នាំអំណោយលោក ជួន ណារិន្ទ ឧបត្ថម្ភដល់កម្លាំងនគរបាលការពារព្រំដែននិងជនភៀសសឹកនៅស្រុកវាលវែង
- ពោធិ៍សាត់
ខេត្តពោធិ៍សាត់ ៖ នៅព្រឹកថ្ងៃទី១៨ ខែធ្នូ ឆ្នាំ២០២៥ លោកឧត្តមសេនីយ៍ទោ ស ថេង ស្នងការនគរបាលខេត្ត បានទទួលអំណោយគ្រឿងឧបភោគបរិភោគ…
ខេត្តពោធិ៍សាត់ ៖ នៅព្រឹកថ្ងៃទី១៨ ខែធ្នូ ឆ្នាំ២០២៥ លោកឧត្តមសេនីយ៍ទោ ស ថេង ស្នងការនគរបាលខេត្ត បានទទួលអំណោយគ្រឿងឧបភោគបរិភោគ ពីឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការរាជធានីភ្នំពេញ ដើម្បីចែកជូនជនភៀសសឹក និងកងកម្លាំងនគរបាលដែលកំពុងឈរជើងការពារបូរណភាពទឹកដីនៅតាមខ្សែបន្ទាត់ព្រំដែន។
អំណោយដែលស្នងការដ្ឋាននគរបាលខេត្តពោធិ៍សាត់ទទួលបានរួមមាន មីចំរុះ ចំនួន៣០០កេស ទឹកក្រូច ១០០កេស ទឹកសុទ្ធ ១០០កេស អំបុកចំនួន ៣កេស និង៥០យួរ ម៉ាសចំនួន៣កេស ពងទាចំនួន៤៥០គ្រាប់ នំធុង (៩០០) ចំនួន១០ធុង បារីចំនួន២កេស និងថវិកាចំនួន១០លានរៀល ។
លោកឧត្តមសេនីយ៍ទោ ស ថេង បានមានប្រសាសន៍ថា អំណោយដែលទទួលបានពី ឯកឧត្តម អគ្គស្នងការរង គឺតំណាងឱ្យទឹកចិត្ត និងការយកចិត្តទុកដាក់ខ្ពស់ ចំពោះសុខទុក្ខរបស់បងប្អូនប្រជាពលរដ្ឋ ជាពិសេសជនភៀសសឹក ដែលរងផលប៉ះពាល់ និងចំពោះវីរភាពរបស់កងកម្លាំងនគរបាលការពារព្រំដែន ដែលបានលះបង់កម្លាំងកាយចិត្ត ប្រឈមនឹងគ្រប់ឧបសគ្គ ដើម្បីរក្សាសន្តិសុខ សណ្តាប់ធ្នាប់សាធារណៈ និងជាតិមាតុភូមិ៕
ចែករំលែកព័តមាននេះ