រាជធានីភ្នំពេញ ៖ ជនជាតិវៀតណាមម្នាក់ត្រូវគេសង្ស័យថា ត្រូវជនជាតិវៀតណាមដូចគ្នាវាយសម្លាប់ដោយជម្លោះក្នុងវង់ផឹកស៊ី កាលពីពាក់កណ្តាលអធ្រាត្រថ្ងៃទី១៣ មីនា ២០១៤ ហើយព្រឹកឡើងថ្ងៃទី១៤ មីនា ត្រូវអ្នកភូមិប្រទះឃើញដេកស្លាប់យ៉ាងអាណោចអាធ័មនៅក្បែរខ្ទមស្រះចិញ្ចឹមត្រីមួយកន្លែង ស្ថិតក្នុងភូមិសំរោងខាងត្បូងសង្កាត់សំរោង ខណ្ឌសែនសុខ ។
រាជធានីភ្នំពេញ ៖ ជនជាតិវៀតណាមម្នាក់ត្រូវគេសង្ស័យថា ត្រូវជនជាតិវៀតណាមដូចគ្នាវាយសម្លាប់ដោយជម្លោះក្នុងវង់ផឹកស៊ី កាលពីពាក់កណ្តាលអធ្រាត្រថ្ងៃទី១៣ មីនា ២០១៤ ហើយព្រឹកឡើងថ្ងៃទី១៤ មីនា ត្រូវអ្នកភូមិប្រទះឃើញដេកស្លាប់យ៉ាងអាណោចអាធ័មនៅក្បែរខ្ទមស្រះចិញ្ចឹមត្រីមួយកន្លែង ស្ថិតក្នុងភូមិសំរោងខាងត្បូងសង្កាត់សំរោង ខណ្ឌសែនសុខ ។
ជនជាតិវៀតណាមស្លាប់ខាងលើឈ្មោះផាម យ៉ាំងប៉ាវ អាយុ៥០ឆ្នាំ ជាអ្នកដេរអួន និងជាកម្មករមើលចិញ្ចឹមត្រីនៅបែរខាងលើ និងមានទីលំនៅភូមិ-សង្កាត់ស្វាយប៉ាយ ខណ្ឌប្ញស្សីកែវ ។
ចំពោះការស្លាប់ជនជាតិវៀតណាម សមត្ថកិច្ចមូលដ្ឋានមិនទាន់សន្និដ្ឋានពីមូលហេតុពិតប្រាកដនៅឡើយទេ ប៉ុន្តែប៉ូលិសបច្ចេកទេសចុះទៅពិនិត្យសាកសពឃើញជនរងគ្រោះមានស្នាមវាយដំដោយវត្ថុរឹង និងស្នាមឈាមហើមពេញផ្ទៃមុខ។
ទាក់ទិនការស្លាប់នេះ អ្នកភូមិនៅកន្លែងកើតហេតុបានឱ្យដឹងថា កាលពីវេលាម៉ោង៩ និង៣០នាទីយប់ ថ្ងៃទី១៣ មីនា ២០១៤ គេបានឃើញជនរងគ្រោះអង្គុយផឹកស៊ីជាមួយមិត្តភក្តិ៣ទៅ៤នាក់ទៀតដែលជាជនជាតិវៀតណាមដូចគ្នា។ មួយសន្ទុះក្រោយមកស្រាប់តែគេឮសំឡេងជជែកគ្នាខ្លាំងៗ តែគេមិនដឹងថា ការជជែកគ្នានេះកើតឡើងដោយសាររឿងអ្វីនោះទេ ហើយដោយអ្នកជិតខាងនឹកស្មានថា ពួកគេស្រវឹងជជែកគ្នាខ្លាំងក៏នាំគ្នាដេកអស់ទៅ លុះព្រឹកឡើងស្រាប់តែឃើញជនរងគ្រោះដេកស្លាប់នៅកន្លែងកើតហេតុតែម្តង។
ហេតុការណ៍នេះត្រូវគេសង្ស័យថា ជនរងគ្រោះស្លាប់ដោយសារមិត្តភក្តិវាយសម្លាប់ ក្រោយពេលមានទំនាស់នឹងគ្នា ហើយមកដល់ពេលនេះមិត្តភក្តិ៣ទៅ៤នាក់ដែលផឹកស៊ីជាមួយជនរងគ្រោះបានគេចខ្លួនបាត់អស់ហើយ៕
ចែករំលែកព័តមាននេះ