រាជធានីភ្នំពេញ ៖ លោកឧត្តមសេនីយ៍យោធាម្នាក់ ត្រូវបុគ្គលិកក្រុមហ៊ុនមួយវាយជាច្រើនដៃ ខណៈលោកជិះម៉ូតូទៅកាន់កន្លែងធ្វើការ ដែលហេតុការណ៍នេះ បានកើតឡើងកាលពីវេលាម៉ោងជិត៩ព្រឹកថ្ងៃទី១៤ មីនា ២០១៤ នេះ ស្ថិតនៅចំណុចម្តុំកា្តន់២ បណ្តោយមហាវិថីសហព័ន្ធរុស្សី សង្កាត់មិត្តភាព ខណ្ឌ៧មករា រាជធានីភ្នំពេញ ។
រាជធានីភ្នំពេញ ៖ លោកឧត្តមសេនីយ៍យោធាម្នាក់ ត្រូវបុគ្គលិកក្រុមហ៊ុនមួយវាយជាច្រើនដៃ ខណៈលោកជិះម៉ូតូទៅកាន់កន្លែងធ្វើការ ដែលហេតុការណ៍នេះ បានកើតឡើងកាលពីវេលាម៉ោងជិត៩ព្រឹកថ្ងៃទី១៤ មីនា ២០១៤ នេះ ស្ថិតនៅចំណុចម្តុំកា្តន់២ បណ្តោយមហាវិថីសហព័ន្ធរុស្សី សង្កាត់មិត្តភាព ខណ្ឌ៧មករា រាជធានីភ្នំពេញ ។
លោកឧត្តមសេនីយ៍ដែលគេវាយនោះ មានឈ្មោះងឺ វណ្ណឌឹម ភេទប្រុស អាយុ៦៤ឆ្នាំ បម្រើការនៅអង្គភាពទំនាក់ទំនងអន្តរជាតិក្រសួងការពារជាតិ និងជនបង្កឈ្មោះចាង ធៀងហេង ភេទប្រុស អាយុ២៦ឆ្នាំ ជាបុគ្គលិកក្រុមហ៊ុនវិស័យកសិកម្ម មានទីលំក្នុងសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។
ទាំងលោកឧត្តមសេនីយ៍ ទាំងជនបង្កត្រូវបានសមត្ថកិច្ចកងរាជអវុធហត្ថខណ្ឌ៧មករា ឃាត់ខ្លួនសាកសួរ និងកំពុងរៀបចំបញ្ជួនទៅ កាន់ទីបញ្ជាការកងរាជអាវុធហត្ថរាជធានីភ្នំពេញ ដើម្បីចាត់ការតាមផ្លូវច្បាប់ ។ ទាក់ទិនករណីខាងលើនេះ ត្រូវបានគេដឹងថា កាលពីវេលាម៉ោងជាង៨ព្រឹកថ្ងៃទី១៤ មីនា ២០១៤ លោកឧត្តមសេនីយ៍យោធាបានជិះម៉ូតូឌ្រីម សង់២០១៣ ទៅកាន់កន្លែងធ្វើការ ក្នុងសំលៀកបំពាក់ឯកសណ្ឋានប៉ារ៉ា និងពាក់មួកការពារសុវត្ថិភាព ។ លុះទៅដល់ក្តាន់២ ក៏មានរថយន្ត ម៉ាក SANTAFE ហ៊ីយ៉ាន់ដាយពណ៍ខ្មៅ ពាក់ស្លាកលេខភ្នំពេញ ២គុយ ៦០០៩ បើកបរដោយបុរសម្នាក់ និងប្រពន្ធម្នាក់ជិះជាមួយផង ។
សាក្សីឃើញហេតុការបានដឹងថា ដំបូងលោកឧត្តមសេនីយ៍ទោយោធាគាត់ជិះម៉ូតូពីមុខរថយន្តបុរសនោះ ហើយម្ចាស់រថយន្តបានស៊ីផ្លេជាសញ្ញាឱ្យគេចចេញប្រហែលជាខាងរថយន្តមានការប្រញ៉ាប់ ។ ពេលរថយន្តស៊ីផ្លេ លោកឧត្តមសេនីយ៍ ក៏អែបដែរ តែពេលអែបម៉ូតូទៅផ្លូវម្ខាងទៀត ទំនងចង្អៀតលោក ក៏ចូលមុខរថយន្តវិញ ។ អ្នកបើកបររថយន្តឃើញដូច្នេះ បានចុចកញ្ចក់ស្តីឱ្យអ្នកជិះម៉ូតូដែលគេមើលទៅ ទំនងជាអ្នករត់ម៉ូតូឌុប មិនដឹងថា ជាឧត្តមសេនីយ៍សោះ ។
ពេលអ្នកបើកបរស្តីឱ្យ លោកឧត្តមសេនីយ៍បានឈប់ពីមុខរថយន្ត រួចយកដៃទះក្បាលរថយន្តឱ្យអ្នកបើកចុះមកនិយាយគ្នា ពេលនោះប្រពន្ធបានទាញដៃប្តីមិនឱ្យចុះ ហើយលោកឧត្តមសេនីយ៍ក៏បើកម៉ូតូទៅមុខទៀត ។ ពេលទៅមុខបន្តិច ស្រាប់តែបុរសអ្នកបើករថ យន្តទៅកៀឱ្យឈប់ លោកឧត្តមសេនីយ៍ក៏ឈប់ដែរ ព្រោះខ្លាចដួល ពេលនោះអ្នកបើកចុះពីរថយន្ត ចំពេលលោកឧត្តមសេនីយ៍ដោះមួកការពារសុវត្ថិភាពចេញពីក្បាល ត្រូវបានអ្នកបើកបរប្រើកណ្តាប់វាយ៤ ទៅ៥ដៃចំកណ្តាលមុខហើមពោរទាំងព្រឹក ។
ហេតុការណ៍នេះ បានធ្វើឱ្យមានការភ្ញាក់ផ្អើលដល់អ្នកដំណើតាមដងផ្លូវចោមរោមមើល ពេលនោះត្រូវបានសមត្ថកិច្ចកងរាជអាវុធខណ្ឌ៧មករា នាំគូភាគីទាំង២ទៅទីបញ្ចាការ ដើម្បីធ្វើការដោះដ្រាយ តែរឿងនេះលោកឧត្តមសេនីយ៍ទោមិនសុខចិត្ត និងបានឱ្យសមត្ថកិច្ចកងរាជអាវុធហត្ថ ចាត់ការតាមផ្លូវច្បាប់ ។
ចែករំលែកព័តមាននេះ