ្ដូងចេញ សង្កាត់អូរចា ក្រុងបាត់ដំបង គ្រាដែលកំពុងជិះម៉ូតូដើម្បីទៅអញ្ជើញសំបុត្រភ្ញៀវមកចូលរួមពិធីខួបកំណើតខ្លួន។
មន្រ្តីនគរបាលចរាចរនិយាយថា ជនរងគ្រោះឈ្មោះស៊ាន សុណាន ភេទប្រុស អាយុ២៨ឆ្នាំ ជាបុគ្គលិកបំរើការនៅក្នុងភោជនីដ្ធាន«ខេអូ» រស់នៅក្នុងភូមិក្រួស ឃុំអូរតាគី ស្រុកថ្មគោល ជិះម៉ូតូម៉ាកហុងដាឌ្រីមសេ១២៥ ពណ៌ខ្មៅ ពាក់ស្លាកលេខបាត់ដំបង1R-1680 ។ មន្រ្តីដដែលបញ្ជាក់ថា រថយន្តបង្កបានបុកអ្នកជិះម៉ូតូពីក្រោយ ពេលកំពុងធ្វើដំណើរស្របទិសគ្នាពីកើតទៅលិច។ ក្រោយពីបុកមនុស្សស្លាប់រថយន្តបង្កនេះមិនបានឈប់ទេ រឹតតែបន្ថែមល្បឿនបើករត់ តែគេបានស្គាល់ស្លាកលេខរថយន្តនោះហើយ គឺជារថយន្តដឹកទំនិញប្រភេទយីឌុប ពាក់ស្លាកលេខភ្នំពេញ3A-7355។ រថយន្តនេះបានបន្តដំណើរតាមផ្លូវជាតិលេខ៥ឆ្ពោះទៅទិសខាងលិច ក្រោយពីបង្កគ្រោះថ្នាក់។
តាមការបំភ្លឺពីសាក្សីថា គេបានផ្ដល់ព័ត៏មាននេះភ្លាមៗទៅឲ្យសមត្ថកិច្ចស្រុកថ្មគោលជួយអន្តរាគមន៏ ព្រោះរថយន្តឆ្ពោះចូលទៅកាន់ទឹកដីស្រុកថ្មគោល ប៉ុន្តែគ្មានលទ្ធផលទេ រហូតមកដល់ពេលនេះ។ គេមិនដឹងថា តើសមត្ថកិច្ចស្រុកនេះបានចេញជួយអន្តរាគមន៏ដែរឬយ៉ាងណានោះទេ ក្រោយទទួលបានព័ត៏មាននេះ ព្រោះបើតាមល្បឿនរថយន្តយក្សនេះមិនអាចបើករត់រួចទេ។
ទោះជាយ៉ាងណាមន្រ្តីការិយាល័យចរាចរណ៏ខេត្តបានត្រឹមនាំយកម៉ូតូជនរងគ្រោះទៅរក្សាទុកតែប៉ុណ្ណោះ រីឯរថយន្តគេមិនទាន់ដឹងថា មានតម្រុយហើយឬយ៉ាងណានោះទេ៕
ចែករំលែកព័តមាននេះ