ខេត្តកំពត ៖ តាមប្រភពព័ត៌មានបានឱ្យដឹងថា កាលពីថ្ងៃទី05 ខែកញ្ញា ឆ្នាំ2019 វេលាម៉ោង 02និង10នាទី មានករណីប្រើហិង្សាដោយចេតនានៅលើផ្លូវជាតិលេខ33 នៅមុខរោងចក្រ(ពូចិន) ស្ថិតនៅភូមិកណ្តាលទួល ឃុំកំពង់ត្រាចខាងលិច ស្រុកកំពង់ត្រាច ។
ក្រុមជនសង្ស័យមានគ្នា4នាក់ទី1-ឈ្មោះ សេង រតនា ភេទប្រុស អាយុ33ឆ្នាំ, ទី2-ឈ្មោះ ស សុភារៈ ភេទប្រុស អាយុ26ឆ្នាំ, ទី3-ឈ្មោះ លឹម លីហេង ភេទប្រុស អាយុ18ឆ្នាំ និងទី4-ឈ្មោះ នួន រដ្ឋា ភេទប្រុស អាយុ25ឆ្នាំ អ្នកទាំង4នេះមានទីលំនៅភូមិស្វាយមីង ឃុំបាគូរ ស្រុកកណ្តាលស្ទឹង ខេត្តកណ្តាល ជិះរថយន្តរួមគ្នា1គ្រឿងបាឡែន ។ ចំណែកជនរងគ្រោះឈ្មោះ ផែន ថាំ ភេទប្រុស អាយុ 24 ឆ្នាំនៅភូមិដើមចារ ឃុំកំពង់ត្រាចខាងលិច ស្រុកកំពង់ត្រាច របួសស្រាលពកថ្ងាស និងបែកក្បាំងជ័រលើទ្វាររថយន្តបន្តិច ជាអ្នកបើកបររថយន្តរត់តាក់ស៊ីតូរីស។
តាមប្រភពបានឱ្យដឹងទៀតថា ករណីខាងលើកើតឡើងដោយសារភាគីទាំង2បានបើករថយន្តមកពីទិសខាងកើតទៅទិសខាងលិចលើផ្លូវជាតិស្របទិសគ្នា ដោយសារវ៉ាជែងគ្នា2លើក ឈ្មោះ ផែន ថាំ ក៏បានបើកទន្ទឹមឡានក្រុម៤នាក់ រួចឈ្មោះ ផែន ថាំ បានស្រែកជេរស្តីឱ្យក្រុម៤នាក់ក៏បើករហូតដល់ចំណុចកន្លែងកើតហេតុ ឡានក្រុមទាំង2ភាគីឈប់ដូចគ្នាក៏បានឈ្លោះគ្នា ពេលនោះក៏បានស្ទុះទៅប្រើហិង្សាដាក់គ្នាដោយប្រតប់ប្រតាយគ្នាតែម្តង ។
ក្រោយកើតហេតុសមត្ថកិច្ចក៏បានទៅដល់កន្លែងកើតហេតុនាំភាគីទាំងសងខាងទៅកាន់អធិការដ្ឋាន ចំពោះឈ្មោះ ផែង ថាំ បានធ្វើតេស្តទឹកនោមទៅមានសារធាតុគ្រឿងញៀន ហើយបានឆ្លើយថា ពិតបានប្រើប្រាស់គ្រឿងញៀនមែន និងធ្លាប់ជាប់គុកអស់រយៈពេល1ឆ្នាំទៀតផង រីឯក្រុម4នាក់ក៏បានធ្វើតេស្តទឹកនោមដែរតែមិនមានទេ ។
នៅពេលសមត្ថកិច្ចកំពុងបំពេញសុំណំរឿងក៏មានឈ្មោះ យុង វាសនា
ភេទប្រុស អាយុ31ឆ្នាំ
មានទីលំនៅភូមិចំការបី ឃុំពងទឹក ស្រុកដំណាក់ចង្អើរ ខេត្តកែប អះអាងថា ជាអ្នកកាសែត
គេហទំព័រថ្ងៃស្អែក បានមកបង្កការអុកឡុកនៅអធិការដ្ឋានគោលបំណងរករំដោះជនសង្ស័យដែលសមត្ថកិច្ចបានឃាត់ជេរប្រមាថនគរបាលស្រុកកំពង់ត្រាចសុទ្ធតែអាថោកទាប
អាមិនដឹងខ្យល់…អធិការកំពង់ត្រាចក៏បានឃាត់ជនរូបនេះថែមទៀត ៕
កែសម្រួលដោយ ៖ សំណាង
ចែករំលែកព័តមាននេះ