របួសធ្វើស៊ី ធ្វើឱ្យ Messi ដេកមើល Barcelona ប្រកួត
តាមប្រភពព័ត៌មាន The Sun បានឱ្យដឹងថា កីឡាករជើងខ្លាំង Lionel Messi មិនមានឈ្មោះក្នុងការប្រកួតជាមួយនឹង Valencia ទេ…
តាមប្រភពព័ត៌មាន The Sun បានឱ្យដឹងថា កីឡាករជើងខ្លាំង Lionel Messi មិនមានឈ្មោះក្នុងការប្រកួតជាមួយនឹង Valencia ទេ…
តាមប្រភពព័ត៌មាន The Sun បានឱ្យដឹងថា កីឡាករជើងខ្លាំង Lionel Messi មិនមានឈ្មោះក្នុងការប្រកួតជាមួយនឹង Valencia ទេ ហើយអាចនឹងមិនបានប្រកួតបើកឆាក Champions League ទៀតផង ព្រោះតែរបួសទាមទារពេលយូរក្នុងការជាសះស្បើយ ជាងការរំពឹងទុក។
កីឡាករអាយុ៣២ឆ្នាំ មិនទាន់បានចូលប្រកួតវិញដោយសារតែ គេត្រូវសម្រាកព្យាបាលរបួសកំភួនជើង ដែលបង្កឡើងនៅពេលមុនចូលរដូវកាលថ្មី ។ Barcelona កំពុងតែព្យាយាមយ៉ាងលំបាកពេលដែលគ្មានវត្តមានរបស់ Messi នៅក្នុងការប្រកួត ដែលទើបតែឈ្នះមួយប្រកួត ក្នុងចំណោមការប្រកួតទាំងប្រាំបី ដែល Messi មិនបានចូលលេង ។ គេទើបតែបានបួនពិន្ទុប៉ុណ្ណោះ សម្រាប់ការប្រកួតបើកឆាកបីប្រកួត។
គ្រូបង្វឹក Ernesto Valverde បានបង្ហើបថា ម្ចាស់ពាន Ballon d’Or ទាំងប្រាំលើក អាចនឹងចូលប្រកួតវិញក្រោយពេលសម្រាកការប្រកួតជម្រើសជាតិ។ តែ Messi ត្រូវហ្វឹកហាត់ដាច់ពីមិត្តរួមក្រុម កាលពីថ្ងៃអង្គារនិងថ្ងៃពុធ ដើម្បីឱ្យរបួសឆាប់ជា។
សារព័ត៌មាន AS បានអះអាងថា ខ្សែប្រយុទ្ធរូបនេះអាចនឹងត្រូវសម្រាកព្យាបាលរបួសយូរជាងការរំពឹងទុក ដែលពេលនេះគឺមិនមានឈ្មោះក្នុងការប្រកួតតទល់នឹង Valencia ទេ។ នេះក៏ព្រោះតែលោក Valverde មិនចង់យក Messi ទៅប្រថុយឡើយ។
គួរបញ្ជាក់ផងដែរថា នេះអាចជារដូវកាលចុងក្រោយរបស់ Messi នៅ Barcelona ដោយសារតែក្នុងកុងត្រាបានចុះថា គេអាចចាកចេញនៅរដូវកាលនេះដោយគ្មានបញ្ហាអ្វីទាំងអស់៕
ប្រភព ៖ thesun , កែសម្រួលដោយ ៖ សំណាង
ចែករំលែកព័តមាននេះ