ភាពសប្បាយរីករាយនៃការរួមភេទច្រើនតែគេមិនសូវចង់បានឡើយនៅពេលដែលដៃគូទាំងពីរ ឬប្តីប្រពន្ធកំពុងតែព្យាយាមយកកូន។ ប៉ុន្តែបើសិនជាការរួមភេទក្លាយទៅជារឿងមួយមានក៏បានអត់ក៏បាននោះ អ្នកប្រហែលជាត្រូវគិតរឿងនេះឡើងវិញហើយដើម្បីផ្តល់ភាពស្រស់បំព្រងដល់ជីវិតរស់នៅ។ ខាងក្រោមនេះគឺជាគន្លឹះខ្លះៗដែលអ្នកអាចធ្វើបានដើម្បីប្រាកដថា អ្នកទទួលបាននូវការរួមភេទដែលពោរពេញដោយភាពពុះកញ្ជ្រោលខណៈពេលកំពុងតេព្យាយាមឲ្យមានផ្ទៃពោះ។
១-ចំណាយពេលបរបោសអង្អែលឲ្យបានយូរ ៖ នៅពេលអ្នកកំពុងតែព្យាយាមយកកូន អ្វីដែលផ្តោតសំខាន់ជាញឹកញាប់នោះគឺការឈានដល់ចំណុចកំពូលរបស់បុរស ព្រោះខាងស្រីមិនត្រូវការឈានដល់ចំណុចកំពូលឡើងក្នុងការមានផ្ទៃពោះ។ ដូច្នេះដើម្បីដុតភ្លើងកាន់តែខ្លាំង ចូរចំណាយពេលវេលាឲ្យបានច្រើនលើការបរបោសអង្អែល ហើយអ្នកក៏នឹងទទួលបានចំណុចកំពូលកាន់តែលឿនដែរ។
២-ប្រើទឹករំអិល ៖ ស្ត្រេសអាចធ្វើឲ្យទ្វារមាសស្ងួត និងបណ្តាលឲ្យមិនមានផាសុកភាពឡើយក្នុងពេលរួមភេទ។ ដើម្បីឲ្យសិចកកាន់តែមានផាសុកភាព អ្នកអាចជ្រើសរើសការប្រើទឹករំអិលបាន។
៣-ហាត់ក្បាច់យូហ្គា ៖ រឿងនេះបើស្តាប់ទៅទំនងជាគួរឲ្យធុញមែន ប៉ុន្តែក្បាច់យូហ្គាអាចជួយបង្កើនចំណង់ផ្លូវភេទ។ ដោយយោងទៅតាមអ្នកជំនាញយូហ្គាបានឲ្យដឹងថា កីឡាមួយនេះនឹងជួយរាងកាយដើម្បីសម្រួលដល់ជីវិតផ្លូវភេទកាន់តែសុខស្រួល។
៤-ញ៉ាំអាហារពេលយប់តិចៗ ៖ អ្វីដែលអ្នកញ៉ាំនឹងធ្វើដំណើរជាមួយគ្នាដើម្បីរក្សាថាមពលក្នុងខ្លួន និងចំណាប់អារម្មណ៍នៅលើគ្រែ។ ដូច្នេះ យកល្អអ្នកគួរតែជ្រើសរើសអាហារណាដែលជួយផ្តល់ភាពស្រើបស្រាលខាងផ្លូវភេទផង។ បើសិនជាអ្នកដឹងថា ត្រូវការចូលសមរភូមិលើគ្រែហើយ ចូរធ្វើយ៉ាងណាចៀសវាងការញ៉ាំអាហារច្រើនៗ។ ចូរញ៉ាំចេកមួយផ្លែ ឬផ្លែប័រមួយដុំអីទៅបានហើយ (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ