ប្រទេសរុស្ស៊ី-សហរដ្ឋអាមេរិក ៖ នៅខាងក្រៅវេទិកាសេដ្ឋកិច្ចបូព៌ា ដែលប្រព្រឹត្តទៅពីថ្ងៃទី៤ដល់ទី៦ កញ្ញា នៅទីក្រុងវ្ល៉ាឌីវ៉ូស្តុក ប្រធានាធិបតីរុស្ស៊ីលោកវ្ល៉ាឌីមៀរពូទីនថ្លែងថា ពិតមែនហើយខ្ញុំបាននិយាយទៅកាន់លោកដូណាល់ត្រាំថា ប្រសិនបើលោកចង់ យើងអាចលក់ឲ្យលោក អាវុធថ្មីៗរបស់រុស្ស៊ី ក្នុងនោះរួមទាំងបណ្ដាប្រព័ន្ធមីស៊ីលលឿនជាងសំឡេងផង។
លោកពូទីនអះអាងថា ដើម្បីគោរពបណ្ដាកិច្ចព្រមព្រៀងទៅវិញទៅមកជាមួយសហរដ្ឋអាមេរិក លោកស្នើដល់លោកត្រាំឲ្យទិញបណ្ដាប្រព័ន្ធមីស៊ីលលឿនជាងសំឡេងរុស្ស៊ី។ លោកថាបែបនេះអាចនាំឲ្យមានតុល្យភាពភ្លាមៗ។ ប៉ុន្តែលោកត្រាំបានឆ្លើយតបថា អាមេរិកនឹងផលិតក្នុងពេលឆាប់ៗអាវុធប្រភេទទាំងនោះដោយខ្លួនឯង។
លោកពូទីនក៏ឲ្យដឹងផងដែរថា ក្រុងមូស្គូត្រៀមចរចាជាមួយក្រុងវ៉ាស៊ិនតោនពីរឿងអាវុធលឿនជាងសំឡេងរុស្សុី ក្នុងក្របខណ្ឌនៃការចរចាស្ដីពីសន្ធិសញ្ញាNEW START នៃការកាត់បន្ថយអាវុធយុទ្ធសាស្ត្រ។ លោកពូទីនក៏លើកដែរពីការសាកល្បងនានា របស់សហរដ្ឋអាមេរិកបណ្ដាប្រព័ន្ធមីស៊ីល ដែលរំលោភបំពានសន្ធិសញ្ញាINF។
ប៉ុន្តែលោកថាតាំងពីយូរមកហើយ ក្រុងវ៉ាស៊ិនតោនសាកល្បងបញ្ចុះបញ្ចូលរុស្ស៊ីថា ពុំមែនបែបនោះទេតែការវាយតមៃ្លរបស់ក្រុងមូស្គូ ក្រោយមកត្រូវបានអះអាង។ នោះជាការសាកល្បងរបស់អាមេរិកប្រព័ន្ធមីស៊ីលMARK 41ដែលអាចប្រើប្រាស់បាន២បែប៕ (កែសម្រួលដោយ ៖ បុប្ផា)
ចែករំលែកព័តមាននេះ