រាជធានីភ្នំពេញ ៖ ថៅកែសិប្បកម្មកាត់ដេរតាមផ្ទះម្នាក់ កាលពីថ្ងៃទី១៣ មីនា ២០១៤ ត្រូវ បានសាលាដំបូងរាជធានីភ្នំពេញ សម្រេចឃុំខ្លួនដាក់ពន្ធនាគារជាបណ្តោះអាសន្ន និងមានដីកាឱ្យចាប់ខ្លួនស្ត្រីជាភរិយាពាក់ព័ន្ធពីបទរំលោភទំនុកចិត្ត (ឆបោកប្រាក់ជិត២០ម៉ឺនដុល្លារអាមេរិក) ។
រាជធានីភ្នំពេញ ៖ ថៅកែសិប្បកម្មកាត់ដេរតាមផ្ទះម្នាក់ កាលពីថ្ងៃទី១៣ មីនា ២០១៤ ត្រូវ បានសាលាដំបូងរាជធានីភ្នំពេញ សម្រេចឃុំខ្លួនដាក់ពន្ធនាគារជាបណ្តោះអាសន្ន និងមានដីកាឱ្យចាប់ខ្លួនស្ត្រីជាភរិយាពាក់ព័ន្ធពីបទរំលោភទំនុកចិត្ត (ឆបោកប្រាក់ជិត២០ម៉ឺនដុល្លារអាមេរិក) ។
ថៅកែសិប្បកម្មរូបនេះ ឈ្មោះយឿន ដារ៉ា ភេទប្រុស អាយុ៣២ឆ្នាំ មានទីលំនៅផ្ទះលេខ៤៥E2Z ផ្លូវលេខ១០៩ សង្កាត់វាលវង់ខណ្ឌ៧មករា សព្វថ្ងៃបានជួលផ្ទះបើកសិប្បកម្មសង្កាត់ចោមចៅ ខណ្ឌពោធិ៍សែនជយ័ រាជធានីភ្នំពេញ ។ ប្រពន្ធដែលមានដីកាចាប់ខ្លួនដែរនោះឈ្មោះអៀត តុលា អាយុ២៩ឆ្នាំ ជាប្រធានអង្គការអភិវឌ្ឍន៍កុមារ និងសហគមន៍ ។
ទាក់ទិននឹងការឃុំខ្លួនថៅកែសិប្បកម្មខាងលើនេះ ប្រភពពីសាលាដំបូងរាជធានីភ្នំពេញបានឲ្យដឹងថា ឈ្មោះយឿន ដារ៉ា ត្រូវសមត្ថកិច្ចនគរបាលការិយាល័យព្រហ្មទណ្ឌកម្រិតស្រាល ធ្វើការឃាត់ខ្លួនកាលពីថ្ងៃទី១២ មីនា នៅម្តុំភូមិត្រពាំងឈូក សង្កាត់ទឹកថ្លា
ខណ្ឌសែនសុខ គឺតាមដីកាឱ្យចាប់ខ្លួនរបស់លោកសួន សុខរាសី ចៅក្រមស៊ើបសួរសាលាដំបូងរាជធានីភ្នំពេញ ដែលមានលេខ១១២ តព្រ ចុះថ្ងៃទី១៩ កុម្ភៈ ២០១៤ ចំណែកប្រពន្ធក៏មានដីកាឱ្យចាប់ខ្លួនដែរ តែសមត្ថតិច្ចកំពុងធ្វើតាមនីតិវិធី ។
ប្រភពបន្តថា ប្តី-ប្រពន្ធ២នាក់ កាលពីអំឡុងខែសីហា ២០១២ និង២០១៣ បានទៅបបួលពាណិជ្ជករម្នាក់ឱ្យដាក់ដើមទុនរកស៊ីបើកធ្វើសិប្បកម្មទទួលក្រណាត់ពីរោងចក្រយកទៅកាត់ដេរតាមផ្ទះ ដើម្បីបានផលចំណេញចែកគ្នា ។ ពាណិជ្ជករម្នាក់នោះ ក៏យល់ព្រមដោយបានបោះទុនបន្តិចម្តងៗ រហូតដល់ទៅជិត២ម៉ឺនដុល្លារ ។
ចែករំលែកព័តមាននេះ