ក្រសួងការពារប្រទេសរុស្សុីប្រកាសកាលពីថ្ងៃទី១៣ មីនា ថា ក្រុងមូស្គូបានដាក់ពង្រាយយន្ដហោះប្រយុទ្ធធុន SU-27 ចំនួន៦គ្រឿង និងយន្ដហោះដឹកជញ្ជូនយោធា៣គ្រឿងនៅប្រទេសបេឡារុស ក្នុងអ្វីដែលគេចាត់ទុកថា ជាប្រតិកម្មមួយចំពោះសកម្មភាពកាន់តែច្រើនឡើងរបស់អូតង់នៅជិតព្រំដែនបេឡារុស ។
ក្រសួងការពារប្រទេសរុស្សុីប្រកាសកាលពីថ្ងៃទី១៣ មីនា ថា ក្រុងមូស្គូបានដាក់ពង្រាយយន្ដហោះប្រយុទ្ធធុន SU-27 ចំនួន៦គ្រឿង និងយន្ដហោះដឹកជញ្ជូនយោធា៣គ្រឿងនៅប្រទេសបេឡារុស ក្នុងអ្វីដែលគេចាត់ទុកថា ជាប្រតិកម្មមួយចំពោះសកម្មភាពកាន់តែច្រើនឡើងរបស់អូតង់នៅជិតព្រំដែនបេឡារុស ។
អ្នកនាំពាក្យម្នាក់នៃក្រសួងការពារប្រទេសរុស្សុីគូសបញ្ជាក់ថា បណ្ដាក្រុមអាកាសយានិកនៃយន្ដហោះរុស្សុីទាំងនោះនឹងបំពេញបេសកកម្មប្រយុទ្ធជាមួយបណ្ដាសហសេវិកបេឡារុសដើម្បីធ្វើការស៊ើបការណ៍តាមអាកាស និងដើម្បីធានាដល់កិច្ចការពារដែនអាកាសរួមរុស្សុី-បេឡារុស។ បុគ្គលិកបច្ចេកទេសយោធាមួយក្រុមនៃយោធភូមិភាគខាងលិចរបស់រុស្សុីបានទៅដល់ព្រលានយន្ដហោះ BOBRUISK តំបន់ម៉ូហ្សុីលីយ៉ូវ ប្រទេសបេឡារុសរួចហើយ ។ នេះជាការផ្ដួចផ្ដើមគំនិតមួយដែលស្របតាមកិច្ចព្រមព្រៀងមួយចុះហត្ថលេខាដោយប្រទេសទាំង២ ស្ដីពីកិច្ចការពាររួមរុស្សុី-បេឡារុស ។
ក្រសួងការពារប្រទេសបេឡារុសនិយាយថា ក្នុងករណីមានការប្រមូលផ្ដុំកងទ័ពក្នុងបណ្ដារដ្ឋជិតខាង បេឡារុសនឹងត្រូវមានវិធានការសមស្របនានាតបវិញ ។ ប្រធានាធិបតីបេឡារុសលោក អាឡិចសាន់ដ្រ៍លូកាឆេនកូ កាលពីថ្ងៃទី១២ មីនា បានស្នើឱ្យរុស្សុីដាក់ពង្រាយយន្ដហោះចម្បាំងដល់ទៅ១៥គ្រឿងក្នុងប្រទេសរបស់លោកជាការឆ្លើយតបចំពោះសកម្មភាពកាន់តែច្រើនរបស់អូតង់ជិតព្រំដែនបេឡារុស ៕
ចែករំលែកព័តមាននេះ