ខេត្តកំពត ៖ បុរសម្នាក់ដែលគេអះអាងថា ជាអ្នកយកព័ត៌មាន«ថ្ងៃស្អែក» ត្រូវបាននគរបាលស្រុកកំពង់ ត្រាចឃាត់ខ្លួន កាលពីវេលាម៉ោង០៥ល្ងាចថ្ងៃទី០៥ កញ្ញា នៅក្នុងបរិវេនអធិការដ្ឋាននគរបាលស្រុកកំពង់ ត្រាច…
ខេត្តកំពត ៖ បុរសម្នាក់ដែលគេអះអាងថា ជាអ្នកយកព័ត៌មាន«ថ្ងៃស្អែក» ត្រូវបាននគរបាលស្រុកកំពង់ ត្រាចឃាត់ខ្លួន កាលពីវេលាម៉ោង០៥ល្ងាចថ្ងៃទី០៥ កញ្ញា នៅក្នុងបរិវេនអធិការដ្ឋាននគរបាលស្រុកកំពង់ ត្រាច ខេត្តកំពត ។
សេចក្តីរាយការណ៍បន្តថា អ្នកកាសែតដែលត្រូវឃាត់ខ្លួននេះ ឈ្មោះយង់ វាសនា អាយុ៣១ឆាំ្ន រស់នៅភូមិចម្ការចេក ឃុំពងទឹក ស្រុកដំណាក់ចង្អើរ ខេត្តកែប ។ លោកវរសេនីយ៍ទោ សេង សុគន្ធ ចាត់អធិការនគរបាល ស្រុកកំពង់ត្រាចបានប្រាប់ឱ្យដឹងថា ពាក់ពន្ធ័ការឃាត់ខ្លួនអ្នកការសែតម្នាក់នេះ គឺនគរបាលកំពុងតែបំពេញភារកិច្ចរបស់ខ្លួនរឿងអ្នកបើករថយន្តពីរគ្រឿង បានប្រើហិង្សាដាក់គ្នាទៅវិញទៅមក នៅលើកំណាត់ផ្លូវជាតិលេខ33 ត្រង់ចំណុចមុខរោងចក្រពូចិន ក្នុងភូមិកណ្ដាលទួល ឃុំកំពង់ត្រាច ខាងលិចស្រុកកំពង់ត្រាច កាលពីវេលាម៉ោង3រសៀលថ្ងៃទី5 កញ្ញា។
លោកវរសេនីយ៍ទោប្រាប់បន្តថា បន្ទាប់ពីកើតហេតុ នគរបាលចុះទៅដល់កន្លែងអ្នកបើកបររថយន្ត២គ្រឿងវាយតប់គ្នារឿងបើកបរប្រជែងនៅលើដងផ្លូវ ហើយបានហៅពួកគេជាអ្នកបង្កទាំងសងខាងទៅសួរនាំនៅអធិការដ្ឋាន ស្រាប់តែឈ្មោះផែន វាសនា អ្នកយកព័ត៌មានឱ្យកាសែត «ថ្ងៃស្អែក» ទៅថតនគរ បាលកំពុងសួរនាំជនទាំងសងខាង ។
ប៉ុន្តែអ្នកកាសែតរូបនោះ បានជេរដៀលប្រមាថនគរបាល ហើយថែមទាំងយកឈ្មោះថ្នាក់ដឹកនាំខាងក្រសួងព័ត៌មានមកអួតអាង មិនព្រមស្ដាប់ការសំណូមពររបស់នគរបាលទេ ទើបមានការឃាត់ខ្លួនបញ្ជូនទៅកាន់ស្នងការដ្ឋានខេត្ត ទាំងអ្នកបើកបររថយន្តទាំងសងខាងទាំងអ្នកកាសែត ។ (សម្រួលដោយ៖ ស្រីណា)
ចែករំលែកព័តមាននេះ