យោងតាមគេហទំព័របរទេសចេញផ្សាយកាលពីថ្ងៃទី១២ មីនា ឱ្យដឹងថា យន្តហោះម៉ាឡេសុីប្រភេទប៊ូអុីង៧៧៧ ដែលបានបាត់កាលពីថ្ងៃទី៨ មីនា កន្លងទៅនេះ មិនស្ថិតក្នុងផែនទីរបស់ក្រុមហ៊ុន Google ទេ ខណៈដែលប្រទេសចិនបានលើកឡើងថា ខ្លួនបានរកឃើញបំណែកមួយចំនួន ហើយសង្ស័យថា ជាបំណែករបស់យន្តហោះម៉ាឡេសុី ដែលការអះអាងនេះ ធ្វើឡើងតាមរយៈប្រព័ន្ធ
យោងតាមគេហទំព័របរទេសចេញផ្សាយកាលពីថ្ងៃទី១២ មីនា ឱ្យដឹងថា យន្តហោះម៉ាឡេសុីប្រភេទប៊ូអុីង៧៧៧ ដែលបានបាត់កាលពីថ្ងៃទី៨ មីនា កន្លងទៅនេះ មិនស្ថិតក្នុងផែនទីរបស់ក្រុមហ៊ុន Google ទេ ខណៈដែលប្រទេសចិនបានលើកឡើងថា ខ្លួនបានរកឃើញបំណែកមួយចំនួន ហើយសង្ស័យថា ជាបំណែករបស់យន្តហោះម៉ាឡេសុី ដែលការអះអាងនេះ ធ្វើឡើងតាមរយៈប្រព័ន្ធផ្កាយរណបរបស់ខ្លួន ។
ក្រុមហ៊ុន Google អះអាងថា ពួកគេមិនបានឃើញស្រមោលយន្តហោះម៉ាឡេសុីក្នុងផែនទី Google Map ទេ ស្របពេលដែលយន្តហោះបាត់ការទាក់ទងក្នុងរយៈពេល២ម៉ោង បន្ទាប់ពីហោះចេញពីទីក្រុងគូឡាឡាំពួរ ប្រទេសម៉ាឡេសុី ហើយបន្តឆ្ពោះទៅប្រទេសចិន ។ ក្រុមហ៊ុន Google ឱ្យដឹងទៀតថា មិនមានលទ្ធភាពណាមួយបង្ហាញពីការហោះហើរ និងបាត់ដានយន្តហោះនេះទេ សូម្បីតែទិន្នន័យបង្ហាញជាតួលេខ ទិសដៅ និងគោលដៅរបស់យន្តហោះក៏មិនមានដែរ ។ កត្តាដែលធ្វើឱ្យយន្តហោះនេះមិនស្ថិតក្នុងការតាមដានរបស់ក្រុមហ៊ុន Google គឺ បណ្តាលមកពីអាកាសធាតុមានការផ្លាស់ប្តូរ ទីតាំងយន្តហោះមិនមានការបង្ហាញពីចំណុចច្បាស់លាស់ណាមួយ ។
ការសង្ស័យមួយចំនួនជុំវិញការបាត់ដានរបស់យន្តហោះមួយគ្រឿងនេះ ត្រូវបានអ្នកវិទ្យាសាស្ត្រមើលឃើញថា ជាអាថ៌កំបាំងដែលមិនមានការបកស្រាយណាអាចទទួលយកបានពីសំណាក់សាច់ញាតិ បងប្អូនរបស់អ្នកធ្វើដំណើរនោះទេ បើទោះបីជាចំណាយពេលប្រើប្រាស់ប្រព័ន្ធផ្កាយរណបក៏ដោយ ។ ទោះជាយ៉ាងណាក៏ដោយ ស្ថាប័នស៊ើបអង្កេតជាតិ-អន្តរជាតិ និងអង្គភាពស្រាវជ្រាវលើមហាសមុទ្រ បានប្រើប្រាស់ឧបករណ៍ទំនើបៗក្នុងការរុករកយន្តហោះមួយគ្រឿងនេះ ។
គួរបញ្ជាក់ថា ការបាត់យន្តហោះមួយគ្រឿងនេះ ធ្វើឱ្យពិភពលោកមានការភ្ញាក់ផ្អើលត្រង់ការបាត់ដាន បន្ទាប់ពីយន្តហោះនេះពុំអាចទាក់ទងគ្នាបាន ដែលឈានទៅរកការស៊ើបអង្កេតភ្លាមៗ និងចាត់វិធានការស្រាវជ្រាវលើឯកសារមួយចំនួនដែលពាក់ព័ន្ធនឹងអ្នកដំណើរ ដែលគេសង្ស័យថា ជាអំពើភេរវកម្មរបស់ក្រុមជនជ្រុលនិយមណាមួយ ៕
ចែករំលែកព័តមាននេះ